سعر صرف الليرة مقابل الدولار 31-5-2012 في السوق السوداء

[متابع اردني1]

اقتباس: المشاركة الأصلية كتبت بواسطة مجرد إنسان    عفوا يعني : عالكلام بنسمعوا على كل شي ، وهو سبب خراب البلد اليوم ، بس لايمتى بدنا نضل نقول عن كل واحد بيغلط وبيئذي الناس خليه لربو أحسن ؟ يعني رب العالمين سبحانه وتعالى ما قال عن سبب نكبة اليهود والغضب عليهم آية : كانوا لا يتناهون عن منكر فعلوه ؟ وما قال : ولتكن منكم أمة يدعون الى الخير ويأمرون بالمعروف وينهون عن المنكر ؟ وما قال : واتقوا فتنة لا تصيبن الذين ظلموا منكم خاصة ؟ وما قال :أذن للذين يقاتلون بأنهم ظلموا وأن الله على نصرهم لقدير ؟ وما قال : وان طائفتان من المؤمنين اقتتلوا فقاتلوا التي تبغي حتى تفيء الى أمر الله ؟ والرسول صلى الله عليه وسلم ما قال : المؤمن القوي خير وأحب الى الله من المؤمن الضعيف ؟ وما قال : من رأى منكم منكرا فليغيره بيده .... الى آخر الحديث ؟ وما قال : انصر أخاك ظالما أو مظلوما ؟ وما قال : مثل المؤمنين في توادهم، وتراحمهم، وتعاطفهم مثل الجسد إذا اشتكى منه عضو تداعى له سائر الجسد بالسهر والحمى ولا شو رأيكن كمان ؟ لا للسلبية التي أوصلتنا الى ما نحن فيه وستوصلنا الى آتون الحرب الأهلية بسبب سلبيتنا وهواننا على أنفسنا . فليكن كل منا وقافا عند حدود الله ، يغير الباطل حسب استطاعته ويطبق دينه كما جاء كاملا غير منقوص وينصح من يخطئ ويعاتبه على أخطائه ويبينها له "أفتؤمنون ببعض الكتاب وتكفرون ببعض فما جزاء من يفعل ذلك منكم إلا خزي في الحياة الدنيا ويوم القيامة يردون الى أشد العذاب" المسلم لازم يكون إيجابي مو سلبي تتقاذفه الامواج وهو كالعاجز !

ههههههههههههه عنجد ياجماعه الاخ ابراهيم طاهر روعه كتير شفتم كيف رمى الحجر وهرب هات مين يطلعو كلامك على راسي والله صحيح وانا مع انو الغلطان يعتذر وانا سبق وانتقدت كلامه ارجع وشوف بس كيف صرنا لهون ما بعرف(بجوز شي جني او شبح على رأي اخينا ابراهيم طاهر) مع انو ردودي قليله بس خلانا نكتب ونرد وانا اسف اذا غلطت بس والله(اقولها صادقا)ما قصدت انتقد اي انسان غير ضيفنا اللي من مجره اندروميدا ,وينك شيخ ابراهيم وين رحت!!!!!!!!!!!!!!

[د.أبو محمد]

ياجماعة حلب مشلولة شلل تام

[متابع اردني1]

اقتباس: المشاركة الأصلية كتبت بواسطة د.أبو محمد    ياجماعة حلب مشلولة شلل تام

شلل تجاري او حركه مرور اخي طبعا سألت لانه عم بنستورد بضاعتنا من حلب وعنجد خايفين من النزله من الاوضاع والتفجيرات اللي عم نسمعها

[mak]

