صالة أسعار صرف الدولار وباقي العملات و الذهب مقابل الليرة السورية ليوم الثلاثاء 25-6-2013

[mddyab]

سعر الافتتاح بحلب :
شراء : 197 مبيع : 200

[samsamo]

اقتباس: المشاركة الأصلية كتبت بواسطة عابر مجيب    اليوم النت كان عدمان عندي وبلا المنتدى بضيع ، وماعندي صراف اعتمد عليه حملت حالي وطلعت دور بلا طول سيرة متل عادتي اهتديت لصراف من اللي بيحترموا كلمتهم ، وقلي بس تتصل بعطيك السعر وبثبت .وبيوصلوك لعندك رجعت لجرب اتصلت قال : بيشتري 148 وببيع 150 قلتلو برجع بأكدلك طبعا جاري لسا عم يجمع لأبنو للسفر رحت قلتلو لسا بدك ؟ قال واعدني جارنا بس قال بيرد المسا ، قلتلو لا تخليه يلعب فينا عندي صراف جديد ومرتب ، ولو سعرو أعلى بناخد ، بنخلص من هالغليظ قللي 150 مارح يعطيني أقل يلا باخد اتصلت بالصراف وطاير عقلي بدي اتأكد إذا صادق فعلا شو ابو الشباب ؟ قلي صار 152 قلتلو وعدت واحد 150 قلي تكرم متل مابدك بعد ربع ساعة اتصل ، ضايع عن العنوان ، دليتو وصل وعطاني الدولارات قلتلو ما بقا اتركك قلي والله رايح سلم واحد مثبت على سعر انقص 15 ليرة بس خلص ثبتللو من يومين. وأنهى كلامو انو هوه كمان بيحتاجني طالما التعامل نضيف وعلى الثقة . من بكرا حتاخدوا السعر التمام ، بس لاتنسوا تضيفوا خمسين . إذا في حدا مزعوج من الخمسين بنبطلها

والله عم يلبكنا شوي موضوع هالخمسين استاذ عابر - شكر جزيل و محبة

[le liooooon]

هدوء
هددددددوووووووووءءءءءءءء
الكل ينتظر

[ابن البلد البار]

صباح الخير
يعطيكم العافية جميعاً
وشكراًع الافتتاحية وأتمنى نهاراً مزلزلاً للدولار مع أنو ما في مؤشرات لذلك..
ولكن عالأقل أمنية تسعد صاحبها كما يقول أخونا الأستاذ عابر
وشكراً

[seraj]

عضو في مجلس الشعب سيحجب الثقة عن النائب الاقتصادي ووزير الاقتصاد إن لم يتحسن سعر الصرف
تاريخ المقال: 2013-06-25
الاقتصادي ـ صحف:

أوضح عضو "مجلس الشعب" ماهر الحجار، أنه خلال أيام سيلجأ إلى حجب الثقة عن النائب الاقتصادي وزير التجارة الداخلية قدري جميل ووزير الاقتصاد محمد ظافر محبك، في حال لم نر نتائج ملموسة على أرض الواقع، من خلال تخفيض سعر الصرف، والسلطة التنفيذية قادرة على ذلك من خلال إجراءات بمقدورها اتخاذها.

وتابع الحجار وفق صحيفة "الوطن" المحلية: "لذلك لم أكتف بإجابة الوزيرين واحتفظت بحقي باللجوء إلى حجب الثقة الذي اعتبرته مؤجلاً ريثما نرى نتائج ملموسة على الأرض، لنتحقق من أن هذا الاستجواب أدى مفعولاً في تصويب سياسة هذين الوزيرين، وإلا فإن النظام الداخلي للمجلس يمنحني حق حجب الثقة متى أشأ ومن دون استجواب".

وأضاف الحجار: "من خلال الدراسة التي قدمتها، فالسعر الحقيقي لصرف الدولار هو 60-70 ليرة سورية، وكل ما عدا ذلك هو سعر وهمي وغير حقيقي، والمصيبة الكبرى أن حاكم "مصرف سورية المركزي" لدى الحكومة واللجنة الاقتصادية، يحددان سعر الصرف على أساس سعر السوق السوداء وهذه الكارثة ليس لها أي قانون اقتصادي في الكون".

وأكد أن ما يجري عندنا هو أن حفنة من السماسرة والمضاربين وأرباب المال الحرام، يقومون برفع مصطنع لسعر الصرف، وبعد يوم أو يومين يقوم حاكم "مصرف سورية المركزي" دون أي مبرر باللحاق بسعر الصرف في السوق السوداء، ثم تقوم الحكومة برفع أسعار المواد الاستهلاكية الأساسية، وبهذا الشكل تم رفع سعر الغاز والمازوت والبنزين على أساس سعر الصرف الوهمي، أي ما يحدد أسعار السلع الإستراتيجية التي تهم المواطنين هم مجموعة من الصرافين والمضاربين، ومن يسمح بذلك السياسة النقدية لـ"مجلس النقد والتسليف".

