لقماان

مساء الخير
باعتبار مشرفي القسم الديني هم اخوتي المدام أم حمزة و أبو حمزة ..........
و النا زمان ما شفنا مشاركات لألون ....
و أكيد هنن دايئة خلائؤون من هالحالة
و باعتبار الوضع كتير مكركب بحلب .....
راح اسأل سؤال لألون بالدرجة الأولى و للجميع ....هذا السؤال كنت قد سألته لأحد المشايخ في حمص و سأنقل لكم الحوار الذي جرى بيني و بين الشيخ:
لقمان : شيخي بيجوز الواحد يشتري أثاث بيت مستعمل رخيص كتير و هو شبه متأكد انو الأثاث و الأدوات الكهربائية مسروقة ...
الشيخ و هو مستغرب و أظهر مظاهر الغضب : طبعا ما بيجوز.........
لقمان : شيخي ليش رأسن عصبت و جاوبت بدون ما تستفهم مني ...اي جدي بيعرف يجاوب هيك جواب بهالسرعة ...و أنا ما رحت لعند جدي الله يرحمو جاي لعندك لأسألك شيخي لأنو أكيد في شي جديد بحاجة للاجتهاد مشان هيك بدي اسألك........
الشيخ بعد ما رجعتلوا الطمأنينة :تفضل يا ابني
لقمان : شيخي أنا أكبر منك بالعمر شلون عمتؤوللي تفضل يا ابني ......
الشيخ طيب تفضل يا أخي
لقمان : شيخي هللأ شراء المسروقات حرام..
بس بدي ياك تفكر بهالطريقة
هللأ أنا أو غيري من يلي انسرق بيتون...
راحوا لعند يلي سرق بيتي أو بيت أخي أو رفيقي و اشتروا من عندوا الأثاث المسروق بيكون هيك حرام .........
الشيخ :ابني اذا نفس عفش بيتك بتوقع ما فيا شي و لو انك عمتشجع السارق على السرقة
لقمان : شيخي هللأ أنا بدي توقعاتك شو نحن بمسابقة من سيربح المليون .....
طيب راح أجاوبك و لنفترض جدلا انوا هو ما نفس عفش بيتي .......
الشيخ : ابني ما بيجوز .......
لقمان : شيخي لا تعصبني التلك أنا أكبر منك بالعمر لسا بتؤولي ابني
الشيخ : سوري ماي برازر .....
لقمان : ما شاء الله عنك يا شيخي عمتحكي انكليزي كمان بس انا انكليزيتي كمانة رائعة اسأل أهل سيريا ستوكس عنا و راح ترجملك شو الت ....
سوري هو أخوي...........
طبع أخوي صحيح سوري نازل قتل في
بس هي كمانة قابيل قتل هابيل ...معناتوا شو ما صار بيضلوا اخوة .....
الشيخ : و هو يبتسم .....لاء لاء ....
عمألك أنا آسف يا أخوي .....
لقمان :شيخي أنا مانا شيخ بس بطلب منك تفكر بآلية التفكير التالية حتى تلاقيلي فتوى شرعية للصالح العام ........
هللأ فينا نجمع كل يلي مسروقة بيوتون و نعتبرون فريق أو شخص واحد .....
و نجمع كل يلي سرقوا بيوت العالم اذا ادرنا نجمعون و نعتبرون فريق واحد ....
فاذا واحد من يلي انسرق بيتوا راح اشترى عفش بيت من عند واحد من السارقين
فينا نعتبر انوا الواحد الذي يمثل الكل قد اشترى جزء مما سرق منه .........
مو هيك أحسن للصالح العام ...يعني السارق بدو يسرق و لو بدو يحرقون يعني انا ماني عمشجعوا على السرقة ....
بعدين من كتر ما سرق ما عاد يعرف شو بدو يساوي بالمسروقات ....
يعني ركب شاشة بلازما بكل أوضة و ركب وحدة بالمطبخ ووحدة بالحمام ووحدة على السطح ووحدة على باب البيت اي شو بدو يساوي بالعشرين شاشة الباقيين و هيك كمان أوضة الضيوف ....يعني حتى على السطح حط طقم الستيل و بالحمام كمانة حط طقم شو بدو يساوي بالعشرين الباقيين
الشيخ و هو صفنان ...........
و الله هيك ما عندي جواب راح اسأللك و جاوبك ............
و لحد هللأ يا جماعة الشيخ ما جاوبني و سوق المسروقات بحالة انتعاش و موقعوا معروف لكل أهالي مدينة حمص .....
أصلا بكل مدينة في سوق اسموا سوق الحرامية
و باعتبار سوق الحرامية القديم في حمص يقع في منطقة ساخنة فانتقل متل بقية الأسواق الى مناطق آمنة بل شديدة الأمن ..........
و الغراض عمتنباع فيو بتراب المصاري ...
فأرجوا من المشرفين الكرام على المنتدى الديني مساعدتي ...صحيح هنن مشرفي هالقسم حلبية .....و عينون محمرة مني و لأنون عميتهموني انو خربتلون الدنيا بجيتي على حلب .....آل رجلي خضرة ...و كنت ا}ولون خطي أخضر مو رجلي خضرة بس عبس ما كانو يوءتنعوا (يقتنعوا بس قيلت باللهجة الحلبية )
بس بوعدون بس يلاقولي جواب عن هالفتوى انو اترك حلب و سافر لوين :
خلوني شطب الورقة ...
هللأ حمص مشي حالها
الشام كمان مشي حالها
اللاتئية مسقط رأسي كمان مشي الحال
حلب ...اي خربنا الدنيا بحلب ...
ريف حلب الشمالي ...اي صار ريف تركيا الجنوبي ....
ما بائي الا
الرقة و طرطوس .........
و بالرقة ما بعرف حدن
و بطرطوس النا صحباتنا
الاخوة عبد الكريم و الأخ هشام و الأخ القبطان محمد ............و في بحر كمان و
و عميل منيح يا لقمان و كب ببحر طرطوس .........
يالله شدو حالكون يا مشرفي حلب و جاوبوني مشان لحق اطلع على طرطوس دوبو لسا في شمس .......................
......................................

