صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013

[RAFEK]

عم نسمع اخبار عن دولار بـ 200
حدى يأكد أو ينفي

[S.O.S]

قولكم المركزي عمل جلسة عالفطور ؟؟

[عابر مجيب]

اقتباس: المشاركة الأصلية كتبت بواسطة m3maher    السلام عليكم ورمضان كريم عالكل أخي عابر مجيب كأني عم بفهم من مشاركاتك وردك على الأعضاء انك مو ممنون أبداً انه تحسن سعر صرف الليره أمام الدولار بحوالي 100 ليره خلال أقل من أسبوع تقريباً وأنه اي شيئ يفعله المركزي لا يعجب أحد، لا إن لم يتدخل عند صعود الدولار لمستويات تفوق ال 300 ليرة ولا حتى ان تدخل ونزل السعر وما زال ينزل يعني بإختصار نحن شعب لا يعجبه العجب ولا الصيام برجب وكأنه في ناس كانت مبسوطة انه صار الدولار ب 330 ليره وعم تهلل انه لسا بده يوصل لمستوى 500 بنهاية رمضان الكريم يعني برأي هؤلاء وضعهم هل سيكون أفضل لأن قالبين مصرياتهم دولار ومو فارقة معهم لو صار ب 1000 !!!!!!؟؟؟؟؟؟ هدون اسمهم انتهازيين وعلى مبدأ فخار يكسر بعضه أو أنا ومن بعدي الطوفان وحلال عالشاطر انه دبر راسه وقلب مصرياته ونسي انه في فئات كبيرة بمجتمعنا لا تؤمن بالتعامل بالدولار ولا حتى يمكن بتعرف شكله خلينا نشوف النصف المليان من الكأس ونسعى لأن يكون مليان لكل فئات المجتمع واه عجبي !!!!!!!!!!!!

الأيام القادمة ستبين لك ما أقصده
لوكان الارتفاع مبني على اسس حقيقية فالكل رابح فكل مدخولنا بالليرة والخير يطالنا جميعا
ولكن يبقى تثبيت السعر أفضل من رفع قيمة الليرة على فاشوش
كان الأولى رفع الرواتب والفائدة على الليرة
مافعله المركزي زوبعة عصفت بأمان الجميع وخلقت خضة واضطراب ، ستهدأ الغبار ونرى .
اتمنى ان أكون مخطئا .
شكرا لاتاحتك الفرصة لي لبيان ما أقصد .

[جوليت]

اقتباس: المشاركة الأصلية كتبت بواسطة عابر مجيب    الأيام القادمة ستبين لك ما أقصده لوكان الارتفاع مبني على اسس حقيقية فالكل رابح فكل مدخولنا بالليرة والخير يطالنا جميعا ولكن يبقى تثبيت السعر أفضل من رفع قيمة الليرة على فاشوش كان الأولى رفع الرواتب والفائدة على الليرة مافعله المركزي زوبعة عصفت بأمان الجميع وخلقت خضة واضطراب ، ستهدأ الغبار ونرى . اتمنى ان أكون مخطئا . شكرا لاتاحتك الفرصة لي لبيان ما أقصد .

هالمرة مارح تزبط كمان معك لانو جد الموضوع كبير ويلي عندو معلومات أكيد رح يعرف عن شو عم احكي

[الليرة السورية]

اقتباس: المشاركة الأصلية كتبت بواسطة s.o.s    قولكم المركزي عمل جلسة عالفطور ؟؟

ههههه و الله يا صديقي طالما في سعر صرف بيطلع الساعة 3 الصبح
فما بستغرب مركزي يساوي جلسة عالسحور مو بس عالفطور

بس صدقا ضحكتني

[باسل غ]

اقتباس: المشاركة الأصلية كتبت بواسطة rafek    سيدي إن شاء الله يصير الدولار بـ 100 وكمان يرجع لل 50 بس مو هاد المهم المهم يثبت يثبت ئلناها مليون مرة يثبت على اي سعر كان 50....100...200...مهم يثبت

هيدا الحلم يلي انا وانت ما فينا نحلم فيه مضطرين للاسف نشوف الجزء الاخير من

مسلسل (اليره والمركزي)

[أبوقصي]

مسا الورد

[جوليت]

شيرين حضرتك ليش لحتى تستني المركزي ليوصل ل 200 انا مستعدة هلأ اعطيكي عا190 بمقدار 50000 دولار ولكن بتقبضين بعد ثلاثة ايام وبتأدري تتطلبي الضمانة يلي بدك ياها واذا جاهزة ادام المنتدى كلو وتأكدي انا ماعم امزح وهالعرض كمان لعابر و mak ولأديب وبس

[RAFEK]

اقتباس: المشاركة الأصلية كتبت بواسطة باسل غ    هيدا الحلم يلي انا وانت ما فينا نحلم فيه مضطرين للاسف نشوف الجزء الاخير من مسلسل (اليره والمركزي)

انو حلم ما فينا نحلم فيه
حلم ال 50 ولا حلم التثبيت؟؟؟؟؟؟؟؟

[عابر مجيب]

اقتباس: المشاركة الأصلية كتبت بواسطة جوليت    انو تحليل هاد , اي أكبر الاقتصاديين بالعالم مابيعرفو كيف ماشي اقتصاد سوريا , المنطق كلو مابيحكم هالسوق, والسوق السودا هو العالم والمواطنين والمركزي عرف يلعبا واكيد رح يكمل ,’ لعلمك الدولارات يلي انباعت للمركزي اكتر من الدولارات يلي دخل فيا . والخميس قريب .......

جبتيها من قصيرها
المركزي عم يلعب على أموال البسطاء اللي باعو
هون مربط الفرس
نحنا عم ننتقد المركزي
انت أكدت الذم بما يشبه المدح ما بعرف إذا بقصد او بالخطأ
المنطق السليم وكلمة الحق لا بد ان تظهر
خليكي معنا كلنا بنفس الطرف وكلنا مخدوعين
المركزي حول الناس إلى زبائن ماشي الحال
بس يتحول لعدو ويبلفنا ؟ مو تقيلة !