سعر صرف الليرة مقابل الدولار 5-7-2012 في السوق السوداء

[عدنان و لينا]

اقتباس: المشاركة الأصلية كتبت بواسطة tarek    ووصل سعر الدولار اليوم في حلب 67.45 مبيع وعاد سعره الأن إلى 67.75

اشو هالحكي

[GoldMan$]

بتمنى من الشباب الاعضاء جميعا وضع شكر لكل مشاركة يرى فيها معلومة مفيدة او سعر للدولار
وهي بالاخير شكر معنوي لصاحب المشاركة كي لا يشعر نفسه وضع مشاركة دون اي يشكره أحد عليها وقد يشعر ان احدا لم يقرأها
لذا اتمنى من الجميع النشاط بالضغط على زر "" اشكرا .. "" لكل مشاركة مفيدة
وتحياتي للجميع

[Big H]

اقتباس: المشاركة الأصلية كتبت بواسطة eng. Hassan    صحيح أخ طارق دائماً حلب بتسبق بفرق السعر إما صعود أو نزول

اقتباس: المشاركة الأصلية كتبت بواسطة عدنان و لينا    لأ كلامك خطأ حلب بتسبق بالصعود فقط

السلام عليكم
إلى الأخ عدنان أو الأخت لينا
نرجو عدم تصحيح الصحيح بخطأ لأنه وكما قال الباش مهندس حسان
أن مدينة حلب تسبق بفارق السعر بالاتجاهين وخصوصاً أثناء التغير
المفاجئ لسعر صرف الدولار سواء كان صاعداً أم هابطاً وهذا الأمر
يبدو جلياً لجميع المتابعين خلال الأشهر الأخيرة
وشكراً لك

[AnGeL_EyEs]

اقتباس: المشاركة الأصلية كتبت بواسطة abu amr    صباح الخير انا بتوقع انو نزلت الدولار هي حركة الهدف منها تنزيل سعر الدولار قبل ضخ العملة الجديدة وبعدها بيرجع للسعر يلي كان عليه مشان ما يكون ما تأثر سعر العملة وتحافظ على نفس المستوى بحدود ال 69

مرحبا أخي أبو عمر انا بوافقك بهال الرأي ... وبامكانك تتطلع على الرد اللي كتبتو بتاريخ مبارح 4/7 كمان بيدل ع هيك أمور وشكرا الك

[AnGeL_EyEs]

اقتباس: المشاركة الأصلية كتبت بواسطة gissa7    حركة يائسة وممكن أخيرة لخفض الثقة بالدولار .. كم يوم وبيرجع بنط نط كالعادة

مزبوووووط وبالمية مية هالحكي والتجار بالسوق السوادء والمتمكنين منها عرفانين بهاد الشي وهنن يلي عم يلعبوا بسعر الصرف ع كيفهن بينزلوه لحتى الناس تبيع هلأ وهنن بيبعوا بس يرتفع السعر

[AnGeL_EyEs]

اقتباس: المشاركة الأصلية كتبت بواسطة f.fatina    أولشي مسا الخير عالكل وبالأخص ع أختنا العزيزة زينة وأخي "شوفي مافي" تاني شي مشان الإتحاد النسائي يلي حاسة أن مدايقكن رح قلك كم شغلة أول شي نحن وقت كنا نفوت ونحكي بالمنتدى حكي مفيد أو غير مفيد برأيكن ببساطة كان وضع الدولار ثابت لا طلوع ولانزول يعني مافيها شي إذا حكينا شي برا السيرة أو غيرنا الموضوع طالما مافي شي جديد ع سعر الدولار. تانياً إذا عم تستنو أن الإتحاد النسائي تبعنا يححلكم سبب نزول الدولار فبحب خبركم أن أعظم المحللين ماعم يعرفو يحللوا نزول الدولار وكل واحد عم يحكي من وجهة نظر خاصة غير مبنية على حقائق وأسس علمية. تالتاً نحن ماقربنا ع حدا ولا أذينا حدا بالعكس كنا حابين نعمل بس جو حميم بالمنتدى لأن مو معقول كل يوم فوت قلكن مرحبا شو الأسعار وامشي، نحن هون متل العيلة الكبيرة منفرح سوى ومنزعل سوى ومنربح ومنخسر سوى أخر شي حابة احكي أن نحن بالإتحاد النسائي مامنحب حدا يدايق أو يزعل مننا وكلياتنا منحب نكون ودودين مع الكل ومنتأسف إذا أزعجناكم بشي بس ع كل لو كتبنا شي بخالف تقاليد المنتدى كانو المشرفين نبهونا وشكراً لتقبلكم النا (كإتحاد نسائي كامل)، ولانتقادكم النا لأن هالشي بطورنا. سنفورة

اهلا فيكي اخت سنفورة عسى غيابك خير ... ممكن انا أنضم للاتحاد النسائي تبعكن بصفتي الذكورية

[AnGeL_EyEs]

اقتباس: المشاركة الأصلية كتبت بواسطة abu amr    شكرا على ردك المحترم صاحب الالفاظ اللبقة ولو انه في نقطنين لازم تحطيهن ببالك 1- هناك بعض الاشخاص الذين لا يفهمون معنى اللطف واللباقة بالحديث فلا تعتبي عليهم 2- هناك بعض الاشخاص من عجزهم ان يكونوا مصدرا للحركة والبهجة في المنتدى في ايام ثبات الدولار و بالتالي الحفاظ على الزوار والاعضاء فهم ينتقدون مصادرها ليضيفوا بؤسهم على المنتدى

الله محيي أصلك الطيب أخ أبو عمر

[AnGeL_EyEs]

اقتباس: المشاركة الأصلية كتبت بواسطة Barbie    بالمناسبة بدس اسأل كمان كيف بقدر حط شكر عالتعليفات؟؟؟؟

بس يصيروا المشاركات 30 عندك بترتفع الرقابة وبينحط عندك زر شكر وشكرا

[AnGeL_EyEs]

اقتباس: المشاركة الأصلية كتبت بواسطة a_khateeb82    بتمنى من الشباب الاعضاء جميعا وضع شكر لكل مشاركة يرى فيها معلومة مفيدة او سعر للدولار وهي بالاخير شكر معنوي لصاحب المشاركة كي لا يشعر نفسه وضع مشاركة دون اي يشكره أحد عليها وقد يشعر ان احدا لم يقرأها لذا اتمنى من الجميع النشاط بالضغط على زر "" اشكرا .. "" لكل مشاركة مفيدة وتحياتي للجميع

اي مو تكررررررم منكبس شكرررر ليوووم الشكر لعيونك

وأحلى منتدى وأحلى أعضاااء والله ع راسي الكل فردا فردا

[GoldMan$]

لدولار واليورو يواصلان الانخفاض أمام الليرة في المصارف
تاريخ المقال: 2012-07-05
خاص - الاقتصادي

انخفض سعر الدولار الأمريكي أمام الليرة اليوم في المصارف الخاصة وبلغ 68.27 ليرة مبيع، و67.60 ليرة شراء.

وفي نشرة المصارف الثانية التي وردت إلى موقع الاقتصادي، واصل الدولار الانخفاض أمام الليرة وبلغ 68.00 ليرة مبيع، و 67.33 ليرة شراء.

وكذلك انخفض اليورو أمام الليرة وسجل 85.08 ليرة مبيع، و84.24 ليرة شراء، بعدما كان في النشرة الأولى الصادرة عن المصارف 85.47 ليرة مبيع، و84.63 ليرة شراء.