سعر صرف الليرة مقابل الدولار 12-5-2012

[MERO]

اقتباس: المشاركة الأصلية كتبت بواسطة bader halab    حلب ٦٨.٥٥ ٦٨.٧٥ برود في الحركة

برود بالحركة من 10 يوم وأكتر
ولما البرود يطول فهذا بينبئ بموجة حر قادمة
بس براس مين بتوقع ما حدا بيعرف .. وشو الاتجاه علمي علمك
السوق عندنا غير خاضع لأي ظروف ولا ينطبق عليه شئ بالدنيا
لا بالسياسة بيتأثر ولا بالاقصاد بيتأثر ولا بالسياحة بيتأثر

إي شي بيجنن
يا عمي اليورو انهز والذهب انهز ..بس الليرة حديد

[Bader Halab]

يا جماعة اليوم كنت بدي اشتري جرة غاز ولأنو انا مشترك عند البياع ببيعني ب ١٥٠٠ ليرة!! تذكرت انو الاستاذ غالب كان كاتب مبارح عن ببور صيني بكفي سنة ب ٣٥٠٠ ليرة بقا حدى يقلنا من وين منشتري هل بدائل

[rainbow]

اليورو لم يأخذ حقه اليوم فما هو السعر الان لمن يملك معلومات مؤكدة

[عمر الرفاعي]

مثل هكذا قرارات تصدر عن المركزي
وعقوبات واغلاق مكاتب وغرامات
وتخبط بالقرارات ..
والاهم حركة السوق التي فيها الكثير من الجمود والحذر
والوضع العام يحتم وبمؤشرات - محلية - أن ارتفاع الدولار قادم لا محالة
وأقول محلية لأنه لا يوجد أي اساس علمي ولا عالمي يحلل وضع الليرة
ومن المستحيل القول أن السعر الحقيقي للدولار هو /69/ هذا سعر لا ينطبق على الواقع اطلاقاً

[Bader Halab]

اقتباس: المشاركة الأصلية كتبت بواسطة rainbow    اليورو لم يأخذ حقه اليوم فما هو السعر الان لمن يملك معلومات مؤكدة

حلب (يورو €)
88.65
89.00

[MERO]

اقتباس: المشاركة الأصلية كتبت بواسطة bader halab    يا جماعة اليوم كنت بدي اشتري جرة غاز ولأنو انا مشترك عند البياع ببيعني ب ١٥٠٠ ليرة!! تذكرت انو الاستاذ غالب كان كاتب مبارح عن ببور صيني بكفي سنة ب ٣٥٠٠ ليرة بقا حدى يقلنا من وين منشتري هل بدائل

أخي ما الك الا ببور الكاز
عملي وتشغيله ممتع وبيسيلي كتير
وبيعمل موسيقا حركية يعني ممكن ترقص على صوته
واللي بمنطقة حامية بينسيك الأصوات اللي بتجي من برا وبتصير طبيعية
وبتعبي 20 لتر كاز بيكفوك فترة طويلة

وللمهمات الصعبة بيتفوق على الغاز بقوته ونيرانه الطاغية

بس أهم شئ تخلي عندك نكاشة لأن راسه بيوجعه كتير

وبعدين رخيص ومتوفر وصناعة سورية
بس ما يكون صار بالدولار

[HAKEEM]

هلأ بتبلش التجار الكبار (الحيتان) تعمل طلبيات عالبوابير الصينية ....
فرصة جديدة لتجار الحروب
وبتصير أسعارا دبل ... وممكن يرتفع سعر الدولار شوي لأنو تحتاج قطع اجنبي,,,,,
مابعرف لوين رايحين...... العالم لقدام ونحني لورا
الله المستعان أحسن شي..

