سعر صرف الليرة السورية مقابل الدولار في السوق السوداءليوم الاحد17-2-2013

[saeed]

اقتباس: المشاركة الأصلية كتبت بواسطة انس بكور    اهلا اخي وبشرفني وبيسعدني الرد على سؤالك بخصوص الشراء من اجل الادخار وخصوصا لاصحاب الاموال فانا ما بحبذ هي الفكرة لانو بهل الحالة بكون عما يخسر مع تقدم الايام لانو برأس ماله كان فينه من خلال المضاربة او اي عمل اخر يقدر يجني ارباح بالاضافة للحافظ على راس ماله وزيادته باستمراره ... اما الادخار فبنصح فيه لاصحاب الاموال القليلة والفقراء يلي راس مالهم ما بيتجاوز 300 او 400 الف ليرة فهدول حرصا انو ما تضيع اموالهم يلي صرلهم سنوات كتيرة عما يجمعوها فيفضل هون الادخار وعدم الدخول بالمضاربة او اي عمل تجاري خصوصا بمتل هي الحالة من الازمات .... بالنسبة للشق الثاني من سؤالك الفرق عما يكون بين سعر شراء الذهب الكسر وسعر المبيع عما يكون 15 دولار للاونصة تقريبا ولما بتضرب 15دولار ضرب سعر الدولار الان يلي هو 95 تقسيم 35.55 بيطلع الناتج تقريبا 40 ليرة سورية وهادا الشي حاصل كان يوم امس فكان الفرق بين الشراء والمبيع 40 ليرة ووصل عند بعض الصياغ 50 ليرة لانو ما كان عندهم ذهب كسر ... بالنسبة للبعض يمكن يتسائل كيف الذهب يوم الخميس كانت الاونصة ب1640 دولار وكان سعر الذهب الكسر 4310 للمبيع وكيف لما هبط ونزل لل 1610 دولار للاونصة تم سعر الذهب الكسر بحدود 4310 رح فسر هل الشي للاشخاص يلي ما عرفوا السبب يوم الخميس كان الذهب عما يتداول على 1640 دولار للاونصة ضرب سعر الدولار 93.50 تقسيم 35.55 بيطلع الناتج معنا بيطلع السعر معنا 4313 ليرة فكان عما ينباع عند بعض التجار ب4310 يعني شالوا 3 ليرات الاضافية والبعض منهم جبر فوقها ليرتين وصار يبيع على 4315 ليرة ... طيب منجي ليوم السبت الذهب كان عالميا ب1610 دولار للاونصة ضرب سعر الدولار المبارح 95 تقسيم 35.55 بيطلع الناتج 4300 يعني الفرق عشر ليرات بس ومع هيك بقيت التجار تبيع على 4310 سعر الكسر لانو بسبب الاقبال الشديد صار في نقص كبير على الذهب الكسر في الاسواق ...يعني ياشباب يلي ما لاحظ انخفاض بسعر الذهب الكسر بين يوم الخميس ويوم السبت بسبب ارتفاع الدولار بين 1.20 وبين 1.50 وسبق وقلت البارحة بمشاركتي انو بعت الدولار على 94.50 لاحد الصرافين والبعض باعه على 94.75 وكان الصراف لما يجي حدى يساله عن السعر يقول 95,25 للمبيع يعني كان عما يشتري بين 94.50 و 94.75 ويبيع عما 95.25 ومن ناحية تانية ضعف في مخزون الذهب الكسر .. بس يلي رح خبركم ياه اذا بقي الذهب عالميا بكرى على سعر 1610 دولار للاونصة واذا بقي سعر الصرف على 94.50 _95 رح نشوف سعر الذهب الكسر على 4290 ليرة ..ومازال بكرى بالنسبة لي يوم مراقبة واحتمال للشراء بنفس الوقت حسب المتغيرات العامة .. ويلي بدو يشتري بكرى على 4290 يحسب حسابه انو يوصل الذهب على سعره يلي كان عليه قبل اسبوع 4400 ليرة بشيل منها خصم 40 ليرة عمولة التاجر بصير كانوا باعه على سعر 4360 ليرة وبهي الحالة بكون حقق صافي ربح بكل غرام 70 ليرة تقريبا ويلي خصص مليون ليرة بس لشراء الذهب بيشتروا له ربع كيلو تقريبا والربع كيلو 250 غرام ضرب 70 ليرة بيطلع الناتج قرابة 18 الف وربح مقبول خلال فترة لا تتعدى الايام ... بس مع هيك خلينا بكرى نراقب واي نزول فينا نستفيد منه اكتر ومنجني ارباح منه اكتر وفي حال رجع الدولار على سعر 93.5 بدل 18 الف منجني ربح 35 الف ليرة بالمليون يلي ما يقارب نسبته 3.5 بالمئة وهي الارباح تعتبر كبيرة مقارنة باسبوع اسبوعين عمل ...يلي بدو يشتري بكرى الفرصة ممتازة كتير انا عن نفسي مازلت ارغب بتحقيق اكبر قدر من الربح وسوف اراقب لغاية منتصف النهار ومن ثم بتخذ قراري ام الانتظار ايضا او اتخاذ خطوة الشراء ورح خبركم في حال اتخذت هي الخطوة

شكراً جزيلاً لردك الجميل والشرح الوافي أخي الكريم ( أنس بكور ) ...
في نقطة كتير مهمة وهي مهما كانت منطقة الدخول قوية فلا بد من وضع خطط للدخول والخروج ...
وتقسيم المبلغ المخصص للشراء على عدة دفعات وليست دفعة واحدة ... ومهما كان مقدار الربح مشجع .. فيجب النظر للخسارة المتوقعة وكيف معالجتها .....

