سعر صرف الليرة السورية مقابل الدولار 6-11-2012 في السوق السوداء

[tarek]

حلب 76 5'76 متوفر

[Barbie]

اقتباس: المشاركة الأصلية كتبت بواسطة broker    يا صبايا اطمنوا على الانسة فاتنة لان التضامن حسب الصور مابقي منها حجر على حجر بحي "زليخة" الله يحميكم جميعاً ويحمي سوريا بلدنا

حسبي الله ونعم الوكيل

الله يحمي هالبلد

[abo-mhmad]

حدي بيعرف سعر الريال اليوم

[fadi1974]

لسلام عليكم:
سؤال هل يعرف أحدكم شركة صرافة تشتري اليوان الصيني؟
و ماهو السعر؟ لدي 1500 يوان و شكرا"

[باسل غ]

اقتباس: المشاركة الأصلية كتبت بواسطة abo-mhmad    حدي بيعرف سعر الريال اليوم

5 .76\3.75=20.4

هيدا سعره بالسوق وبترجع على الكميه وزمة الصراف

[Salam L]

شايفة السوق مولع نار هالايام... كل شي عم يغلى الا البني آدم عم يرخص...

سؤال صغير بعد انقطاع عن الموضوع لفترة طويلة..

قصة شراء الالف دولار عم تتطبق؟؟

يعني انا هلق اذا بدي اشتري الف دولار بقديش بيبيعني ياها الصراف؟؟ او القصة ناكتة وبدي اشتري بسعر السوق

[Barbie]

اقتباس: المشاركة الأصلية كتبت بواسطة salam l    شايفة السوق مولع نار هالايام... كل شي عم يغلى الا البني آدم عم يرخص... سؤال صغير بعد انقطاع عن الموضوع لفترة طويلة.. قصة شراء الالف دولار عم تتطبق؟؟ يعني انا هلق اذا بدي اشتري الف دولار بقديش بيبيعني ياها الصراف؟؟ او القصة ناكتة وبدي اشتري بسعر السوق

أهلاً بأختنا العزيزة سلام

شراء الألف دولار عم تطبق بالبنوك وليش بشركات الصرافة
بعض البنوك عم تطلب حساب وقديم وبعض البنوك عم تشترط يبقى 5 آلاف بالحساب
وبعض البنوك ماعندها خبر بالقرار
المهم


بعد التدقيق والتمحيص والفتلة ع أغلب البنوك لقيت أن بنك البركة أحسن شي

جيبي معك فاتورة بإسمك
أو إذا ماعندك فاتورةعبي وحدات من سيريتل وجيبي الإشعار بشرط يظهر إسمك ورقم موبايلك عالإشعار وبشرط تاني تروحي ع فرع أبو رمانة أو عالإدارة العامة لأن فرع الميدان مثلاً مابيقبل هاد الإشعار ومابعرف شو وضع الأفرع التانية

وفي قصة تانية أن لازم ماتكوني أخدة دولار بسعر التدخل من قبل خلال هي السنة
وباقي الشغلات بسيطة
روحي فتحي حساب وأمورك بتتيسر

[louis_16th]

اقتباس: المشاركة الأصلية كتبت بواسطة salam l    شايفة السوق مولع نار هالايام... كل شي عم يغلى الا البني آدم عم يرخص... سؤال صغير بعد انقطاع عن الموضوع لفترة طويلة.. قصة شراء الالف دولار عم تتطبق؟؟ يعني انا هلق اذا بدي اشتري الف دولار بقديش بيبيعني ياها الصراف؟؟ او القصة ناكتة وبدي اشتري بسعر السوق

هلء ما بئا فيكي تشتري عن طريق الصرافين بسعر التدخل .. صارت حصراً عن طريق البنوك
لذلك .. لازم يكون عندك حساب بالبنك .. بتروحي على البنك اللي عندك حساب فيه و بتطلبي منهن الـ1000$ او بامكانك تشتري 1000 يورو ..
في بنوك بيطلبو منك فاتورة موبايل و في بنوك لأ .. انتي و حظك :-)

السعر على حسب المركزي .. 70.13 و عندك زيادة حوالي 15 قرش عمولة البنك يعني رح تشتري الدولار بـ 70.30 تقريباً

[louis_16th]

باربي تأكدتيلنا 100% من موضوع بنك بركة .. انو في حال الواحد فتح حساب اليوم مثلاً .. بيقدر فوراً يستلم الألف دولار ؟

[Salam L]

مشكورين جميعا..

انا عندي حساب بالبركة عملته من فترة... خصوصي انو هنن يمكن الوحيدين اللي عم يستقبلوا حوالات من برا بعملات اجنبية.. هاد الحكي كان من فترة مابعرف اذا لساته مطبق... وماجربته ولا مرة للامانة..

رح جرب فرع المزة لانو كتير متعاون بشكل عام ومافيه عجقة وقريب مني...

وبخبركن شو بيصير معي...

بالنسبة للفاتورة شغلتها بسيطة لانو الام تي ان جنب الفرع....