__________________
أبو حكيم الدين

طالب البركة

السلام عليكم

متى علم الشخص أو غلب على ظنه أن البضاعة المعروضة للبيع مسروقة فلا يجوز له شراؤها لما فيه من تعاون على الإثم والعدوان وإقرار المنكر والرضا بالظلم وتشجيع ومكافئة للسارق .

منقول

__________________

فراس السكري

عَنْ أَنَسِ بْنِ مَالِكٍ رَضِيَ الله عَنْهُ ، قَالَ:

قَالَ رَسُولُ اللهِ صَلَّى الله عَلَيْهِ وَسَلَّمَ:
" الظُّلْمُ ثَلاثَةٌ"
فَظُلْمٌ لا يَغْفِرُهُ الله،
وَظُلْمٌ يَغْفِرُهُ،
وَظُلْمٌ لا يَتْرُكُهُ،
فَأَمَّا الظُّلْمُ الَّذِي لا يَغْفِرُهُ الله


فَالشِّرْكُ


قَالَ الله: {إنَّ الشِّرْكَ لَظُلْمٌ عَظِيمٌ}
وَأَمَّا الظُّلْمُ الَّذِي يَغْفِرُهُ
فَظُلْمُ العِباَدِ أَنْفُسَهُمْ فِيمَا بَيْنَهُمْ وَبَيْنَ رَبِّهِمْ

وَأَمَّا الظُّلْمُ الَّذِي لا يَتْرُكُهُ الله



فَظُلْمُ الْعِبَادِ بَعْضِهِمْ بَعْضًا


حَتَّى يُدَبِّرُ لِبَعْضِهِمْ مِنْ بَعْضٍ .

