سعر صرف الدولار بالليرة السورية في السوق السوداء ليوم 27-3-2013

[Hany Basha]

اقتباس: المشاركة الأصلية كتبت بواسطة Dynamic Pulse    ياسيدي من خلال مراقبتي لحركة السوق صرت متأكد أنو أصحاب القرار الإقتصادي بالبلد هنن يللي عم يضاربو ياأخي مو ملاحظ أنو بس يجن السوق ويبلشوا الصرافة يمتنعوا عن البيع وينط السعر كل يوم ليرتين ثلاثه وبالتحديد آخرالشهر وبالتحديد أكتر آخر الأسبوع بيفقس السوق فجأة وبينرل السوق عشر خمستعشر ليرة والناس بتاكلها والشباب بيكونو لموا رواتب أربع خمس شهور من جيبتي وجيبتك

ياسيدي حاسك المحقق كونان
والأهم من هيك إنو البكرة الخميس يوم التخبيص
وبعدها في جمعة سبت أحد عطلة يعني متل كل عطلة منخفض السعر بالشائعات
بس أنا حاسس إنو عم بلخبطوا الشعب بالغموض الفظيع الغليظ المايع
ملاحظة: لازم الموظف يشكر المشترين من نقاط عالية, البايعين بنقاط إرتداد لأنو عم يقبض من الخسارة
هههههههههههههههههههههههههههه

وشكراً

[abu mhd]

اقتباس: المشاركة الأصلية كتبت بواسطة د. همكي    أحييك أخي ... ركزلي على "لو أراد" وبالأحمر أنا هذا رأيي "ما بدو" مو "ما بيقدر" وخاصة على المدى القصير

والله يا دكتور حطيت ايدك عالوجع
ما هو سبب هاللخبطة و الكركبة حالة الغموض اللي عايشينها و الاكشن اللي عامله المركزي ما بين \ ما بيقدر - ما بده \ ؟؟؟؟؟؟
يعني لو بيطلع حدا وبيقول ما بيقدر وقتها رح يكون سقوط حر لليرة بس رح تثبت على رقم معين و لنقل \ 500 - 1000 \ اما هيك فهو محافظ عليها من الهبوط الحر بسبب الغموض وبنفس الوقت المركزي بيتحمل ذنب خسارة الكثير لأموالهم من وراء تصريحاته باعادة الليرة لوضعها الطبيعي واللي هو نفسه رفعها من 46 الى 84 تقريبا

[د. همكي]

اقتباس: المشاركة الأصلية كتبت بواسطة hany basha    الله يسامحك ياست رنة الله يسامحك ويعفو عنك عم أهرب من أي جمعة أو جلسة فيها قهوة أو قعدة أركيلة أو دخان عم حاول بطل التدخين بس للأسف الدولار عم يرسم خط بياني عمودي يعني نقطة مقاومة جديدة صاعدة كل شي يومين تلاتة الله يرحم أيام نقطة الدعم 93 شو كانت منيحة وبنت عالم وناس منرجع للدخان وإدعولنا بالتبطيل السعر للأسف الشديد مع حسرة قلب رغم كل هالزيطة والزمبليطة وميالة ومؤسسات الصرافة والبنوك والإحتماع مع الحكومة و شهدات الودائع ذات الفائدة العالية وتمويل المستوردات و و و دمشق إغلاق 115 117 للـ 118 آخ

الله يقويك ويعينك على ترك الدخان.... والله صعبة كتير خاصة إذا كنت دخنجي مرّ .... بس كلشي مع الإرادة بتوصلو بإذن الله
بس دير بالك ... أنا لما الله وفقني وتركته زاد وزني أول سنة عشرة كيلو وبعدها خمسة خمسة عالماشي شي سنتين ... يعني خلال ثلاث سنوات تقريبا زاد وزني شي 20 كيلو .... كان وزني 65 صار بعدها 85 (صلو عالنبي) بس مو مشكلة كلشي أحسن من الدخان بكفي خلصت من السعلة وخاصة الصبح أول ما فيق .... وغيرو وغيراتو

الله يكون بعونك

[ebrahimnawlo]

مساء الخير للجميع

[د. همكي]

اقتباس: المشاركة الأصلية كتبت بواسطة ebrahimnawlo    مساء الخير للجميع

مساء النور أخ ابراهيم

أهلا بانضمامك للمنتدى

[rana-h]

اقتباس: المشاركة الأصلية كتبت بواسطة hany basha    الله يسامحك ياست رنة الله يسامحك ويعفو عنك عم أهرب من أي جمعة أو جلسة فيها قهوة أو قعدة أركيلة أو دخان عم حاول بطل التدخين بس للأسف الدولار عم يرسم خط بياني عمودي يعني نقطة مقاومة جديدة صاعدة كل شي يومين تلاتة الله يرحم أيام نقطة الدعم 93 شو كانت منيحة وبنت عالم وناس منرجع للدخان وإدعولنا بالتبطيل السعر للأسف الشديد مع حسرة قلب رغم كل هالزيطة والزمبليطة وميالة ومؤسسات الصرافة والبنوك والإحتماع مع الحكومة و شهدات الودائع ذات الفائدة العالية وتمويل المستوردات و و و دم شق إغلاق 115 117 للـ 118 آخ

لا بد من لحظة راحه وسط ما نمر به لنستطيع ان نتوازن ونعمل فلاباس ان نبدء نهارنا مع فنجان من القهوه أو مأ شابه

[Hany Basha]

اقتباس: المشاركة الأصلية كتبت بواسطة dynamic pulse    تم الخروج على 117 منذ نصف ساعة ليست دعوة للبيع أو الشراء لأنو بالمحصلة ماحدا عرفان شي

اقتباس: المشاركة الأصلية كتبت بواسطة m-pmp    مسااااااء الخير شبااااب... دولار سوق اللاذقية - الساعة 4.30 شراء 115 مبيع 120 بعون الله تم تنفيذ صفقة يورو مقابل دولار والخروج منها عند النقطة 119.5 بالتوفيق للجميع..