[Bader Halab]

اقتباس: المشاركة الأصلية كتبت بواسطة mero    أخي ما الك الا ببور الكاز عملي وتشغيله ممتع وبيسيلي كتير وبيعمل موسيقا حركية يعني ممكن ترقص على صوته واللي بمنطقة حامية بينسيك الأصوات اللي بتجي من برا وبتصير طبيعية وبتعبي 20 لتر كاز بيكفوك فترة طويلة وللمهمات الصعبة بيتفوق على الغاز بقوته ونيرانه الطاغية بس أهم شئ تخلي عندك نكاشة لأن راسه بيوجعه كتير وبعدين رخيص ومتوفر وصناعة سورية بس ما يكون صار بالدولار

انا من زمان بسمع عنو وعن موسيقاه وشلون تشغيله صعب وقصصه بس ما بعرفه وما عايشته. بس هلق الحمد لله بتصير فرصة منتعرف على هل اختراع وبتتعرف عليه الأجيال الجديدة

[د.أبو محمد]

أكد وزير الري الدكتور جورج صومي ضرورة الإسراع بانجاز مشروع تحديث واستبدال تجهيزات ساحتي التوزيع في محطتي سدي الفرات والبعث الكهرومائيتين لرفع الجاهزية القصوى لهما وتوليد أكبر قدر ممكن من الطاقة الكهربائية.
وأشار الوزير صومي خلال اجتماعه اليوم في المؤسسة العامة لسد الفرات مع ممثلين عن شركة صفانيكو الإيرانية المنفذة للمشروع إلى ضرورة معالجة معوقات تنفيذ المشروع بالسرعة الكلية لتكون المحطتان جاهزتين قبل موسم الصيف القادم.
بدوره لفت سفر نور الله رئيس مجلس إدارة شركة صفانيكو إلى ان الشركة ستعمل على تلبية احتياجات المشروع والتعاون الكامل مع وزارة الري لمعالجة عقبات تنفيذ المشروع.
واستعرض الجانبان واقع العمل في المشروع والاقتراحات والحلول المناسبة لتسريع وتيرة العمل ومعالجة القضايا العالقة.
يشار إلى أن قيمة مشروع تحديث واستبدال تجهيزات ساحتي التوزيع في سدي الفرات والبعث تبلغ نحو 8ر14 مليون يورو و580ر56 مليون ليرة سورية بينما تقدم مجموعة سد الفرات استطاعة كلية للشبكة الكهرومائية العامة أكثر من 800 ميغا واط وسد البعث بحدود 75 ميغا واط.

[rainbow]

اقتباس: المشاركة الأصلية كتبت بواسطة عمر الرفاعي    مثل هكذا قرارات تصدر عن المركزي وعقوبات واغلاق مكاتب وغرامات وتخبط بالقرارات .. والاهم حركة السوق التي فيها الكثير من الجمود والحذر والوضع العام يحتم وبمؤشرات - محلية - أن ارتفاع الدولار قادم لا محالة وأقول محلية لأنه لا يوجد أي اساس علمي ولا عالمي يحلل وضع الليرة ومن المستحيل القول أن السعر الحقيقي للدولار هو /69/ هذا سعر لا ينطبق على الواقع اطلاقاً

كلامك صحيح بس هي البلد كلو ماشي فيها "شغل الله" تدخل عراقي على ايراني على فنزويلي . كان من المتوقع بهذا الشهر أن تخف أزمة المازوت وتتوقف أزمة الغاز لأن الشهر ربيعي ولاستهلاك ينخفض نسبياً لكن الامر جرى بالعكس تماماً . وموظفين صغار يقولون أن الحكومة تبيع الفائض من الكهرباء والغاز والبنزين لمناطق معينة في لبنان ( من تحت الطاولة ) لتأمين الدولار فأسعار الطاقة عالمياً بالعلالي

عليك أن لاتتكلم عن الواقع لأن الزلزل ممكن أن يحدث فجاءة وحكومتنا لاتملك جهاز كشف زلازل فتسير الاقتصاد على البركة ، كلو بيهون من أجل الأمن والسياسة

أما تلميحك عن الشفافية والقرارات والتخبط والواقع عليك أن تنساه على الاقل لبضع أشهر قادمة