صالة أسعار الدولار و باقي العملات مقابل الليرة الجمعة 21-6-2013

[omar1964]

مساء الخير للجميع
جمعة مباركة باذن الله
شكرا للاخ ابو عبد الرزاق على افتتاح الصالة
و الله يكون بالعون

-----
.
.

[abdullah.id]

صباح الخير
جمعة مبارك عالسادة المشرفين والأعضاء جميعا
نسأل الله الفرج العاجل

[أبوقصي]

اقتباس: المشاركة الأصلية كتبت بواسطة arc-samer    طيب أنا في شي ماعم يدخل بعقلي ليش بيجو المسؤلين والاقتصاديين بيضربونا منية بالدعم تبع المازوت والغاز البنزين وبيحسبو السعر بالدولار ع اساس 200 ليرة وبقولي نحن مندعم ها المواد بقيمة النصف وانو هنن ذاتن هنن هنن هنن هنن بقولو انو السعر العادل للدولار 100 ليرة طيب اذا حسبتو ها المواد ع السعر العادل تبعكن بتطلع مانا مدعومة بنوب وبتطلعوا عم تربحو فيها وشغلة تانية كمان انو مبلغ الدعم تبع الحكومة ثابت برغم انو 90% من الشعب السوري لاعاد ركب سيارة ولاعاد سافر ولاعاد دفي ولاعاد برد لك تركووووووووووووووو الشعب بحالو مابدو شي حاج تتمننو علي بشغلات وهمية لك حاج بقى يعني انا عم ازعل ع المسؤلين ياحرام اديش عبيتعبوا مشانا ونحنا ماعم نفدرهم ولا شي بزعل

كلام منطقي

[أبوقصي]

مسا الورد

[البحر الهائج]

صباح الخير للجميع
شكرا عافتتاح أبوعبد الرزاق

[البحر الهائج]

جمعة مباركة للجميع
أغلق سعر صرف الدولار ليوم الخميس في اللاذقية:
شراء182-183
‏‎188‎مبيع

[moner]

اقتباس: المشاركة الأصلية كتبت بواسطة محمد عامر النجار    لح كمل كلام بس المشاركة الماضية كانت للفت الانتباه لكن ما يزال أمرهم عجيب لأنه كثيير من الأعضاء الجدد او غير الجدد عم ينخروا بدن المشرفين ليش ما عم ينتبهوا لبعض المشاركات وليش سمحوا بأخرى وليش عم يتأخروا ببعضها و ليش عم يتأخروا بالسعر و البعض الآخر بهاجمهون أحيانا وووو يعني كثييرين مو رضيانين عنهم او بيعملوهم وسيلة تهديد غير مباشرة او او او طبعا قبل ما اقول رأيي هون ومع حبي و احترامي لكافة الاعضاء عم أتكلم بالنيابة عنكم جميعا بعد ما راقت النفوس و بركي بلحقني شي وسام او اسم ملون او كم دولار او طرطوشة انتفع فيها المهم أنا استغرب انو الموقع مجاني والاعلان فيه مجاني والآراء فيه مجانية و جمعكم بأصدقاء جدد مجانا و تعلمنا منه امور كثيرة مجانا و مو بس هيك لا كمان لما بكون العضو جديد ما بنزلو مشاركاته قبل ما يقراوها و يتأكدوا منها و أنا شخصيا لما كنت هيك كنت مرتاح نفسيا بس هلا صرت اقرأ مشاركتي اكثر من مرة قبل ما اعتمدها احسن ما كون غلطان بشي كلمة إملائية ينبهني عليها الاستاذ غالب او فشة خلق يسناولني عليها ابو حكيم او شي سعر مو راكز آكل عليه بهدلة من حدا او ولا هيك بكفي طيب أنا عم روح من وقتي ساعات باليوم لأقرأ المشاركات كلها طيب المشرفين ما عندهم شغل ولا في جمعية خيرية عم تدعم هالموقع و تعطيهم مساعدات و فرشات ومعكرونة ووو زر الشكر لحاله قبل ما يطجو كل واحد فينا لازم يشكر المشرف اللي نزل المشاركة لحتى عجبت احدنا و استفاد منها و شكر عليها لا. وفوق هيك عم يشاركونا كمان بمشاركات لا. و يشكرونا على مشاركاتنا وأحلى شي لما بنزلو مشاركة لواحد بكون عم ينتقدهم فيها او عم يقول ليش ما عم تنزلو مشاركاتي واللي رح يفلجني اكثر البروكر تبع الموقع اللي امه ما بيعرف شو صار فيها من شهور ولسه عنده خلق يعطينا توقعات و تحليلات وانا شخصيا شكرني بأحد المشاركات و من دون يمين ما عرفت افرح ولا استحي بحالي لك شكرًا لكل المشرفين ولكل الاعضاء اللي صرلهم دقائق عم يضيعوا وقت و يقرأوا عالأقل مشاركاتي اللي معظمها حكي فاضي او ما لها علاقة بالاقتصاد ولا تنسوا اقل شي الدعاء لوالدة الأستاذ رامي*بالفرج واستعينوا بالصبر فالصبر في حديث رسول الله نصف الايمان و الصابرون يدخلون الجنة بدون حساب كما جاء في كتاب الله والسلام *

كلام حلو وشكرا جزيلا وجمعه مباركه

[amsi]

الأخوة الأكارم إدارة وأعضاء وزوار، السلام عليكم ورحمة الله وبركاته ....
كنت أتابع الموقع من عدة سنوات وقررت من فترة قصيرة الإنضمام إلى هذه الأسرة الكريمة في هذا المنتدى .... وبعد مارأيت أنه البعض يلجأ إلى ملابسات غير لائقة بنفسه وبالأعضاء قررت أن أدخل فقط لمشاهدة آراء الأعضاء والإدارة والزوار لسبب أنه البعض لا يلتزم بقواعد المنتدى ودمتم مع فائق الشكر والإحترام. أرجو من الأخ محاسبة نفسه قبل أن ينشر أو يتكلم بما لا يليق وشكراً.

[amsi]

الشكر الجزيل للإدارة والأعضاء والزوار .... ورجاء الإلتزام بقواعد وقوانين المنتدى التي هي في الأول والأخير من مصلحة سوريا .

[أبو وحيد]

صباح الخير وجمعة خير وبركة ان شاء الله