صالة أسعار الدولار و باقي العملات مقابل الليرة الخميس 20-6-2013

[Omariam]

شو اللي وصلنا لهون يا عالم ...... مو عقلية الخيار و الفقوس الفاشلة و اللي بتعبر عن الشخصيات الفاشلة اللي عم تدير مؤسسات هالبلد ....!؟

[محمد عامر النجار]

اقتباس: المشاركة الأصلية كتبت بواسطة باسل غ    بتاخد الاونصه باقل من السعر العالمي بسبب تعامل السوق على انها ذهب كسر ....... http://www.kitco.com/gold.londonfix.html هيدا الرابط فيه اسعار المعادن في اخر عشرين سنه

كمان شكرا جزيلا حاجة يا جماعة كان سؤال فضول فقط خجلتوني بكرمكم الله يقضي حوائجكم و يبعتلكم ناس تحسن معاملتكم

[ابراهيم طاهر]

اقتباس: المشاركة الأصلية كتبت بواسطة tareq773    مرحبا جميعا منين بدون يزيدو رواتب شي بيحير وبعدين شئد بدو يصير كيلو البندورة ٥٠٠مثلا بتصور بعد الزيادة تتحرر الاسعار ويلغوا الدعم

الدولة مامعها عملة سورية تكفي زيادة الرواتب , الدولة معها عملة صعبة عم تصرفها الآن بالسوري بالسعر العالي لسحب العملة السورية للمركزي وبذلك ستفيض العملة الصعبة في الاسواق مثل حلب
وهذا سيحسن العملة السورية بالمطلق وبنسبة لا تقل عن 100% كما قري جميل سيصل الدولار الى 100 ليرة وهو هدف , لذلك سيتم دعم المواطن والموظف بسلع مدعومة لا يستطيع تاجرنا المؤمن بالله المضاربة بها .
زيادة الرواتب صعبة جدا" ستجوع الناس وتنزل بسبب التضخم الذي سيحصل .
وانا استغرب من احد اعضاء الائتلاف الوطني السوري بمقا بلة مع احد الاقنية انه مسرور لانهيار العملة السورية وانهم يسعوا لضرب الليرة , والله غريب معقول هيك ناس هم بالخارج وعم يقبضوا بالالاف الدولارات وعشرين مليون سوري جائع بسبب خطة الائتلاف الوطني الاقتصادية بضرب الليرة السورية وتجويع الشعب بالفعل ليسوا ازكياء وليس لديهم خطة زكية ابدا" ومافائدة الحرية بعد ان يشحد غالبية الشعب السوري , فيجب ان تكون اولوياتهم تحسين سعر الصرف ورفع العقوبات الغربية عن الشعب السوري الذي اضرت به ولم تضر النظام .

[Dynamic Pulse]

السلام عليكم
بالنسبة لزيادة الرواتب بإعتقد أنها إشاعة وبكرى بيطلع شي حدا من المسؤولين بينفيها
أ منين يا حسرة؟؟؟
دوبون بدون يدفعوا تعويضات
بس بتوقع أنو ممكن يصير توزيع سلات غذائية مدعومة عالموظفين بالإضافة لمحاولة إعادة الدولار كم ليرة للخلف

[m.shater]

السلام عليكم
عام 1995-1996 كان 370

[samsamo]

أخوتنا الكرام في ادارة المنتدى ما عم تنشر كل مساهماتنا على تواضعها طبعا" مع انها مانا مخلة باية معايير يتحلى بها منتدانا الكريم فينا نعرف ليش اذا سمحتم دمتم ذخرا"

[Dynamic Pulse]

شو أخبار شركات الصرافة
الصبح بعتت شب لعند الشعار وماكان في بيع يورو
بس دولار على 191 وقد مابدك
يعني بتوقع سعر ال253 عند الشعار كان مزحة لأنو بتوقع بالسوق السوداء هلأ سعرو تحت ال250
189‏*‏1.32=249.5

[حمصي مع سبق الاصرار]

رح نستنى للاحد
و متل ما بيقولو الحاق الحباب لورا الباب
لنشوف لوين رح يوصل

[Dynamic Pulse]

إذا المركزي باع يورو 233.5
شركات الصرافة لازم تبيع على 233.5*1.02=238.17
سعر السوق وسطيا يزيد 5 ليرات حسب تجارب سابقة
243.17‏/1.32=184.2 وسطي سعر الدولار الإسبوع القادم
هي توقعاتي ومادخل البطحيش فيها

[عابر مجيب]

اقتباس: المشاركة الأصلية كتبت بواسطة omariam    يا جماعة أنا كنت أقبض راتبي بالدولار وكان يجي على شكل حوالات.... بس من شي شهر البنك قال انو في تعميم من المركزي بتسليم الحولات بالعملة السورية... فصرت أخد حاجتي و خلي الباقي ... بس الأسبوع الماضي تفاجأت أنو راتبي تحول أتوماتيكيا لسوري و نحط بحسابي ... لما سألت موظف البنك .... قال هاد تعميمي تاني من المركزي أنو الحوالات بتم تحويلها لليرة لحظة اللي بتوصل و على سعرة نشرة اليوم اللي وصلت فيه الحوالة ... و بتنحط بحساب المستفيد ... ممكن حدى يساعدني , يقللي شو مدى صحة هاد الحكي

الأصول والقانون انهم ما يحطو حوالة أو يقبلوا اي ايداع بحسابك بدون موافقتك ، طلوب اعادة الحوالة إلى مصدرها .
ممكن تطلب من الجهة المرسلة التحويل إلى بلد آخر ، عند أي صديق أو قريب ، إلا إذا عندك حساب برا . جرب سآل بنك البركة . ممكن يفتحولك حساب بالبحرين وتسحب شوي ورا شوي .