سعر صرف الليرة مقابل الدولار 31-5-2012 في السوق السوداء

[mak]

اقتباس: المشاركة الأصلية كتبت بواسطة ابراهيم طاهر    هذه المرة الخطة اربعة اشواط هدفها افلاس المضاربين والله بغض النظر عن مؤيد ومعارض الخطة جيدة و الخطة تحد من ارتفاع اسعار الغذاء فقط من اجل طعام الاطفال الفقراء فقط

مع انو الفكرة انحكت أكتر من مية مرة ..بس معلش بيجوز التغطية مو واصلة للمجرة تبعك ...أو في شي حملة اعتقالات مشان هيك قاطعين الاتصالات!.....المهم ....أسعار الأغذية بشكل عام في سوريا أعلى من جميع دول الجوار هذا اذا حسبناها على الدولار تبع ال 69 يللي انت معتبرة انجاز لمصلحة المواطن...بس بالواقع هي محسوبة و تباع للمواطن على دولار شي 85 ....و هاد يعني انو التاجر عم يشتري بضاعتو بدولار 69 و يبيعها للمواطن يللي رح يموت من الجوع و قلبك عليه بدولار 85 ...و التاجر عنا و الدولة و البنك المركزي كلهم وجوه لنفس العملة ....طبعا اكيد العملة عندكون بالمجرة الها اكتر من وجهين.
و هيك كل هالعملية ما استفاد منها المواطن ...لا يللي خاف على مصاريه و حول لدولار و لا يللي صدق الاعلام السوري و خلى مصاريه سوري...يعني الاثنين متضررين ( طبعا يللي صدق أكل كم أكبر من يللي حول لدولار غير يللي تأخر)

انشالله تكون الفكرة وصلت

[expert]

اقتباس: المشاركة الأصلية كتبت بواسطة ابراهيم طاهر    الشوط الثاني من الخطة نفذ تم الشراء 67 من فترة من قبل المركزي وتم البيع 72 من قبل المركزي ومازال البيع جاري حتى يعود السوق الى 65 ليرة للدولار , يعيشوا وياكلوا غيرها . الآن في البنوك الخاصة 68 ليرة متوفر بكثرة . لقد امن المركزي رواتب الموظفين شبهن كل دولار ربح خمسة ليرات . عقبال الشوط الثالث

انا مبارح حطيت هالمشاركة وشوفو القسم الاحمر منها
عرفتوا مين قصدي

اقتباس: المشاركة الأصلية كتبت بواسطة expert    اذا بتتذكروا كان في خبير افتصادي معه دكتوراه بادارة الازمات وقال انو مارح يطلع الدولار فوق ال70 خلال عام كامل وقال هو بدو يبيعنا ب 70 وينه وين في واحد تاني رح يقلكم بديت المرحلة الثانية من عملية تفليس المضاربين من قبل المركزي بقا ديروا بالكم هههههه

[Abu Amr]

يا شباب نورونا بالسعر خصوصي بالشام و متوفر ولا لأ

[العملة حديد]

يا شباب هيدا المنتدا للجميع وفهمكن كفاية
يعني في اللي بيشرب متي واللي بيشرب شاي واللي بيشرب قهوة واللي بيشرب نسكافيه واللي بيشرب كابوتشينو واللي بياكل ماك دونالز وبيتحلا راحة تركية
يعني في اوادم وفي اوادم كتير

[expert]

اقتباس: المشاركة الأصلية كتبت بواسطة د.أبو محمد    امين أخي أبو هيثم شو توقعاتك للسوق أفدنا بارك الله فيك

