سعر صرف الليرة السورية مقابل الدولار ليوم الأحد 18-11-2012 في السوق السوداء

[ديري]

السلام عليكم اخواني
بدي اعرف سعر الريال اليوم

[Salam L]

دخيل الله على الكذب والنفاق...

كرمال الانبياء والمرسلين حدا يفهمني.. اذا المركزي العتيد كتير شطور وبيقدر يسيطر على السوق.. ليش ليخلي الليرة تفلت؟؟؟

واذا كان مالو قادر وعم يضرب يمين وشمال .. مرة بتظبط مرة بتخيب.. فلإيمتى بدنا نضل نتحمل فشله وهالتصريحات الرنانة المعتة؟؟

يتسائل البعض! خخخخخخ

[Tareq]

اقتباس: المشاركة الأصلية كتبت بواسطة salam l    دخيل الله على الكذب والنفاق... كرمال الانبياء والمرسلين حدا يفهمني.. اذا المركزي العتيد كتير شطور وبيقدر يسيطر على السوق.. ليش ليخلي الليرة تفلت؟؟؟ واذا كان مالو قادر وعم يضرب يمين وشمال .. مرة بتظبط مرة بتخيب.. فلإيمتى بدنا نضل نتحمل فشله وهالتصريحات الرنانة المعتة؟؟ يتسائل البعض! خخخخخخ

ليش حدا فهمان شي بوسط هالجنان هاد. بالنسبة لالي بقيان فيوز واحد وبيفصل

[louis_16th]

اقتباس: المشاركة الأصلية كتبت بواسطة salam l    دخيل الله على الكذب والنفاق... كرمال الانبياء والمرسلين حدا يفهمني.. اذا المركزي العتيد كتير شطور وبيقدر يسيطر على السوق.. ليش ليخلي الليرة تفلت؟؟؟ واذا كان مالو قادر وعم يضرب يمين وشمال .. مرة بتظبط مرة بتخيب.. فلإيمتى بدنا نضل نتحمل فشله وهالتصريحات الرنانة المعتة؟؟ يتسائل البعض! خخخخخخ

للتصحيح اخت سلام .. يتسائل مراقبون :-)
ههههه

[alhamwi4invest]

اقتباس: المشاركة الأصلية كتبت بواسطة shereen    متل هديك المرة بالضبط هيك عملو هللق بيصير بيقرب السودا من المركزي بعدين بيوقفو تدخل وبيبلش ميالة من التحذير من انو المضاربين بدهم يموتو وصارجي يقول في مزور كتير وبعدين يطلع لل 120 وبعدين ينفس السعر وبيستقر على ال 80 79 77 هديك المرة مانزل تحت ال 67 هالمررة 77 او شو رايكم

مو كل مرة بتسلم الجرة

[eng.mdkh]

اقتباس: المشاركة الأصلية كتبت بواسطة best time    ميالة: مجلس النقد أقر بيع المصرف القطع لغايات التدخل ووفق السعر الرائج قال حاكم مصرف سورية المركزي أديب ميالة إن "المجلس أقر آلية جديدة للتدخل في سوق القطع الأجنبي تقوم على بيع المصرف القطع لغايات التدخل ووفق السعر الرائج عن طريق المصرف التجاري السوري إلى جانب استمراره بالآلية المعمول بها". منقول عن سيريا نيوز

أولاً : طالما الشغلة فيها معمول ، معناتها المشكلة انحلت و صارت الليرة قوية ، لأنو المعمول و النابلسية أحد ركائز الاقتصاد .
ثانياً: يبدو بشكل واضح أن التجاري سوف يبيع بسعر السوق السوداء و أظن أنها فكرة جيدة

[ابراهيم طاهر]

نقمة الشعب على الفاسدين في سورية الآن
وبعد تصحيح المسار ستكون النقمة لا حقا"على اغلب التجار ومضاربي العملة فهم جزء كبير ولا يستهان به من الفساد في سورية والذي تعرض له الشعب في سورية من نهب وكونوا ثروات لا يستطيعوا تكوينها في اوربة ولو انفتح لهم كل شيئ فحضروا حالكم ايها التجار الفاسدين والمضاربين بالعملة وخاصة الذين يهربوا الدولار للخارج ويحتكروا المواد والغذاء ويرفعوا سعرها على فقراء الاطفال وهم عم يرفعوا الدولار بالمضاربة به طبعا" مو كل التجار سيئين يوجد بينهم صاحب شرف .
اغلب التجار لا دين لهم سوى المال
بأ حضروا حالكم جاييكم الدور كل منكم له صفحة عند الشعب

[ابراهيم طاهر]

صليت العشاء امس وفي نهاية الصلاة بالمسجد راودتني فكرة بسؤال الامام عن المضاربة بالدولار فقال لى بالحرف الواحد لقد قلنا مرارا" وتكررا" ان المضاربة بالعملة كافة حرام ومال حرام , طبعا" انا كنت اعلم بذلك لكنني اصبح عندي هاجس دوما" عن السؤال عن ذلك لكل رجل متفقه بالدين وصرت سائل 50 رجل منهم , فقط كلهم حرموا ذلك ماعدا رجل دين واحد قال لي لا اعرف .