MBOSS

السلام عليكم و رحمة الله و بركاته

تحياتي لكم جميعا
يعني بيفاجئني البعض لما بيظن انو انخفاض الدولار هو المتحكم الوحيد بسعر المواد لدينا
يعني نسيانين الاوضاع الي على الارض بتتحكم لحد كبير و اهم منها هو طمع و استغلال التجار للموضوع
لكن ثبات سعر الدولار بعد الانخفاض يؤثر بانخفاض اسعار المواد لكن يحتاج لوقت لعدة اسباب تتعلق باسباب تسويقية و نقل مواد و ما شابه .
يعني مثال بسيط : واحد استورد الحديد ب 50 الف مالح يبيعو با 40 حتى لو فرق معو الدولار لانو هو دفع و تكلف و خلص
بعدين متل ما قلت المواد تتعلق بعدة ارتباطات اخرى لا تنسوا انو التصنيف الائتماني لسوريا انخفض و هاد بيأثر
كلو مرتبط ببعضوا اما سعر الدولار اصلا ارتفاع الدولار لحدود 105 غير منطقية و لا يوجد لها اساس اقتصادي يعني واضحة مضاربات .
لح اضربلكم مثل : بعلم الاقتصاد سهم اي شركة معناه انت لك حصة من هذه الشركة بمقدار ما تملكه من اسهم يحتسب على اساس ميزانية الشركة لكن الواقع مختلف
شركة الباحة يالسوق السعودي راس مالها 100 مليون وهي شركة خاسرة كان سعر سهمها بحدود 17 ريال و خلال ثلاث شهور وصل سعر سهمها الى 230 ريال بسبب المضاربات الكثيفة عليها
لكن فجاة انهار انهيار مفاجىء و صارت الناس تحط طلبات البيع قبل بيوم ومع ذلك لم يستطع البيع الا القلة بسبب ندرة الشراء وخلال ايام عاد الى 29 ريال
وهاد نحنا بالسعودية لا حدا يقلي انهار الريال والشركة بياناتها المالية مسجلة خسائر يعني مع التدوير سينخفض راس المال.
باختصار ارجوا ان تعتبروا من المثال : ليس الارتفاع المفاجىء قاعدة يجب ان تعتمد على التحليل المنطقي للوضع العام و السعر العادل بايام الدولار 105 كان 80 و ليس اكثر و ذلك على افضل تقدير بحسب تلك الايام

GoldMan$

آآآخ عالبندورة ... معلم نحن قربنا بيوت بلاستيكية ببانياس وطرطوس بتطعمي بندور للبلد بس كلها فاضية ؟؟؟؟ سحارة البندورة كلها كانت ب 100 ليرة ومع تحية ...
اليوم عم اشتري البندورة بالنص كيلو مشان بس الطعمه فوق التبولة
يا معلم انا فرقت معي بالمووونة اللي اشتريتها اكتر ما استفدت بالدولارات اللي معي
كيس البامبرز شاريه انا ب 350 ليرة اليوم حوالي 700 ليرة شوف قديش ربحان 100%

د.أبو محمد

ياسيدي عليك نور تحويشة العمر10000$ صرفته عال74 وهلأ عمينزل شو بدك ياني انبسط

ALHAKIM

hesham

اقتباس:

المشاركة الأصلية كتبت بواسطة alhakim شو يعني قجق لو سمحت أخي الكريم ؟

اسمح لي ان اوضح

قجق = قشق = غير نظامي

صراف قجق = صراف غير نظامي = صراف غير مرخص

__________________

مجرد إنسان

بأول الأزمة : قلي واحد صديقي مون زيت ابيض ورز وسكر بمبلغ منيح ، ما بيخسرو معك بالعكس بيربحوا اضعاف
قلتلو بس هاد اسمه احتكار بالغذاء وحرام وما بيجوز من الله .
قلي شو بدك بالذهب والدولار ؟
الناس لا رح تاكل دولار ولا رح تاكل ذهب وقت الحرب ، والشاطر اللي بيدبر لقمة أكل ..
اليوم عم فكر بكلامو وقول 100% مزبوط !
بس هاد حرااااااااااااااام والحمد لله على الدولار ^^

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}

د.أبو محمد

وكنت قول قبل متل اخونا العملة حديد رح خليهن سوري صار ب 58 قلت معلش شدة وبتزول وبالفعل نزل لل50 رج و بعد كم يوم طلع لل62 قلت عادي رح ينزل طلع لل68 قلت خوطرت و صرفت عال74
وراحت نظرية (العملة حديد)

العملة حديد

ألله يردلك خسارتك بجاه النبي,وتربح باذن ألله
ولا تشاؤون الا أن يشاء الله

د.أبو محمد

الله يسلمك و يطعمك ملايين الليرات (الحديد)

MBOSS

اواخر شهر 5 و طالع سيتراوح بين 65 و 68 حسب اعتقادي
اما حاليا فالتذبذب سيبقى بحدود 67 و 70 عدة ايام اخرى
وهاد الكلام قد قلته من اكتر من ثلاث اسابيع عندما كان الدولار بحوالي 72.25
على كل هاد تحليلي ان لم يحدث طبعا اي تطور مفاجىء على المجال السياسي او العسكري