الله يبارك بصحتك ويحفظ الشرفاء من ابناء وطننا

اخي الصعود خجول خلال الايام القليلة القادمة
وما اتوقع يزيد عن 72
والسبب تدخل المركزي البسيط والمتحفظ
المركزي يبيع بسعر التدخل مثل ما ظهر من تصريحات
ولكن بكمات قليلة 2000 دولار وعلى الهوية وبنطروك ساعة وبيعبوا استمارة فيها معلومات كاملة عنك عنوان ورقم هاتف خلوي وسبب شراء الدولار......
كل هالكلام من شان 2000 بس
طبعا المركزي ما عم يتدخل حفاظا على سعر الصرف الثابت او منشان لقمة عيش الفقير
لا تفكر نحن بمسلسل هندي
المركزي عم يبيع لانو عنده التزامات غير الرواتب
وهي
متل ما قال الاخ نضال العلي
دفع ثمن محصول القمح والشعير
لكن كمان
بعد دفع ثمن المحاصيل في ناس كتير رح تتصرف بالمصاري تبع مردود الحصاد
يعني شراء دولار واجهزة كهربائية .....
مما سيزيد الطلب على الدولار
اتوقع انو الصعود الحقيقي لن يحدث الا في حالتين
وصول الطبعة من روسيا
اعلان التدخل العسكري من قبل الناتو او احدى الدول الكبرى .... الله يلطف فينا
والله اعلم

[ابراهيم طاهر]

ذكرتوني بعنوان قصة اسمها
(الضحك على القاباقيب )
تخفيض قيمة العملة السورية هي ضد كل السوريين
اي افقار لكل شيئ

[yara991979]

اقتباس: المشاركة الأصلية كتبت بواسطة عمر الرفاعي    بس حاد يخبرني .. وينو هاد يلي قال أن بدو يبيع الدولار بـ /60/ إذا وصل للــ /70/ .. لأنو كان واثق أنو السعر لم يتجاوز اللـ/70/ لأكتر من سنة ... حاجة ضحك ع العالم والله لنشوف أرقام فلكية من اليوم ورايح ... ومشان تتطمنوا حتى لو دخل المركزي ماعاد يمشي الحال سبق وقلت وقال الكثيرون أن هذا التدخل لن يدوم وأن دام سيفقد المصداقية ويفلت السوق منو ولو حط مليون عقوبة ...... لأن المركزي من كوكب ونحن بكوكب أخر

الله يطمّن بالك

[yara991979]

اقتباس: المشاركة الأصلية كتبت بواسطة الباشا المهندس    ما أعتقده أن النظام المصرفي الذي حافظ على سعر الصرف لفترة من أجل الصورة الكاذبة لنظام سياسي متماسك .. مقابل قدرة شرائية متآكلة تغرق يوميا .. تعكس واقع الانهيار والفوضي الذي أسلم النظام البلد إليه .. شارف على الانتهاء . ما نأمله أن يكون انهيار العملة تسريع لانهيار النظام ويحقن دماء السوريين .. ويخرج البلد من دوامة الدمار .. والمهم أيضا .. لأجل لقمة ومستقبل السوريين .. أن يتم الاعلان أن كل الديون التي استجرها النظام من بعد 15-3-2011 ولكل الأنظمة والجهات التي زودته بها .. هي زائلة بزواله .. والشعب السوري والحكومات القادمة غير مسؤولة عنها .. لأنها هي التي جعلته يقف على دم السوريين حتى هذه المدة ..

اقتباس: المشاركة الأصلية كتبت بواسطة expert    الله محييك ويللي بدو يزعل يزعل انا بتمنى يطلع الدولار توافقا مع فكرتك يللي بالاحمر وبالاخير الناس ما بتاكل دولار والبضائع بالسوق مسعرة على دولار فوق ال85 وبتحدى اي خبير ينفي هالكلام

الناس بتاكل بعضها
ما بدها الشغلة تحدي ولا خبير طالما أنت موجود أخي expertالخبير

[samer11]

اقتباس: المشاركة الأصلية كتبت بواسطة الأدهم    الله يرحمو ويجعل مثواه الجنة بس أنا ماسمعت عنو كيف ووين انقتل ؟؟؟ ومين المجرم؟؟؟؟

الله يسامحك هذا سؤال ولو واضحه العصابات المسلحة

[ابراهيم طاهر]

لدي احساس داخلي ان الازمة السورية ستحل فجأة وبقرار سريع لا اعرفه ولن يحدث للبلد اكثر من هذا الخراب
وعندها سيكون عرض الدولار للبيع هائل قد يصل الى 35 ليرة لكثرة العرض والخوف من التزوير الدقيق
وهذا قريب هكذا اشعر وان مطمئن لان الشام من احب الاراضي الى الله وسيدنا محمد (ص) وخاصة الشام الشام دمشق الرحمة