أخيراً أتمنى لك التوفيق والربح الوفير ...

[سلام]

ممكن اعرف سعر صرف اليورو اليوم وشكرا لكم

[kloush]

اقتباس: المشاركة الأصلية كتبت بواسطة مهندبديع    مرحباااااا ذهب مزور في الاسواق السورية وبختم مزور لانو من فترة اقالو جورج صارجي يعني بلشنا نربط اقالة السيد جورج وبلاختام المزورة الصادرة عن جمعيته ارجو التاكد من الخبررجاااااء

من حوالي شهرين جادلني أحد الاخوة في هذا المنتدى بأنه طالما هناك ختم للنقابة
على المصوغات الذهبية و خصوصا الليرات الذهبية فذلك يعني ضمان جودتها
و عيارها الصحيح فرديت عليه و قلت له يا أخي نحن الصياغ و بكل تواضع أدرى
ببواطن الامور و ليس كل الذهب ( ذهب ) و اتهمني بالتحامل فمرت الايام واتضح
بعض ماخفي من الامور !!!!

[kayalij]

حلب إغلاق
94.8 - 95.1

[kayalij]

غياب الاخ رامي و تحليله الاسبوعي
عسى المانع خير

[انس الحموي]

اقتباس: المشاركة الأصلية كتبت بواسطة kloush    من حوالي شهرين جادلني أحد الاخوة في هذا المنتدى بأنه طالما هناك ختم للنقابة على المصوغات الذهبية و خصوصا الليرات الذهبية فذلك يعني ضمان جودتها و عيارها الصحيح فرديت عليه و قلت له يا أخي نحن الصياغ و بكل تواضع أدرى ببواطن الامور و ليس كل الذهب ( ذهب ) و اتهمني بالتحامل فمرت الايام واتضح بعض ماخفي من الامور !!!!

اكيد بيتزور متله متل الدولار وختم الجمعية من اسهل وابسط الامور تزويره ...بس بتبقى الخبرة بتلعب بهل المجال وصاحب الخبرة ما بخاف ويلي بيفقد هي الخبرة في صياغ وتجار الهم اسمهم بالسوق والذهب يلي بتشتريه من عنده بيكلفه لحتى يموت ...متل مافي صرافة بتكلف الدولار يلي بتعطيك ياه ...يعني فينو الواحد اذا كانت خبرته ضعيفة كتير يتحرى عن صدق وامانة الصائغ والتاجر ...

[انس الحموي]

اقتباس: المشاركة الأصلية كتبت بواسطة saeed    شكراً جزيلاً لردك الجميل والشرح الوافي أخي الكريم ( أنس بكور ) ... في نقطة كتير مهمة وهي مهما كانت منطقة الدخول قوية فلا بد من وضع خطط للدخول والخروج ... وتقسيم المبلغ المخصص للشراء على عدة دفعات وليست دفعة واحدة ... ومهما كان مقدار الربح مشجع .. فيجب النظر للخسارة المتوقعة وكيف معالجتها ..... أخيراً أتمنى لك التوفيق والربح الوفير ...

اخي بامكانا تحديد نقطة الدخول بس مافينا نحدد نقطة الخروج الا بعد معطيات ودراسات وتحليلات وعلى اثرها منحدد ايمتى بكون وقت الخروج يعني لو دخلنا بنقطة 93 للدولار حتى ولو كنا واضعين مخطط استهداف نقطة 105 بس مافينا نفرضها فرض على الواقع لانو الواقع متغير كل ساعة واحيانا ولو وصلنا للنقطة يلي حاطينا كهدف النا ما مناخد اي اجراء الا بعد دراسة السوق والعرض والطلب وبعض الامور المحلية والعالمية ..وعلى اثرها منقرر اما الاستمرار لبلوغ نقطة جديد بالخروج او بالخروج على النقطة يلي حددناها ... بالنسبة لتقسيم المبلغ هادا الشي من البديهيات وكل ما كترت اقسام المبلغ يلي معك كل ما كانت فرص ربحك مضمونة اكتر ولو مشي بيوم من الايام المؤشر بعكس التحليل يلي مشينا عليه ... بالنسبة لشراء الذهب يفضل تقسيم المبلغ على اربعة اقسام ويفضل العمل في مقدار ربع كيلو ذهب في حال كان الشخص يلي بيملكه بس 5 مليون وبيستثمر هل المبلغ في حالات التفاوت النسبي بالبورصة اما في حالات الانكسارات الحادة فيجب الاستفادة الاكبر والدخول بنصف رأس المال اما في حالات الانهيارات الشديدة جدا فيفضل الدخول بكل راس المال ..لانو هون بكون وصل لادنى نقطة يمكن يوصل لها يعني كمثال على الانهيار وليس على سبيل الحصر لو وصل الذهب على سعر 1200 دولار للاونصة هادا منسميه انهيار شديد جدا ونادرا جدا حدوثه في هذه الحالة ينصح بالدخول بجميع راس المال وشكرا كتير اخي سعيد وان شاء الله الربح والفائدة بتعم على الكل مو بس علي وحدي وشكلنا رح نشهد ارباح على صعيدين بنفس الوقت ارباح بالدولار والدخول بنقطة قوية جدا بالنسبة للذهب وهذا الاسبوع بتوقع يكون مليء بالمفاجأت ...والله يعم الخير على الكل