تحليل وصالة لسعر الدولار مقابل الليرة 18-6-2013

[عابر مجيب]

اقتباس: المشاركة الأصلية كتبت بواسطة pop75    بعد إعلان المركزي معاودة التدخل اعتبار من اليوم الدولار يفقد 15 ليرة و يعرض ب 190 ليرة بعد أن كان وصل إلى 205 ليرات وتوقعات بتراجعه إلى 170 ليرة في غضون ساعات 18/06/2013 دمشق - سيرياستيبس فقد الدولار 15 ليرة دفعة واحدة مع إعلان المصرف المركزي عن معاودة ضخ القطع في السوق اعتبارا من اليوم متراجعا من 205 ليرات كان قد قفز اليها من سعر 180 ليرة أول أمس وقال متابعون للسوق أن الدولار عرض مساء أمس الخميس ب 190 ليرة دون وجود من يشتريه ومتوقعين أن يتراجع الدولار إلى 170 ليرة في غضون أيام قليلة وربما ساعات وذلك حسب المبالغ التي سيتدخل بها المصرف المركزي موضحة في هذا السياق أن الطلب في السوق هو على الليرة السورية التي تشهد طلبا متزايدا لذلك فإن تكسير سعر الدولار يمكن أن يتم من خلال التدخل بمبالغ قليلة ولكن بشكل منتظم وقالوا : أن الخوف سيطر أمس على المستحوذين للدولار بعد الإعلان عن اجراءات المركزي خاصة وأنّ الصرافة شموا فيها رائحة العقاب نظرا لتلاعبهم بسعر الصرف موضحين أنّ ثمة لعبة قذرة تلعبها المعارضة اتجاه الليرة بل إن معارضين قاموا بنشر خططهم لخفض قيمة الليرة من قبيل عدم استخدم الليرة خاصة في المناطق التي يسيطر عليها المسلحين الى جانب تحويل المدخرات الى الدولار وغيرها من اجراءات قد يكون من السليم الاطلاع عليها وأخذها بجدية خاصة وأنّ المعلومات تكاد تكون مكتملة عن دور خليجي وسخ في موضوع التلاعب بالليرة عبر أذرع داخلية وخارجية إذا ورغم تأخرها الذي لربما يكون مقصودا فقد نجحت الحكومة مبدئيا في اثبات أنها الأقوى ولعل التدخل حين يبدأ به المركزي من شأنه أن يساعد في تأمين الطلب على الدولار علما أنه ليس بتلك الكميات التي يصعب التعامل معها شباب شو رايكم بهل الكلام !!!!!!!!!!؟؟؟؟؟؟؟؟؟؟؟؟؟

ضربني وبكى وسبقني واشتكى .
يعني في حدا بيضر حالو وبيضرب ليرتو ومصدر معيشته
كل غلط وسوء تخطيط يتحول إلى اتهامات للآخرين
الاعتراف بشفافية أجدى .

[S.O.S]

اقتباس: المشاركة الأصلية كتبت بواسطة أبو وحيد    كلنا سوريين عايشين بالداخل وانخفاض سعر صرف الليرة عم يأثر علينا ويحرق آمالنا وأحلامنا بعيش متوازن . وبعرف ان كل الموجودين معنا هون بالمنتدى إما مواطن عادي مصمد كم دولار ومخبيهم من شقى عمره ... أو موظف عم يتابع بمرارة سعر الليرة الهابط شاقولياً أو بعض المضاربين اللي بعتقد ما بتتجاوز قيمة مقتنياته من الدولار أو الذهب أو غيره عتبة المليون ليرة وعم يسترزق منهم .. بعض الموجودين معنا بالمنتدى (بعض) عم يحاولوا يوهموا الناس الباقيين أن الدولار سعرو هابط ورح يرجع بـ150 ليرة أو أقل وأن الأمور راجعة متل ما كانت من شهر او شهرين !! وكلنا منعرف الأحداث على الأرض هي السبب بهبوط سعر الصرف ووصوله للمستوى الحالي .. وطالما المسبب موجود فالوضع حتماً إلى أسوأ وسعر الصرف الليرة إلى الهاوية بإطراد.. لذلك من يود أن يوهم رواد المنتدى بأن سعر صرف الليرة سيعود لـ150\دولار او أقل ويحثه على بيع هالكم دولار المخبايات للأيام السود الجايات بعتقد هاد الشخص لا عم يخدم بلده ولا عم يخدم المواطن اللي وثق بالمنتدى وخبراء المنتدى وبنى بنسبة كبيرة آراءه على ما يرد بهالمنتدى اتقوا الله ... هي ارزاق ناس عم تستمع لنصيحتكم إنما الدين النصيحة والله أعلم

كلام صحيح وعالين والراس

الله يفرج اخي ابو وحيد

[RAFEK]

