صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013

[shereen]

اقتباس: المشاركة الأصلية كتبت بواسطة محمود1986    لا مارح يطلع رح ينزل اكتير

على انو اساس بدو ينزل عطيني اساس واحد لاقتنع نفط مافي سياحة مافي معامل مافي بنى تحتية راحت المحروقات اتضاعفت اسعارها وهللق مو معروف المركزي كيف عم يتدخل يمكن قروض وديون او يمكن عم يبيع دهب يعني اساس اقتصادي مافي هيك كلو ارتجالي

[EngShaam]

اقتباس: المشاركة الأصلية كتبت بواسطة باسل غ    اخي الكريم الاشخاص يلي عبحكي عنهم ركبو الموجه وصار اسمهم صرافين مانهم اشخاص عبدخروا او مضاربين بشرف ________________________________________ المهم ابو هثيم وصلتك الرساله على الخاص ؟؟؟

مزبوط أخي باسل
بس خلينا ما ننكر إنو نحنا عنا مشكلة أكبر من مشكلة رفض الرأي الاخر
وهيي مشكلة تسفيه وتخطيئ وأحيانا تجريم الرأي يلي بيخالف رأينا أو وجهة نظرنا (وأنا ما بقصد أي حدا بس عم بحكي بالعموم)
وعلى فكرة أنا أحيي وأحترم ردك على مداخلتي بطريقة كتير محترمة و منطقية وإنك ما أخدت الموضوع بمنحى شخصي ...لأنو بصراحة الواحد عكتر ماعم يشوف شراسة بالرد بين بعض الأعضاء صار يحسب ألف حساب أبل ما يكتب أي كلمة مشان ما يفوت الواحد بمشاحنات مالها من سلطان ونقاشات ما منها فايدة

وعليه لك مني كل الشكر والتقدير

[عابر مجيب]

اقتباس: المشاركة الأصلية كتبت بواسطة سوري للصاجة    مابعرف ليش في كم عضو من أعضاء المنتدى متضايقين من طلعة الليرة ... وليش في أعضاء لسا عم يبهدلوا بالمركزي وبأديب ميالة؟ ... صحيح مابيعجبكم العجب ولا الصيام برجب. إن هرّت الليرة بتبهدلوا ميالة .. وإن طلعت الليرة بتبهدلوا ميالة .. هلأ أنا مابعرفه للزلمة ولا بتاجر بالدولار مقابل السوري .. بس المركزي بقيادة ميالة أثبت قوته عالأرض ... بغض النظر عن تعدد وجهات النظر عند المشاركين هون والقراء... الحقيقة على أرض الواقع إنو المركزي قدر يرجع الدولار 100 ليرة لورا بظرف 5-6 أيام... هي المية ليرة هي تقريباً ثلث قيمة الدولار مقابل الليرة السورية قبل أسبوع زمان. بيجوز يكونوا جماعة المركزي مابيفهموا اقتصادياً ... بس الشي الأكيد إنو بيفهموا على هالشعب الحربوء. معلومة بسيطة: سياسة خفض قيمة العملة المحلية بزمن الأزمات والحصارات الاقتصادية هي سياسة لها فاعلية ومجربة بكتير بلاد... ومن فوائدها إنو بتساعد اقتصاد الدولة بالقطاعين العام والخاص على الصمود وتخطي الأزمة من خلال تخفيض كتلة الرواتب والمدفوعات الشهرية. طبعاً إلها جوانب سلبية تتلخص بانزياح طبقات المجتمع نحو الأسفل خلال فترة الأزمة... يعني يللي حالته وسط بيصير دون الوسط .. ويللي دون الوسط بيصير فقير ... والفقير بيصير على موائد المساعدات. وطبعاً الغني بيضل غني ... هادا الحكي كله بيروح بانتهاء الأزمة ... وإعادة ضبط أسعار الدولار والبضايع الأساسية. (وهي السياسة يللي بدأتها الحكومة السورية) هلأ حيبدؤوا بعض الأعضاء البارزين و"الممارسين" بالتهكم على جميع من يقف في صف الليرة والاقتصاد الوطني... بغض النظر إذا كان الكلام صح ولا خطأ ... المهم ما حدا يقول إنو الليرة عم تتحسن وإنو الوضع الاقتصادي والأمني عن يتحسن... وبيجوز حتى يتابعوا مسخرة اليانصيب والاستخفاف بعقول القراء يللي بيلجؤوا للمنتدى هون مشان ياخدوا نصيحة اقتصادية... يعني يللي كتير متضايق عطلعة الليرة.. يحط بباله إنو خسارته إله لحاله أحسن من خسارة 23 مليون سوري معه. ويحط بباله إنو كل ماعم يطلع الدولار لفوق عم تطلع معه كل البضايع الأساسية والغير أساسية وماعم ترجع لما يهر. وعلى فكرة: أنا خسران أكتر من مليونين ليرة بنزلة الدولار هي خسرانهم بالدهب طبعاً مو بالدولار.. كون إنو لساتني شايف إنو المضاربة بالدولار بيضر الليرة أكتر مابيفيدها. والسوق كان بطلوع مستمر فما هو سوق مضاربة .. هو سوق توفير. تحيـــاتــــي...

