سعر صرف الدولار مقابل الليرة24-4-2012 بالسوق السوداء

[MERO]

اقتباس: المشاركة الأصلية كتبت بواسطة bader halab    عبعيد قراءة القرار وفي شغلة مو داخلة بعقلي! هي شوي فكرة مو معقولة بس اذا المركزي بحقلو يوافق ويرفض... ليش الصرافين ما بيرفضو تدخل المركزي؟! يقولو ما بدنا نشتري على هل اساس! طبعا هيك بتصير اللعبة بايد الصرافين وبصير المركزي عنجد عبارة عن مضارب..

الإجابة معروفة
اللي مرخص بتنسحب رخصته ويتم إيقافه واستضافته

واللي مو مرخص الله يعينه يعني ما بقدر أقلك شقد بيكرموه

لكن شو مفكر انت ... عكيفك الشغلة

بدك تاكل فاصولية غصب عنك

[beshr]

دمشق :

خير الكلام ما قل ودل

شراء 68
بيع 68.70

ومتوفر بيعا وشراء

[Bader Halab]

في اسهل من "ما معنا سيولة بالليرة"؟
طبعا متل ما انت قلت في استضافة وما حدا الو بهل قصص

[Bader Halab]

على كلن برأي الشخصي اذا البنك ما بدو يشتري لانو ما معو ليرة ولازم يصرف دولار مشان يدفع مستحقاته الشهرية (الرواتب) بالتالي بدو يضطر يبيع دولار ورح ينزل السعر مرة تانية..
شخصيا اظن اذا الصرافيين قررو مواجهة البنك فهي فرصتون.. عن ينزلو السعر حتى لما البنك يبيع يشترو برخيص.. وبعدا! فجأة متل الايام الماضية.. بنط الدولار ٥-١٠ ليرات وبيتجه صعوداً.. المركزي نقص دولارو بس مع ذلك لازم يبيع فعلياً لأنو الناس صارت بتعرف انو الاشاعات ما بقت تمشي على الناس... وهيك بينكشف المركزي على حقيقتو وبيضطر يلعب وراقو وهيك بكونو الصرافين استلمو اللعبة من البنك وغطو خسائرون اللي سببلون ياها

[عمر الرفاعي]

يا زملاء ... الكل ارتعب وخصوصا يلي شاري على 75 او وقت 86 ومنهم على 96 .. والحقيقة عدد المتابعين لهذا الموضوع تجاوز 500 ... والكل بلش يضرب اخماس بأسداس ..
طولوا بالكم هاد الهبوط للــ 67 طبيعي ويلي بالسوق بيعرف هاد الأمر جيداً .. طيب وقت صار صعود مخيف وصولاً لل 110 وخلال ثلاثة ايام كترت التحليلات والتخمينات والاسباب ووو
الخلاصة هاد الهبوط حتماً مؤقتاً ولم يدم سوى ايام والارتفاع أكيد للخطين الرفع والردع بين 70 و 75
وهذه ليست دعوة للبيع ولا الشراء بس يلي بدو يحلل صح بفكر ليش صار هاد الهبوط .. ولح يتأكد أن الصعود للحاجز نحو الــ 70 /75 مسألة وقت .. طولوا بالكم هي لعبة سوق ليس أكثر ...

[Ahmad Hamdi AlSharif]

أسعد الله مساءكم

[shereen]

انا شخصيا بظن هي اخر نزلة للدولار بالعصر الحديث لسوريا واللي حابب يشتري هذه فرصة ذهبية او شو رايكم

[Bader Halab]

اخي عمر انا حاليا مالي مهتم بال"قيمة" انا مهتم باللي عبصير.. الاسباب والتتائج
وانا من قبل قلت انو مافي صعود او هبوط مستمر. ودوام الحال من المحال مالم يكن هنالك شيء ملموس على الأرض. انا بعرف السبب الذي ادى الى صعود الدولار الى ٩٨ ليرة
اما هالنزول فهو ردة فعل على ذلك الارتفاع والله اعلم
اكيد هي لعبة والكل بيعرف هالشي.. بس انا عم حاول قدم تحليلات للعبة. واللي ما بيعمل تحليلات انا بنصحو ما يدخل بهل قصة ويبعد عنها احسن ما يندم ويقول كنت بربح كذا ليرة وهسرت كذا ليرة

[مجد]

اليوم الطوشة كلها الخصها بان الصرافين اشتروا اقل من 68 ليرة للدولار ولم يبيعوا ب68 ليرة للدولار يعني راحت على المساكين الذي لاخبرة عندهم الذين هرولوا ليبيعوا مالديهم من دولارات لكي لا يذهب شقا العمر .وحسب تجربتي في هذه الحياة .ان هؤلاء هم دائما الصيد الثمين لكل التجار والمتلاعبين واللصوص وهم الضحية دائما بالدنيا .

[Ahmad Hamdi AlSharif]

بالنسبة لسعر صرف ال$ أمام الليرة اليوم لم يتم إختراق حاجز ال67 بيعا في مدينة دمشق وماحولها أما ماحدث في حلب فهو ببساطة وبتفسير صحيح " تجسيد للألية العرض والطلب " اليوم كان بحلب هناك عرض كبير جدا وتخوف من الهبوط والصرافين هم المستفيدين الاكثر من هذا الموضوع حيث قاموا بالشراء بأسعار متدنية و البيع بهامش بسيط ولكن بتدوير رأسمالهم عدة مرات يعني الصراف بيشتري ب66 وببيع ب66.25 مثلا والعالم عم تركض وتبيع وبنفس الوقت هناك عالم عم تركض وتشتري والصراف عم يركض ويدور رأسماله ويربح يعني ببساطة الكل كان عم يركض وبعدين للأسف إنتهت موجة العرض وبدأ السعر بتصحيح نفسه ليدرك أنه هبط دون المستوى المحدد له من المركزي فقام بتصحيح مساره وعاد لسعره الطبيعي المفروض ان يكون عليه في هذا اليوم .
بالنسبة ليوم الاربعاء هناك إحتمالان : الأول ان يقوم المركزي بخفض السعر أيضا وبالتالي سيكون هناك إقبال شديد على الشراء من كافة المواطنين والتجار والصرافين لان السعر الذي كان المركزي يتكلم عنه هو نقطة ال65 قد تحقق وبالتالي لن يكون هناك أفضل من هذا السعر أما السيناريو الثاني فأعتقد هو بالحفاظ على السعر الحالي و بالأصح أن يقوم المركزي بالمحافظة على تذبذب سعر صرف الليرة بين حاجزي 65-70 يعني سنشهد فترة استقرار جديدة في هذه المنطقة .
بالنهاية لا يسعني أن أقول سوى أن سوريا هي بلد المفاجآت والمنطق والعلم لايجد له أي مكان فيها يعني بصراحة يمكن شي يوم نفيق ونلاقي سعر الدولار ب30 ليرة مثل ماقال صارجي افندي بأحد مقالاته العلمية ويمكن بالعكس نفيق ونلاقي الدولار صار ب100 ليرة وساعتها كمان بيطلع صارجي افندي وبذكرك بكلامه انه الذهب رح يصل سعر غرامه لل5000