سعر صرف الدولار مقابل الليرة 17-4-2012 بالسوق السوداء

[arnouri]

اقتباس: المشاركة الأصلية كتبت بواسطة غالب    معك حق اخي اياس اذا اليونان وايطاليا واسبانيا طلعوا كذابين مو العتب علينا ممكن نكون اصدق منهم او اكذب منهم بس الاكيد انو ما عنا ديون خارجية تذكر لذلك الانطلاقة باقتصادنا ممكن تكون جيدة .

أخي ابو النور حسب كلامك اذن
كان الاقتصاد قبل الازمة من أقوى الاقتصاديات في العالم
تقول لايوجد ديون خارجية تذكر ولكن عنا فساد ونهب وهدر وسوء ادارة جيدة جدا

[Germano]

أي لاء هيك كتير معقول
يعني مبارح واليوم تاركين الحبل عالغارب والمسبات عأبو موزة يعني بتمنى على المشرفين متابعة الموضوع باهتمام أكثر ليس من المعقول أن يأتي ليشتم يمنة ويسرة يعني أخطر شي التعميم. أنا أتابع الموقع منذ فترة بشكل يومي وهو موقع رائع وبدأت أحب قراءة حتى المشاكسات التي تجري فيما بينكم و نحن في الغربة ونحب كل السوريين ولا بأس من الخلط بين السياسة والأقتصاد ولكن لا ترغمونا على قراءة أرائكم السياسية. ولكم الشكر

[Bader Halab]

اقتباس: المشاركة الأصلية كتبت بواسطة بيان    سؤال : في روبل روسي بشركات الصرافة عنا بسوريا وشو سعرو ؟

بالشركات النظامية اظن موجود واعلى سعر اله 2.75
هاد اعلى سعر واكيد في اقل بس بدك تسأل

[غسان]

يرجى من الاخوةالكرام

العودة الى موضوع سعر صرف الدولار

ولكم الشكر

[shereen]

اقتباس: المشاركة الأصلية كتبت بواسطة arnouri    أخي ابو النور حسب كلامك اذن كان الاقتصاد قبل الازمة من أقوى الاقتصاديات في العالم تقول لايوجد ديون خارجية تذكر ولكن عنا فساد ونهب وهدر وسوء ادارة جيدة جدا

صحي 400مليون دولار من النفط وقدهم زراعة وتصدير والخ صارو قول مليار دولار شهريا قمنا منهم معاشات موظفين وعساكر شي 30 مليون دولار ضل معنا 970 مليون دولار وقولو مصاريف انارة طريق وشطف طرقات وحدائق وتزفيت شي 20 مليون دولار طيب ال 950 مليون وين راحو ناهيك اذا بتتذكرو ببداية الازمة انو لغو الضرايب على السكر يعني انا مافهمت كيف دولة بتحط ضرايب على السكر والرز والمواد الغذائية بهالقوة و كهربا غالية ناهيك انو الفائدة على القروض من اعلى الفوائد بالعالم 9% ناهيك ضرايب المالية ورفاهية السيارات وجماركها ناهيك انو العراق وايران عم يدعمو الدولة ماديا بشكل هائل او شو رايكم

[سندباد]

اقتباس: المشاركة الأصلية كتبت بواسطة مجد    المساعدات غير مؤكدة وايضا نحن ننظر الى المبالغ التي تدخل بها المركزي منذ بداية الازمة للان هي قليلة جدا والاسباب المذكورة سابقا هي التي ثبتت الليرة الى الان بحدود 75 ليرة للدولار

لا ما بعتقد ابدا انو المبالغ يلي دخل بها المركزي قليلة...

بعتئد تدخل بارقام ضخمة جدا بس طبعا لا يكشف عنها حتى ما تصير بلبلة

اما عن المساعدات منطقيا المفروض نرجح هي الفكرة يعني بعطيك رقم وانت تخيل الباقي

عم ينحكي اانو البلد خسرة حوالي 100 مليار دولار لحد الان

هاد الرقم يعني بيعادل حوالي 200% من الناتج المحلي يعني خسارة هائلة بكل معنى الكلمة

الولايات المتحدة خسرة بالحروب + الازمة المالية حوالي 10 ترليون
وهاد الرقم بعادل تقريبا 70% فقط من الناتج المحلي الحالي وخلال 12 سنة
ومع هيك الدولار خسر خسائر كبيرة اذا حسبناه عل الدهب تفوق بكتييييييير خسائر اليرة يلي هو 50%

في تقرير سابق بقول البلد بحاجة 3 مليارات دولارشهريا فواتير حرب و وطاقة و مازوت ورواتب و متييييييييي يلي بقرقع متييييييييييي و....الخ

وبالتالي خلال سنة صار عنا 3 ضرب 12 = 36 مليار دولار امريكي مصروفنا من القطع

طيب اذا الاحطياطي 18 + 12 مليار دهب = 30 مليار

بقي 6 مليار من وين اجت ..؟؟؟؟

هاد بعطي اشارة قوية انو في دعم خارجي بالقصة وبعطي نسبة 90% على هاد شي

بس شو هو الدعم هل هو عبارة عن ديون او مساعادات او بيع نقط يلي ما طلع....

ومين هي الدول بالتحديد و شو هي الارقام الله اعلم

[سندباد]

اقتباس: المشاركة الأصلية كتبت بواسطة shereen    صحي 400مليون دولار من النفط وقدهم زراعة وتصدير والخ صارو قول مليار دولار شهريا قمنا منهم معاشات موظفين وعساكر شي 30 مليون دولار ضل معنا 970 مليون دولار وقولو مصاريف انارة طريق وشطف طرقات وحدائق وتزفيت شي 20 مليون دولار طيب ال 950 مليون وين راحو ناهيك اذا بتتذكرو ببداية الازمة انو لغو الضرايب على السكر يعني انا مافهمت كيف دولة بتحط ضرايب على السكر والرز والمواد الغذائية بهالقوة و كهربا غالية ناهيك انو الفائدة على القروض من اعلى الفوائد بالعالم 9% ناهيك ضرايب المالية ورفاهية السيارات وجماركها ناهيك انو العراق وايران عم يدعمو الدولة ماديا بشكل هائل او شو رايكم

شو راينا اكيد نرفع لكي القبعة :Lo0oL: