صالة أسعار صرف العملات والذهب ليوم الجمعة 28-6-2013

[أبوقصي]

اقتباس: المشاركة الأصلية كتبت بواسطة سوريا الله حاميها أكيد    حاكم مصرف سورية المركزي : سعر صرف الدولار مقابل الليرة قرابة ٢٠٠ لكنه سينخفض حتما خلال اليومين القادمين وهو سعر وهمي والمركزي يمول المستوردات بسعر ١٧٦ ليرة لكل دولار

اذا بدو يحفظ ما تبقى من مصداقيته لازم ينزل الدولار لل 195 عالقليلة

[abd73fr]

اقتباس: المشاركة الأصلية كتبت بواسطة سوريا الله حاميها أكيد    حاكم مصرف سورية المركزي : سعر صرف الدولار مقابل الليرة قرابة ٢٠٠ لكنه سينخفض حتما خلال اليومين القادمين وهو سعر وهمي والمركزي يمول المستوردات بسعر ١٧٦ ليرة لكل دولار

من شوية نقلتو عنه قوله إن سعر 200 يجب الحفاظ عليه.. شو لسى ما خلص حكي؟؟...
بعدين اذا سعر دولار الاستيراد 176.. كم لازم يكون سعره للمواطن أو في السوق السوداء؟؟

[mdhat]

ميالة سعر لتر المازوت عم يكلف 98 سنت يعني 200 ل س حسب الدولار 208 بس السعر همي

[mdhat]

ميالة لا احد يتوقع انو ينزل السعر بين يوم وليلة شو منفهم انو شراء الدولار لايحمل اي مخاطر بينما الاحتفاظ بالسوري مخاطر ة كبيرة يعني ركضو اشترو دولار ب 200 ولا تخافو يبدو مع هذا الكلام وضخ الزياد الرواتب وثمن القمح بكرة رح تولع الاسعار

[majd alhammoud]

بدي اسأل عن : ليش شركة الصرافة بتاخد الهوية وبتصورها ؟؟؟ وهل فيها شي مشكلة ادا كان المبلغ كبير ؟

[The shadow]

إن كنت لاتعلم فالمصيبة عظيمة .... وإن كنت تعلم فالمصيبة أعظم
ميالة إعترف إنو ال 1000 يورو عم تدور وترجع للصرافين بحجة إنو عم تضخ عملة صعبة بالإقتصاد
يعني دورة الفساد والسرئة واضحة وبالشراكة مع شركات الصرافة اللي عم ينباع ئلها ...... كلنا منعرف إنو الليرة وضعها صعب ومأساوي بس الفساد واضح والعالم مالها جدبة

[أبوسلطآن]

اقتباس: المشاركة الأصلية كتبت بواسطة عابر مجيب    ميت هلا والله بأبو سلطان صح لسانك ( نحنا بنقول يسلم تمك ) لا تنسى صالون العطلات من زياراتك الصالون فترته اطول ، صفحة العملات كل يوم بتتجدد وبنفقد مشاركات أو بنحاول الاجابة عليها بس بتكون انغلقت الصفحة . شد حيلك وكتر مشاركاتك بتصير تنزل فورا بعد تجاوز 30 على ما بذكر . بتمنى من الادارة تعملك استثناء وترفع المراقبة ، شو ابو حكيم حكيلك كلمة

عابر ياليت توحيني الصــــــوت ** تسمع علــوما مايسرك حــكاها
وبعدها ينعاف شربك مع القوت ** والعين تنظرللشام وتذرف بماها
مياله ذكر الليرة وشاتها شــوت ** مادون الميتين لو ماعنــــــاها
انظر لشعبك قبل يفوت الفـوت ** وناظر فقيرا ميتا من غلاهـــا
نزل الاسعار لو دونها المـــوت ** وارحم ضعوفا من هما بلاهـــا
عابر بدي أئولك ئول متل الياقوت** وروح الاخوة بيننا في علاها
يارب يامنجي نبيك من الحــــــوت** تنجي سوريا واهلها من جورا عياها

عزيزا وغالي يااخ عابر زعلنا اليوم مياله هههههههه

[mdhat]

سابقا بعد كل تصريح كان يتراجع السعر ولكن هذه المقابلة تغيرت اللهجة وطالبتنا بالصبر والسلوان نعم
(السلوان) بالحرف يعني بتوقع قفزة تعادل مجموع التراجعات لكل التصريحات السابقة وانا فهمت منو اعلان غير مباشر للتعويم

[shereen]

انا اللي فهمتو من مقابلة الدكتور ميالة انو لازم نتعود انو سعر الليرة هوة مرآة للاقتصاد السوري اللي مافيه سياحة ولانفط ولانتاج ولاتصدير وولاشي (يعني قد ماطلع الدولار لاحدا يلومنا)وبدنا الشتوية الجاية نصير نتدفى على الليرة السورية لانو لح تصير ارخص من الحط متل المارك الالماني وقت انهار الاقتصاد فتجنو انهيار الليرة ولهلق ماصار انهيار بس في نزول تدريجي وفهمت كمان انو حل مشاكل وهبوط قيمة العملة لح يكون بسجن الصرافين وتعذيبهم ومحاكمتهم موقوفين لانو بالشهر ونص اللي مرقو كانو عم يضلو بالحبس بس بالفترة اللي قبل يحطوهم بالنظارة بالمخفر وبعدين يطلعوهم -ياريت نشوف مشاركة واسعة وتعليقات وتوقعات بعد المقابلة تبع ميالة-

[black_ghost87]

قالها بشكل غير مباشر "التعويم"