ما حكم ورقة ياناصيب اجتك هدية و ربحت خمسين مليون

[لقماان]

اقتباس: المشاركة الأصلية كتبت بواسطة مجد    اخي لقمان انت تسال عن امر افتراضي .وعندنا امور كثيرة آنية كثيرة اهم !!!! ولست المقصود انت شخصيا ولكن المقصود موضوعك كمثال !!!!

أخي أبو طارق راح تخليني اضطر اكشف سر الصنعة ....
خي الكريم بعام الرمد أوقف عمر بن الخطاب حد قطع يد السارق تحت باب الضرورة و بغض النظر هل كان صائبا أم لا ...فايقافه لحد قطع اليد لم يبح السرقة و يجعلها حلال ...
و نحن في سوريا هناك الملايين منمن فقد كل شيئ و أصابه رقة في دينه ...
و صار يبرر لنفسه السرقة حتى تحت باب الضرورة...
و منهم من سيبرر و سحب اليانصيب وهو على الأبواب و هو مضطر
و لو على الأمل .....
فافتراضي لهذه الحالة القليلة الحدوث انما هو من باب التذكير و النصح الغير مباشر ....
لأن النصيحة المباشرة قد تعطي مردود عكسي
........
أخي أبو طارق أنا متأكد من معدنك و أعرف أنك لا تنتقد شخصي بل تبدي رأيك بالموضوع
و أنا بنفس الوقت أؤكد لك طيبة قلبي و استشهادي لموضوع بيعك للأسهم ما هو الا للتأكيد أن الحياة مستمرة .....

[لقماان]

اقتباس: المشاركة الأصلية كتبت بواسطة البلخي    انا كنت أخذ المبلغ و أذهب الى البنك التجاري لأشتري يورو و بعدين بوزع قيمة الجائزة على المشردين من الشعب السوري بالنسبة للفتوى كما قال الاخ حكم هناك شيوخ مستعدين لاصدار فتوى مقابل نسبة مؤية مع الاسف

أخي ياسر سررت جدا بمشاركتك و بالأخص انو أنا بزمناتو زعلتك مني شوي ...
أخي ياسر
اذا بدك حدن يدينك سوري لتسحب يورو أنا بؤول لرفئاتي ما في داعي تستنا لليانصيب و تربحا ....
و مشكور على حسك الانساني بتبرعك في حال فوزك ............

[فاميلي]

اقتباس: المشاركة الأصلية كتبت بواسطة لقماان    هللأ الياناصيب حرام قولا واحدا...... بس لنفترض افتراض جدلي انو اجتك ورقة يانصيب هدية من الاصدار الاستثنائي لراس السنة... من شخص ما بيحرم عليه بدينو التعامل باليانصيب..... شو حكم اذا ربحت الورقة خمسين مليون ... طبعا هو أكيد نفس حكمها لو ربحت 100ليرة يعني شو بيساوي الواحد بالمبلغ ... أنا بزمناتو هداني واحد من رفاقي المسيحيين ورقة يانصيب...و ما ربحت و من هداك الوئت و أنا عمفكر بحكم المبلغ ...........

ابو حكيم صباح الخير
اشتقنالك

[لقماان]

اقتباس: المشاركة الأصلية كتبت بواسطة فاميلي    ابو حكيم صباح الخير اشتقنالك

صباح النور أبو المجد
كل عام و انتم بخير بمناسبة عيد الميلاد...
شفت اسمك بالمشاركات بالمنتدى الاسلامي
الت لحالي شو الأصة ..كمان انت بدك تفتي..
و تذكرت المخرج مصطفى خليفة
صاحب رواية القوقعة و الذي قضى بالسجن 13 عام بتهمة شو يا حزرك ......
بتهمة انو اخوان مسلمين .....
مع العلم انه من الاخوة المسيحيين
و كما يصف نفسه مسيحي الهوية
و علماني الاعتقاد....
...........................................
صباح النور الك و لأخوك أبو النور
و تشتؤلكون العافية .........

[البلخي]

اقتباس: المشاركة الأصلية كتبت بواسطة لقماان    أخي ياسر سررت جدا بمشاركتك و بالأخص انو أنا بزمناتو زعلتك مني شوي ... أخي ياسر اذا بدك حدن يدينك سوري لتسحب يورو أنا بؤول لرفئاتي ما في داعي تستنا لليانصيب و تربحا .... ....

