صالون سيريا ستوكس ليومي الخميس و الجمعة 9&10 - 8 - 2012

[BROKER]

اقتباس: المشاركة الأصلية كتبت بواسطة mahermmmm    تحية أمن وسلام للجميع

اهلا اخي ماهر

الله يخليك بدل كلمة "امن" بــ "أمان"

لان حيثما وجد الأمن ذهب الأمان (في سوريا)

[BROKER]

مساكم خير .... وأمان وسلامة للجميع

عجبتني كلمة ( بين التطهير والتحرير ... الشعب رح يطير )

ليش حدا سائل عالشعب ولا سمعان رأيه ؟؟!!!

[BROKER]

[BROKER]

رمضان رح يخلص ودخلنا بالعشر الأخير

طبعا ( الله ينولكم دعوة مستجابة يارب )

لكن السؤال :: لهلأ ما حسيت برمضاااااان ..؟؟!!!

يعني اليوم فطرت بعد الاذان بحوالي نص ساعة ....

لكن الافضل ان يكون عندنا نية للدعاء الكثير هالليالي .... الله يفرج عن بلدنا

[Tareq]

مساء الخير والأمان جميعا. عملت مقلب بحالي وحابب حذر المتزوجين يوقعوا بغلطي. وانا بمطار الكويت دخلت على السوق الحرة وجبت غرض كانت طالبتو المدام . وبعدها شفت قنينة بارفان دافيد وف كوول ووتر أخدت التي ستر وبخبخت بكثرة والأحرى كان شبه حمام بالبارفان وانا عم رجع القنينة على مكانها قريت عليها انها للسيدات ويكون تتخيلوا لما وصلت على البيت شو صار طبعا اول ساعة ما شفت شي وتاني ساعة ما شفت شي وبعد ست ساعات بلشت شوف بعيني اليمين شوي هاد غير ال.................###€$¥>~|<€+

[غالب]

مساء الخير وصباح الخير وظهر الخير وكل الخير لوطننا سوريا .

[abu mhd]

طارق بيك يا لطيف شو ابن حلال
هلأ خطرت ببالي و قلت انوا بكرة بدي حاكيك
هلأ هالشي خطرلي اول ما قرأت اسمك و قلت اني مقصر بحقك قبل ما اقرأ كتابتك
عموما الحمد لله على سلامتك
نوووووووووووووووووووورت الشام

[غالب]

اقتباس: المشاركة الأصلية كتبت بواسطة tareq    مساء الخير والأمان جميعا. عملت مقلب بحالي وحابب حذر المتزوجين يوقعوا بغلطي. وانا بمطار الكويت دخلت على السوق الحرة وجبت غرض كانت طالبتو المدام . وبعدها شفت قنينة بارفان دافيد وف كوول ووتر أخدت التي ستر وبخبخت بكثرة والأحرى كان شبه حمام بالبارفان وانا عم رجع القنينة على مكانها قريت عليها انها للسيدات ويكون تتخيلوا لما وصلت على البيت شو صار طبعا اول ساعة ما شفت شي وتاني ساعة ما شفت شي وبعد ست ساعات بلشت شوف بعيني اليمين شوي هاد غير ال.................###€$¥>~|<€+

بتستاهل

الحمد لله على سلامتك واهلا بك في دمشق العروبة

وسوريا الحبيبة

[Tareq]

اقتباس: المشاركة الأصلية كتبت بواسطة broker    رمضان رح يخلص ودخلنا بالعشر الأخير طبعا ( الله ينولكم دعوة مستجابة يارب ) لكن السؤال :: لهلأ ما حسيت برمضاااااان ..؟؟!!! يعني اليوم فطرت بعد الاذان بح والي نص ساعة .... لكن الافضل ان يكون عندنا نية للدعاء الكثير هالليالي .... الله يفرج عن بلدنا

ابو حازم عدم شعورك برمضان مرده الى وجودك في الغربة . ما كنت حس برمضان أبدا طول ايام وسنين الغربة سبحان الله بشهادة ناس كتيير رمضان بسوريا الو نكهة غير شكل

[abu mhd]

اخي طارق تعيش و تاكل غيرها
بس من وين ريحة العطر ؟؟؟
لتكون حطلتك ياها الصبية اللي حكيتلي عنها وقت شافتك بالطيارة ؟؟؟؟؟؟

الله يصلحك و يهديك
ماشي الحال لحق على براغي مشان تتذكر تاني مرة تجبلي معسل هههههههه