قبل قليل أحد أقربائي اشترى من صراف 2000 دولار بأقل من 69 (أي بسعر التدخل) و لكن بواسطة وألف بوسة إيد....و قلي في ثلاثة قبلو عم يشتروا كلون واسطات (يعني عن طريق حدا معرفة)....و الصرافة اليوم أخدوا دولارات من البنك بسعر التدخل لهيك مضطرين يبيعوهن و يجيبوا هويات و توقيع الناس يللي اشترت (رح حسن الظن و قول مشان الصراف ما ياخدون لجيبتو و ينام عليهم ) ...يعني في بيع بسعر التدخل بس مو لمين ما كان....اذا بيضل البنك بيطرح ممكن يحافظ على سعرو...بس اذا بيوقف يوم واحد رح ينط السعر متل اليوم و أكتر....و على كلن طالما البيع بالواسطة سعر السوق السوداء رح يرتفع أكتر

[د.أبو محمد]

اقتباس: المشاركة الأصلية كتبت بواسطة متابع اردني1    شلل تجاري او حركه مرور اخي طبعا سألت لانه عم بنستورد بضاعتنا من حلب وعنجد خايفين من النزله من الاوضاع والتفجيرات اللي عم نسمعها

شلل تجاري بسبب اغلاق المحلات
بالنسبة لحركة المرور من زمان مشلولة لأنو نصف الطرق مقطعة

[عابر مجيب]

اقتباس: المشاركة الأصلية كتبت بواسطة ابراهيم طاهر    كأنك تطبق مثل شامي . قال له : نكاية بالطهارة سأعملها بكلثوني

اسمو كلسون
لهالدرجة ولاءك ؟
أصل الكلمة فرنسي .

[Eng. Hassan]

اقتباس: المشاركة الأصلية كتبت بواسطة iass    مرحبا شباب. أنا اليوم كنت بشركة سلطان للصرافة. وهالحكي الساعة حوالي 2 وشوي. كنت مضطر بيع 100 دولار لأنو ما معي سيولة. فرحت وبعت بالشركة. وشفت شي 5 اشترو قدامي على سعر 68.70 أو هيك شي. يعني مو حتى 69. طبعا هاد السعر النظامي تبع الصرافين. لهيك يمكن أستاذ ابراهيم كان عم يحكي صح. لأنو هاد سعر التدخل. طبعا. لازم تحط بياناتك وهويتك لتشتري. ويلي طلب منهن أكتر من 1000 كان عم يقلو ما بقيان معي. وهيك. طبعا قدامي كمان في شي 3 باعو دولارات. يعني عند الصرافة السوق شغال بيع وشراء اليوم.

هدا الكلام صحيح وأنا كنت عند الهرم ببوابة الصالحية حوالي الساعه 4,5 كان عم يبيع بسعر التدخل 68,60 + 2 بالألف والمبالغ بحدود 5 ~ 7 آلاف مع صورة الهوية ومريت لعند السلطان كمان عم يبيع نفس الشي بسعر التدخل وفي واحد طلب مبلغ كبير فوق الخمسين ألف قاله حاكيني وبيصير خير...

[M3Maher]

رد: صالون سيرياستوكس ليومي الخميس 31 -5والجمعة 1 -6-2012
[color="rgb(72, 209, 204)"][/color]
السلام عليكم ورحمة الله وبركاته
وردني الآن أنه جاءت تهديدات لكل المولات بالشام بالاضافه لبعض الاسواق كالشعلان والحمرا بإغلاق محلاتهم والتهديد يقول إما الإغلاق أو الإحراق

ما هذا بربكم هل ينون إحراق البلد بأسواقها ومن هذا الذي يهدد !!؟؟

[عابر مجيب]

اقتباس: المشاركة الأصلية كتبت بواسطة expert    مارح ارد عليك

لعيونك ما بنقصر

[د.أبو محمد]

ياجماعة عيب هي الألفاظ بالمنتدى
عن عبد الله بن مسعود رضي الله عنه قال: قال رسول الله صلى الله عليه وآله وسلم:
” ليسَ المؤمِنُ بِطَعّان ولا لعّان ولا فاحِش ولا بَذيء ”
(رواه البخاري في الأدب وأحمد وإبن حبان والحاكم)