مافي زعل ، بالنسبة لليانصيب فقد كنت مولع به أيام بداية الشباب
و لكن بعد عدة سنوات استنتجت أني لو وفرت هذا المبلغ من شراء اليانصيب
لكان معي مبلغ جيد جدا ، و لم أدخل في هذه التجربة منذ ذلك الوقت

[عابر مجيب]

اقتباس: المشاركة الأصلية كتبت بواسطة البلخي    مافي زعل ، بالنسبة لليانصيب فقد كنت مولع به أيام بداية الشباب و لكن بعد عدة سنوات استنتجت أني لو وفرت هذا المبلغ من شراء اليانصيب لكان معي مبلغ جيد جدا ، و لم أدخل في هذه التجربة منذ ذلك الوقت

ألا تشبه حالتك اللي بأمن على سيارته تأمين شامل وبعد عدة أعوام يشعر وكأنه دفع قيمة سيارة أخرى ؟ خصوصا إذا كان حريصا ومتيقظا وبدون حوادث .

[باسل غ]

استاذ لقمان ....

انا لو اجتني ورقة يانصيب هديه من

صديق او قريب كنت انصدمة من حالي

انو مصاحب شخص عنده مركب نقص

او باحسن الاحوال مهزوز الشخصيه

وان كانت من قريب كنت شكرت الله وقلت

الحمد لله الذي عافاني مما ابتلاه به

وفضلني على كثير ممن خلق تفضيلا

سامحوناااااااااا ......

[غسان]

ابو حكيم دائما تواجه المعاناة بالابتسامة زادك الله حكمة وهذا مايعين على التحمل بالتمسك بالصبر والايمان

لم تقل لنا شو اخبار العيادة و ان شاء الله صار عندك زباين منيح باعتبار أن كثير من المشافي مغلقة

بالرجوع الى ذكر الخليفة عمر وايقافه لحد السرقة اعتقد ان تلك المقولة خطأ شائع

فهو لم يوقف حد من حدود الله بل طبقه بشكله الصحيح

فمن سرق مضطرا جائعا ليأكل غير مشمول اصلا

وبالتالي في اي زمان او مكان هو نغس الحد له شروط ومحددات

هذا بشكل مختصر دون توسع .........

[لقماان]

اقتباس: المشاركة الأصلية كتبت بواسطة باسل غ    استاذ لقمان .... انا لو اجتني ورقة يانصيب هديه من صديق او قريب كنت انصدمة من حالي انو مصاحب شخص عنده مركب نقص او باحسن الاحوال مهزوز الشخصيه وان كانت من قريب كنت شكرت الله وقلت الحمد لله الذي عافاني مما ابتلاه به وفضلني على كثير ممن خلق تفضيلا سامحوناااااااااا ......

د
أهلين أخي باسل .....
ناديلي بأخ لقمان بفرح فيا أكتر من أستاذ لقمان ........
أخي باسل ما أنا مهير حالي لهيك سؤال ...
و الت انو اجتني ورقة الياناصيب من واحد من رفئاتي يلي بدينون مو حرام اليانصيب ...
متل رفيئي المسيحي .....
و أصحاب الديانات السماوية متل اليهودية و المسيحية
بحئلنا مو بس نصاحبون ..
حتى نتجوز منون .....
و يصيروا ربولك ولادك كمان ...
مو بيحئلنا نحن رجال المسلمين الزواج من الكتابية ...
فما هو قولك الآن ...
اذا زوجتك المسيحية اهدتك ورئة يانصيب
بتئطع علاقتك فيا و لا شو
.......انت كمانة سامحنا....

[لقماان]

اقتباس: المشاركة الأصلية كتبت بواسطة غسان    ابو حكيم دائما تواجه المعاناة بالابتسامة زادك الله حكمة وهذا مايعين على التحمل بالتمسك بالصبر والايمان لم تقل لنا شو اخبار العيادة و ان شاء الله صار عندك زباين منيح باعتبار أن كثير من المشافي مغلقة بالرجوع الى ذكر الخليفة عمر وايقافه لحد السرقة اعتقد ان تلك المقولة خطأ شائع فهو لم يوقف حد من حدود الله بل طبقه بشكله الصحيح فمن سرق مضطرا جائعا ليأكل غير مشمول اصلا وبالتالي في اي زمان او مكان هو نغس الحد له شروط ومحددات هذا بشكل مختصر دون توسع .........

أهلين اخي أبو يزن .....
العيادة تمام و المرضى كتير
بس غالبيتون عميدفعوا الكشفية ورقة يانصيب
آل شو عميعطوني أمل .....
مين هي أمل و شو حكم ورقة اليانصيب
هذا ما انتظره باجاباتكم ...
لأنو اذا بدون يضلوا المرضى يدفعولي بالآمال .....
راح سكر أنا كمانة و افتحلي شي بسطة ...
شكرا لك أخي أبو يزن على دقتك في توضيح
أن حدود الله لا يتم ايقافها ......
كما في حديث رسول الله صلى الله عليه و سلم
(و أيم لو أن فاطمة بنت محمد سرقت لقطعت يدها ................)