ماهي توقعات سعر صرف الدولا لاول اسبوعين من سنة ال ٢٠١٣

[lord1983]

السلام عليكم

ماهي التوقعات لاول اسبوعين من ال سنة ال ٢٠١٣ لسعر الدولار؟

قرأت مواضيع كثيرة بمنتداكم تحليلية لكن احدثها كان منذ شهرين، لذلك اتمنى منكم ان تعطوني رأيكم،هل سعر الدولار سيعود ليرتفع لمو فوق ال ٩٧ ليره ام سيتابع انخفاضه الى دون ال ٩٠ ليره خلال اول اسبوعين من ال ٢٠١٣؟؟

اتمنى صبركم علي و على أسألتي..خصوصا اني مازلت مبتدأ في هذا العالم المفاجئ..

[مجد]

لكل تحليله الى اين ذاهب الاقتصاد اذا افترضنا انه باقي عندنا اقتصاد.وبالتالي نستطيع توقع سعر صرف الليرة

[lord1983]

اخ مجد
يعني ما بظن ان الوضع الاقتصادي رح يتغير من الآن لعشرين يوم..
انا عم شوف ان الوضع السياسي بالبلد هو اللي عم بأثر عصرف الدولار.. يعني كل ما تحرك الاخضر الابراهيمي عم شوف الدولار عم ينزل )
بالاضافه اني من يومين كنت عم شوف برنامج عقناة سما و كان في خبير اقتصادي.. (كان عم يقول انو الليره رح ترتفع بشكل كبير و رح تشوفه.. ) فعلا تاني يوم الليره ارتفعت اما الدولار بشغلة ١٠ ليرات!!! يعني كمان فينا نقول انو العامل النفسي عم يلعب دوره..انا متاكد انو هالخبير قالها ليطمأن الناس و يتلاعب بالسوق..لكن كأدوات حقيقية للتغير هو ما بيملكها..

انا ما بدي تاجر بالعملة، لكن و بكل صراحة انا بدي استغل سعر صرف كويس منشان اشتري عقار بدله.. ما بين اسبوع و اليوم زاد سعر العقار علي ٥٠٠ الف سوري بسبب هبوط الدولار المفاجئ!! فهل بنتظر اسبوعين لبين ما يرتفع الدولار مره تاني ام اتوكل عالله و ارضى بخسارتي!!

[Arman]

إذا ضل التجاري عم يبيع يورو
و العالم بعد ما تشتري اليورو تنزل عند الصرافين و تبيع بسعر السوق السوداء
رح ينزل لانو بهل حالة عم يصير بايد العالم ليرة سوري و ما عم تكدس العملة الاجنبية بجيبا
بس السؤال الي بيطرح نفسو قديش التجاري فينو يبيع يورو و لايمت؟؟؟؟؟؟!!!؟؟
كمان اليورو مانا عملة عم تنطبع فوتوكوبي يعني في مقدرا معين و انا برايي رح يخلص هيدا المقدار
و يرجعو العالم يشترو دولار و يخبو دولار خوفا من هبوط الليرة
بس بالنهاية ما حدا بيعرف شو ممكن المركزي محضر مفاجآت لانو بضل المركزي أقوى من ناحية الكمية المادية و حتى الى حد ما من الناحية العقلانية لكوادرها

[مجد]

كم سعر اليورو يلي عم يبيعو المركزي

[Arman]

راجع منشور الخاص بسعر صرف اليورو و بيعها عن طريق التجاري
مكتوب فيه كلشي

[lord1983]

في اشاعات عم تقول بان سعر الدولار رح يطلع لل ١٢٠ ليره سوريه !!!
معقول هالشي!!

[abu mhd]

أخي الكريم مشان ما تضيع و حدا يضيعك
او تضيع متلنا كلنا بين طلع و نزل
المختصر المفيد أن الخط البياني للدولار صاعد
ولكن هنالك مطبات مثلا اليوم و بالأمس نزل الدولار بسبب الأعياد و العطلات و تصفية ذمم الشركات المالية لآخر السنة وبيع دولار و قلب سوري لتكبر الميزانية و الأرباح شوي
كما أن الحركة اخر السنة خفيفة و جايين على عطلة لابأس بها
يعني الثلاثاء عطلة و راحت للأحد ليرجع الشغل بالشركات و الى الاثنين ليرجع التحويل الخارجي بالنسبة للتجار يعني راحت معك ل 7-1-2013
هاد الكلام من وجهة النظر المنطقية
هلأ بعد هالتاريخ فرج ورحمة طبعا بدك تحط ببالك من هون لوقتها يمكن يثبت او ينزل لحدود 90 او يرجع يطلع
فاذا مو مستعجل انتظر قليلا او اصرف مبلغ صغير كرعبون لتثبيت البيعة

[lord1983]

اقتباس: المشاركة الأصلية كتبت بواسطة mouayad    أخي الكريم مشان ما تضيع و حدا يضيعك او تضيع متلنا كلنا بين طلع و نزل المختصر المفيد أن الخط البياني للدولار صاعد ولكن هنالك مطبات مثلا اليوم و بالأمس نزل الدولار بسبب الأعياد و العطلات و تصفية ذمم الشركات المالية لآخر السنة وبيع دولار و قلب سوري لتكبر الميزانية و الأرباح شوي كما أن الحركة اخر السنة خفيفة و جايين على عطلة لابأس بها يعني الثلاثاء عطلة و راحت للأحد ليرجع الشغل بالشركات و الى الاثنين ليرجع التحويل الخارجي بالنسبة للتجار يعني راحت معك ل 7-1-2013 هاد الكلام من وجهة النظر المنطقية هلأ بعد هالتاريخ فرج ورحمة طبعا بدك تحط ببالك من هون لوقتها يمكن يثبت او ينزل لحدود 90 او يرجع يطلع فاذا مو مستعجل انتظر قليلا او اصرف مبلغ صغير كرعبون لتثبيت البيعة

كلام منطقي و عقلاني.. و فكرة صرف مبلغ صغير كرعبون لتثبيت البيعة كمان رائع و ما كان خاطر عبالي.. فيني مط البيعة لحدود ١٥-١-٢٠١٣ بعد دفع الرعبون.. و اذا حالفني الحظ فيني مطها ل ٢٠ الشهر.. مابدي ادعي انو يرتفع سعر الدولار بحس حالي اناني لانو في شعب متأثر.. و الله يكتب الخير للجميع..

[amins]

بشوف انو راح بنخفض 68-69 بفترة 1-3-2013