اقتباس: المشاركة الأصلية كتبت بواسطة louis_16th    الله يباركلك .. انا كتير تعذبت مع اليورو بهالبلد .. في فرق بالسعر كتير كبير .. بمعظم الاحيان عم تخسر بدال ما تربح !! لذلك .. حلفت يمين ما بئا اتعامل باليورو نهائياً

مبروك و ألفين ألف مبروك للشباب
إن شاء الله نقطة خروج فيها كل التوفيق

[Hany Basha]

اقتباس: المشاركة الأصلية كتبت بواسطة m-pmp    الله يبارك بعمرك اخي الكريم لا شك معك حق حول اليورو عموما.. كما تعلم هناك ازواج رئيسية يتم تداولها عالميا والزوج الاكثر تداولا هو eur/usd مثلا اذا مناخد لبنان كمثال عملي فعندما يتم بيع هذا الزوج عند أحد شركات الصرافة.. يعني انك ستبيع اليورو "العملة الاساسية" وتشتري الدولار "العملة المقابلة" وايضا تلاحظ بأن سعر الشراء يختلف عن سعر البيع لهذا الزوج بمقدار بسيط جدا "قد يكون من نقطتين الى 10 نقاط" وحسب الميزة التنافسية بالشراء والبيع فيما بينهم.. والمستفيد من هذا الفارف هو مكتب او شركة الصرافة او الوسيط.. اما عنا بسورية ولنفترض ان سعر الزوج الان 1.3250 فعندما تتخذ قرار استثماري في البيع، انا وانت قد نتساءل ماهو السعر الذي سيشتريه الصراف المحترف؟ منطقيا ضمن حدود الهامش الربحي التنافسي بفارق بسيط.. علما بأن بعض الصرافين او المعظم في اللاذقية عديم الخبرة في التعامل بهذه الازوج ومن لديه الاطلاع او الخبرة تراه لصاً بثياب سوداء حالكة.. عذرا لهذا التشبيه.. هناك فرق بين تجارة العملة وبين سرقة مال العميل او الزبون عنوة! بالتأكيد لشراء يورو دولار او بيع يورو دولار بدك حدن "صراف" بخاف الله وابن حلاااااال وانت بتكسب وهو بيكسب.. بتمنى تغير رايك والتجارة بزوج يورو دولار افضل بكتير وباذن الله رح اتبرع بقسم.. واجري واجر كل مبادر على الله واسال سبحانه الفرج للبلاد والعباد.

الله يتقبل ويجزيك كل خير
ولعلمك أنت طلبت الأجر من كريم لا حدود لكرمه فالله يؤجرك خير
وآمين برد على دعوتك
هدوء بعد حركة قوية للشراء وإمتناع البعض عن البيع
توقعات بتدخل وشيك للمركزي بناءاً على دروس قديمة نستند فيها على التالي:
آخر الشهر ورواتب الموظفين
عطلة 3 أيام
إرتفاع مفاجىء متل ماقال أحد الأعضاء الأعزاء " صحوة الموت " قيل الهبوط
ملاحظة : الهبوط سيكون آني ذو مدة غير طويلة والله أعلم

[Hany Basha]

اقتباس:
المشاركة الأصلية كتبت بواسطة m-pmp






اخي الكريم بيتم صرف العملات الرئيسية متل اليورو دولار او العكس حسب السعر اللحظي على الشاشة

سعر الزوج يورو/دولار بالوقت الفعلي "الحالي" هو 1.2770

بس الصراف يللي رح تصرف عندو انتبه يشتري منك اليورو مقابل الدولار بفارق كبير
انتبه ممكن يقلك الصراف انا بشتري منك ناقص نقطة عن السعر العالمي يعني بيقلك 1.2670

طبعا في هذه الحالة يكون لطش منك 100 نقطة وليس نقطة
لماذا؟
لانو النقطة هي وحدة قياس تحرك الزوج يورو/دولار وتمثل اخر رقم عشري في سعر الزوج وبيتكون سعر صرف الزوج من 4 ارقام عشرية وفي حالة استثنائية يكون فيها سعر صرفها مكون من رقمين عشريين "مثل الين" وبالتالي سواء بالارتفاع او الهبوط فهذا يعني ان السعر تحرك بمقدار نقطة..

سيدي العزيز m pmp
أسعد الله أوقاتك
برأيك وحسب ماتعرف وحسب المتعارف علي
كم نقطة يجب أن يكون الإتفاق عند عمل تبديل الزوجي العالمي يورو - دولار؟؟؟؟
يعني أديش الرقم المنطقي وشكراً

[sajed]

بعد اجتماع د. ميالة مع الصرافين :

ارتفع سعر الصرف من 110 الى 120 ل.س في أغلب المحافظات

هل نتيجة هذا الاجتماع كانت سلبية وظهرت بوادرها في هذا الارتفاع (ارتفاع اليوم تجاوز 4 ل.س)

غدا" الخميس، هل سيمتلى الكيس بالدولار أم بالليرة السورية عند الصرافين؟