صدق رسول الله صلي الله عليه وسلم

__________________
• للرجل العظيم قلبان : قلب يتألم و قلب يتأمل .

لقماان

اقتباس:

المشاركة الأصلية كتبت بواسطة طالب البركة السلام عليكم متى علم الشخص أو غلب على ظنه أن البضاعة المعروضة للبيع مسروقة فلا يجوز له شراؤها لما فيه من تعاون على الإثم والعدوان وإقرار المنكر والرضا بالظلم وتشجيع ومكافئة للسارق . منقول

أخي طالب البركة ما يلي سارق سرقون مرة و ما بدو تشجيع متشجع لحالوا على السرقة و هاجم هجمة تؤول آخدلوا شي حبة منشطة...
يعني بهالحالة شو منساوي منروح منخلصوا ياهون بالزور ......اي ما منقدر ...
شو بتساوي ............
يعني أخي طالب البركة انت جاوبتني متل أول جواب لشيخي الحمصي ........
يعني ممكن الواحد يشتريون بتراب المصاري و يستفيد منون و لا برأيك يتركون للحرامية و جماعتون ...خليون بدال ما يحطوا بكل أوضة شاشة بلازما خليون يعلقوا بكل حيط من حيطان المطبخ و الأوضة و الحمام شاشة بلاسما.............
و لا ممكن الواحد يشتريون و يعطيون لشي عيلة فقيرة على نية انو يوصل الثواب لأصحابون الحقيقيين

__________________
أبو حكيم الدين

لقماان

أخي فراس اختصرت و أجدت في اجابتك الباطنة .............
لكني انتظر اجابتك الظاهرة أيضا ...
كما انتظر اجابة مشرفي حلب ....
يلي مطنشين المنتدى الديني و راح ارفعلون الكرت الأصفر للمرة العاشرة ....
على اعتبارون مدعومين .....ما منسترجي نرفعلون الكرت الأحمر ........
اشبكون مشرفي حلب ...ايش صرلكون من أول رصاصة ما بآآآ سمعنا حسكون خاياتي..

__________________
أبو حكيم الدين

arnouri

شكرا ابو حكيم لطرحك هذا الموضوع
وهذا يدل على مدى مألت له الامور في وطننا
ذكرتني في ارض وبيت ام معاذ في الجولان المحتل
فماذا تفعل
اين انت ياصاحب البيت من بيتك

فراس السكري

اقتباس:

المشاركة الأصلية كتبت بواسطة لقماان أخي فراس اختصرت و أجدت في اجابتك الباطنة ............. لكني انتظر اجابتك الظاهرة أيضا ... كما انتظر اجابة مشرفي حلب .... يلي مطنشين المنتدى الديني و راح ارفعلون الكرت الأصفر للمرة العاشرة .... على اعتبارون مدعومين .....ما منسترجي نرفعلون الكرت الأحمر ........ اشبكون مشرفي حلب ...ايش صرلكون من أول رصاصة ما بآآآ سمعنا حسكون خاياتي..

اهلا اخ لقمان احببت ان اشارك بالحديث دون ان اشارك او ان اوضح فالفتوى لاهلها ولكن قبل ان يفتي يجب ان يضع نفسه بالموضع ذاته وان لايزيد ظلما فوق ظلم فرب العالمين يريد بنا الرافة والرحمة بين عباده فان رجعنا لما قاله اخينا طالب لقد وصفا الوضع مشكور في بلد يسوده الامان والاطمئنان والقضاء الذي لابد من ان يقتصي من السارق ويعيد حقك الذي سرق بل يجب ايضا ان تدل عليه وتقوم بسجنه بنفسك ولكننا الان في ظروف من لم يجد منزل ياويه يكسر قفل بيت فارغ ويجلس فيه نحن في ظروف بعد الساعة الثامنة لاتستطيع ان تطل من النافذة لا ان تبيت في العراء
فان استطعت ان اخفف قليلا من الظلم على اخي حتى لو سهلت الامور على الظالم الذي لااستطيع في الدنيا القصاص منه فلماذا لا واتركه لرب العالمين المراقب والذي لايهمل ولكنه يمهل
واخير العلم لله

__________________
• للرجل العظيم قلبان : قلب يتألم و قلب يتأمل .

BROKER

بسبب عطل فني .... اضطررنا لارجاع الموقع لــ 24 ساعة
لذلك تم اختفاء المشاركات بذلك الوقت

ولكن نظراً لاهتمامكم بالموضوع فقد قمت بتصوير المشاركات وسوف اعيدها كصور .

اعذرونا

BROKER

الصور المصغرة للصور المرفقة

         

   

BROKER

الصور المصغرة للصور المرفقة