ابدأ من آخر ما كتبت
انت لم تتاجر بالدولار لأنه يضر الليرة ، ولكنك تاجرت بالذهب
لا أجد مثالا محكما لتشبيه ما تقوله .
لوكنت كتبت هذا في بداية مشاركتك ، كنت وفرت علينا عناء قراءة الباقي .
وتقول
طبعا الغني بيضل غني ، لأ حبيبي مابيضل ، صار أغنى ، والمال جاءه من اللي ذكرتون وانهم تحولوا إلى فقراء ، فلا شيء يفنى ولا شيء يستحدث من العدم . الكتلة النقدية واحدة ، تذهب من أيدي الناس ويفقروا وتذهب إلى الأغنياء ويزدادوا غنى ، وهؤلاء هم حديثوا الغنى أو تجار الأزمات .
من يريد الاضرار بالليرة ؟ هم الممثلون الذين يذرفون دموع التماسيح على الفقراء ، ويتهمون الآخرين بالاضرار بالليرة والفرح من هبوط سعرها ، ليس هذا كلام ولا رغبة مواطن مسؤول عن تصرفاته وكلامه .
ما يفعله المركزي خطأ وأنا لست مسرورا لارتفاع قيمة الليرة بعد هبوطها أنا مع منع هبوطها أولا ، ومن ثم لو هبطت فالتصرف المسؤول هو بوقف هبوطها حيث وصلت ، ليس التراجع للوراء .
التراجع يخلق فرصا للمضاربين ، ويخلق فوضى اسعار لايمكن ضبطها، فهذا اشترى بضاعته على دولار 180 وآخر اشترى على دولار 225 .....إلخ ، من المفارقات الناتجة ، والفوضى في التسعير .
أخيرا ألا ترى معنى كلامك، وأنك تصف نفسك بالصلاح وتصم الآخرين بالفساد، بل وبالاضرار بأنفسهم ؟!

[جوليت]

شيرين هالمرة مارح تزبط معك (ارقام 230 240) موجودين بأحلامك بس
هالمرة انتي رح ضري الناس يلي ممكن يصدقوكي
الضمير ثم الضمير

[ahmad477]

اللاذقية مع أقتراب الإغلاق ... شراء 220 وشبه متوقف ... 235 مبيع وقابل للتفاوض ... ملاحظة العرض أكتر من الطلب

[expert]

اقتباس: المشاركة الأصلية كتبت بواسطة omar1964    مساء الخير الحمد لله نزل و و إنشاء الله ينزل كمان بس يا جماعة اليوم شفت حالتين مأساويتن أرملة اشترت بذروة الصعود بمدخراتها ( 400000) ل س و موظف وضعه تعبان اشترى بكل شي معو 130 دولار تركتهم بالسوق عم يبيعو بـ 230 و هني شاريين بـ 315 الله يرحمنا و يساعدنا