وأوضح أن إجابة النائب الاقتصادي وزير التجارة الداخلية وحماية المستهلك قدري جميل، لم تحتو على إجابة لأي من التساؤلات التي تضمنها الاستجواب، أما جواب وزير الاقتصاد والتجارة الخارجية، فجاء معبراً عن فقر معرفي شديد بالسياسات النقدية والعلوم النقدية والمالية والاقتصادية، وفقر معرفي أكبر بمهامه، إذ حاول أن يثبت من خلال جوابه أن هناك أزمة في سورية، بعيداً من دحض أي فكرة واردة من خلال الاستجواب.

وأكد الحجار أن استمهاله في طرح حجب الثقة جاء ليدحض محاولة البعض شخصنة الاستجواب وكأنه ليس من مهام عضو "مجلس الشعب"، مع أننا انطلقنا في الاستجواب من الحرص على السيادة الوطنية وعلى حقوق الشعب وعلى الاحتياطي النقدي الذي جرى جمعه خلال عشرات السنين من عرق ودماء الشعب السوري، لجهة عدم هدره وتهريبه لمصلحة قوى محددة، فهذا هو منطلق الاستجواب وما نريده هو تصويب أداء العمل الحكومي ولم نهدف منه إلى أجندات شخصية.

[le liooooon]

ان زيادة الرواتب للموظفين والزياده الرسميه لبعض المواد الاساسيه
والزياده التلقائيه لكل المواد بدون استثناء
وارتفاع سعر الصرف للدولارالى المستوى الجنوني
كلها عباره عن صواريخ واسلحة تدمير لما تبقى من الشعب السوري داخل حدود الوطن

[mddyab]

ممكن اعرف يا اخوتنا المشرفين ليش ما عبتظهر مشاركاتي وحتى اذا ظهرت بتكون مضى عليها اكتر من نص ساعة ارجو منكم حل هذه المشكلة ورفع الرقابة عني ولكم جزيل الشكر

[abu mhd]

صباح الخير جميعا

عذرا للتأخر احيانا باظهار المشاركات وذلك حسب تواجد المشرف بالصالة

اما رفع الرقابة فهي غالبا بحدود 30 - 50 مشاركة مالم تكن المشاركات غير صالحة للنشر او فيها اساءة فمن الممكن ابقاء العضو تحت الرقابة
ومن الممكن رفع الرقابة قبل ذلك بحال كانت المشاركات ذات فائدة كبيرة للمنتدى واعضائه

الهدف من الرقابة ليس التحكم بالأعضاء ومشاركاتهم ولكن خوفا من المشاركات المسيئة وبعض الأعضاء اللذين يدخلون لأهدافهم الخاصة والتي يتم حذف الكثير منها مسبقا فالمشرف لا يجد متعة بهذا العمل الشاق ولكن الهدف العام وايصال المشاركة ذات الفائدة هو الهدف

شكرا لتفهمكم

[ابو بلال]

اليوم اذا الصرافة فتحو وردو عالتليفون وباعوا .. معناها في تدخل محتمل وممكن ينزل (شوي)
اما اذا متل امبارح .. شراء وعدم بيع .. معناها الامور للأسوأ
والله اعلم

[abdullah.id]

اليوم رح يكون الحذر سيد الموقف بس ما بعتقد رح يطول هذا الحذر
نقطة ال200 رح تكون نقطة مقاومة قوية ضد هبوط سعر الدولار مقابل الليرة بسبب انو نحنا بنهاية الشهر وجايين على بداية شهر فيه زيادة راتب ورمضان صار عالبواب الشي يلي بطبيعة الحال يؤدي الى ارتفاع الاسعار بالنسبة للبضائع في السوق بالاضافة لموضوع اشاعة حجب الثقة عن بعض المسؤولين بسبب انهيار الليرة وانو رغم بداية المركزي بعملية ضخ اليورو لكن مازالت حلول المركزي محدودة وخاصة انو العالم توقعت منو الكثير خلال الفترة الماضية بس بتبقى الظروف الحالية بالبلد عم تمنع حلول جذرية (بمعنى انو الحسابات عم تكون للمستقبل اكثر من الاهتمام المطلق بالوضع الحالي) بس بيبقى أمل وجود مفاجئات من قبل المركزي والحكومة امر واقعي لذلك الحذر رح يكون سيد الموقف
وبالنهاية الله يستر اذا بقي الوضع على ما هو عليه وما صار التدخل المفترض لان رح نشوف أسعار الدولار مقابل الليرة رح توصل لمستويات اكتر من مما بيتوقع أكثر المتشائمين بانهيار سعر صرف الليرة
الله يحمي هالبلد ويحمي أهلها يا رب من كل كرب وحزن
وكل الشكر للاساتذة المشرفين والاعضاء على مشاركاتهن المفيدة والراقية