[الدولار الادلبي]

[لقماان]

بيطير عئلي وئت بفوت على المكاتب العقارية
و بيتخوتوا تخويتات الولد الصغير بيكشفها
و بيغمزوا بعضون بكل وقاحة
و انت من خجلك و أدبك انت بتستحي تتفرج عليون هنن
و عميشاطروا و يتغامزوا
بس بترجع على البيت
بتراجع حكيون بتلائي كل كذبة بأد الحيط
بس مشان يبيعوا أو يأجروا هالبيت
--------------------------
سؤال :
البنك المركزي الصادق اعلاميا
صرح رسميا و باعلان البيع عن شريحة
ال 100 مليون يوروا ...
باع منا شي 3 ملايين لشركات الصرافة و كان ينحسب الدولار على أساسها
ب 135
السؤال:
وين تتمة شريحة ال 100 مليون يورو السابقة
-------------------------
و هللأ خمسين تانية ....و لا
بيجي حدن و بيؤول انو هي
جزء من شريحة ال 100 مليون
-------------------
يلي بيعرف روتين قرارات الدولة
لو كان هاد القرار متعلق بهداك القرار
كان انكتب اجباري
عطفا على قرار رقم بتاريخ .......؟؟؟؟
و على التعديل رقم
بتاريخ .........؟؟؟؟
نعلن بيع
مبلغ ؟؟؟؟؟؟؟؟
-----------------------
هللأ الموظفين المعتئين بالدولة
راح يفهمو هاد الحكي
أو الأرمة بيعرف ...
و الأرمة
هو يلي مئلع ضراسو بتفاصيل روتين الدولة

[RAFEK]

[BISO]

أنباء تتحدث نقلا عن مصادر اعلامية سورية .... أن المصرف المركزي باع 50 مليون يورو لشركات ومكاتب الصرافة للعمليات غير التجارية ...

منقول

[عابر مجيب]

اقتباس: المشاركة الأصلية كتبت بواسطة samsamo    أستاذ عابر فينا نقول انو تحليلاتك فيها ريحة التشاؤم بس للاسف اثبتت التجربة و الأيام صدقيتها تحليلاتك قنديل منير للدرب

والله يا عزيزي مو موضوع تفاؤل وتشائم ، هنالك وقائع وتجارب مررت بها وكانت نتائجها كارثية ، وقد آلمتني لذا أجد من واجبي تنبيه من استطيع ايصال معلوماتي له .

[الدولار الادلبي]

اخي هاد توقع فوقت واحد بيقول مثلا لحيصير بكرة لل 250

ما بتحاسبوا ع كلامو
يعني يلي غررتوا في و اشترى 225
انتوا فدتوا
كان اليوم بيخادون 190 195

هاد هو الضرر

ونسيتوا حالكون مبارح لا ما رح ينزل هي نزل

اخي هاد الملعوب تبع نص الشهر كل مرة عم يصير
فيلي بدو ما يفكر بهالاسلوب اكيد لح ينضر

وانتوا هيجوا اد ما بدكون

لعلمك اخي الكريم اليوم البيع والشراء قليل كتير

وما نزل لانو العالم باعت باكدلك السوق كان جامد اليوم

بس لانو في كتير عالم راسمالها 180

يوم الاحد سكر 180 الاثنين حالة جنون 225

ما حدا خسر غير يلي اشترى ب فوق 190

وطبعا وفق توقعاتكون الرهيبة

ما ظلمناهم ولكن كانوا انفسهم يظلمون
أخي الحبيب الترناتف:
أنا لم أتوقع البارحه لاصعود ولاهبوط ولم أغرر بأحد كما تدعي وفقط جميع مشاركاتي اقتصرت على الأسعار لأني لاأتوقع أبدا بدون معطيات ملموسه ولكن أعرف من الأصدقاء من بعض متابعي المنتدى والذين لهم ثقه بمشاركاتك غرر بهم وباعو اليوم صباحا على امل النزول لسعر 170 وأقل بناء على كلامك قالولي شافو توقعك بالمنتدى رح يوصل أقل من 170 وهم من المتابعين وليسو من الأعضاء فمن الذي غرر بهم
على كل حال وبصدق أنت من الأعضاء الناشطين ومشاركاتك بالنسبة لي ذات مصداقيه عاليه وجهودك مشكوره ومباركه بغض النظر عن التوقعات
ملاحظه : أنا أيضا تأثرت بتوقعاتك لأنني أثق بمشاركاتك وبعت صباحا للأسف طبعا مو ذنبك والتمس لأخيك عذرا لأنو جنت على نفسها براقش وأتمنى أن نسرد التوقعات والمعطيات التي دفعت لهذا التوقع طبعا هذا الكلام لجميع الأعضاء الأحبه وتقبلو تحياتي

[RAFEK]