اخي هدول التنين يللي ذكرتهم بلحظة البيع بيتحولو من مدخرين لمضاربين والمضارب معرض للربح والخسارة
مو المهم السعر يللي اشتريت فيه المهم انو الربح او الخسارة ما بيتحقق الا لما بتبيع وبتتحول من عملة الى اخرة او من معدن ثمين الى عملة
فيه ناس اشترت دولار ب105 باذار 2012 ونزل الدولار لل68 وما باعت بتقدر تقول انهم خسروا
اكيد لا لانو رجع طلع اكتر من سعر الشراء تبعهم
يللي بدهه يضارب ويبيع ويشتري وهو ماعنده ما يكفي من اتصالات وعلم بالاقتصاد فلا عزاء له لان الطمع دفعه لعمل لا يدرك مخاطره
ليست شماته والله يعلم لكن الطمع هو سبب اكثر المصائب المادية

[باسل غ]

اقتباس: المشاركة الأصلية كتبت بواسطة engshaam    مزبوط أخي باسل بس خلينا ما ننكر إنو نحنا عنا مشكلة أكبر من مشكلة رفض الرأي الاخر وهيي مشكلة تسفيه وتخطيئ وأحيانا تجريم الرأي يلي بيخالف رأينا أو وجهة نظرنا (وأنا ما بقصد أي حدا بس عم بحكي بالعموم) وعلى فكرة أنا أحيي وأحترم ردك على مداخلتي بطريقة كتير محترمة و منطقية وإنك ما أخدت الموضوع بمنحى شخصي ...لأنو بصراحة الواحد عكتر ماعم يشوف شراسة بالرد بين بعض الأعضاء صار يحسب ألف حساب أبل ما يكتب أي كلمة مشان ما يفوت الواحد بمشاحنات مالها من سلطان ونقاشات ما منها فايدة وعليه لك مني كل الشكر والتقدير

الله يخليك خير الكلام ما قل ودل

انا عبنشر سعر في صرافين عبيعوا وفي صرافين ماسكين وما عبيعوا على امل يرجع يطلع

وصلت الفكره

[expert]

بالنسبة لي لما كان فيه فائض بالدخل كنت عم امشي على المبدا التالي:
لما الدولار بطلوع بشتري مواد غذائية للاستخدام المنزلي بكمية زائدة بضعة شهور للامام(المواد الغذائية لا يرتفع سعرها بنفس وتيرة الدولار بل يتاخر ارتفاع سعرها بضعة ايام)
ولما الدولار بينزل بتوقف عن شرا المواد الغذائية القابلة للتخزين قدر الامكان واستهلك مما خزنته واشتري دولار بما يزيد عن دخلي.
الان الله يفرجها علينا وعلى كل اهل حلب واهل سورية كمان.

[ذكرى انسان]

اقتباس: المشاركة الأصلية كتبت بواسطة shereen    على انو اساس بدو ينزل عطيني اساس واحد لاقتنع نفط مافي سياحة مافي معامل مافي بنى تحتية راحت المحروقات اتضاعفت اسعارها وهللق مو معروف المركزي كيف عم يتدخل يمكن قروض وديون او يمكن عم يبيع دهب يعني اساس اقتصادي مافي هيك كلو ارتجالي

أنا معك بكل كلمة بس البرستيج والهوبرا تبع المركزي هي اللي بتخليه يعمل هيك


يعني مانستبعد انو المركزي هو اللي نزل السعر لل325 ونشف السوق من الدولار



ورجع هلأ بيغرق السوق بالدولار لينزلو ع 150 لحتى يقول انا موجود واتصرف



ومن هالحكي اللي بلا طعمه وينسي الناس انو الدولار كان ب47 ويقبلو بالمركزي



انو هو بطل الاقتصاد والاقتصاد بخير وننسا انو اتدبل سعر الصرف



هذا التخطيط الاستراتيجي للفكر الاقتصادي الممنهج الذي يخدم المواطن فقط


طبعا السطر الاخير مقتبس من خطابات المحللين اللي صارو بالازمة اقتصاديين.

[omar1964]

لما تجولت اليوم بالسوق لفت نظري
الصرافين مبسوطين اكتر مني بنزول السعر و عم يروجوا لنزول اكتر
و كان في لمعة بعيونون....
انا كنت مفتكر انو زعلانين ...!!