سعر صرف الدولار مقابل الليرة 31-3-2012 بالسوق السوداء

[buffer81]

ممكن حدا من الشباب يشرحلنا سبب صعودد الدولار اليوم و تحليل الاتجاه المتوقع ؟؟

[shereen]

اقتباس: المشاركة الأصلية كتبت بواسطة غسان    تنبيه للاخت شيرين ..تم تعديل مشاركتك ونطلب منك عدم توجيه كلام مسيء او ساخر لاعضاء المنتدى والاكتفاء على الرد على الفكرة دون شخص العضو

مرحبا اخي غسان بشكرك انو عدلت مشاركتي بس انا ماقصدت شخص او عضو بالذات انا لمحت تلميح لانو في كلام استفذني يعني اذا واحد معو 3 مليون معقول يشتري فيهم مونة (مرتديلا وبطاطاوالخ)هاد الشخص عم يحكي عن 10 الاف ليرة وبس تاني شي السيد ميالة منطقيا من موقعو ومنصبو بيهدد المضاربين وبيتعوعدهم بالخسارة وبيترك السوق 6 اسابيع بدو اي تدخل وشكرا جزيلا

[أبو حسن]

حلب شراء 70.5 مبيع 71.25

[Bader Halab]

الملان اللي قالو الأخ عن شراء المونة عوض الدولار غير منطقي لاسباب عدة. اول شي انا ما ممكن امون باكتر من ١٠٠ الف هي واذا عظمت. تاني شي شو بدي ساوي بالمونة؟ بدي ارجع بيعا؟ انا كنت بدي حافظ على قيمة مدخراتي اللي كنت بدي اشتري فيا سيارة او مزرعة او بيت لولادي او اي شي. فبروح بشتري مونة ما ممكن اعمل قيا شي!
الاتجاه المنطقي هو العملات الصعبة او الذهب. واللي اشترى دولار او يورو معو حق مية بالمية! اخي فروض انو هو حاسب حساب يسافر لما بدو يدخل الجيش على مدينتو.. هداك الوقت شو بدو يساوي ب"المونة"!!!!

[Bader Halab]

بعدين اذا عبتقول انو الدهب ب ٢٢٢٥ وهلأ ب ٣٣٥٠ فهاد الكلام لما كان الدولار ب ٥٠ وهلأ ب ٧٠! يعني اللي اشترى هداك الوقت اكيد ربحان شو ما اشترى
وأصلا بحب الفت انتباهك انو الذهب بهديك الفترة كان غليان عالميا بسبب اليونان وكانت الاونصة فوق ال ١٧٠٠$ وهلق نزلت لل ١٦٦٠$ يعني لو بقيان سعر الدولا على ٥٠ كان خسر اللي اشترى الدهب بس ارتفاع سعر الدولار هو اللي غطى خسارتو

بقا الله يبارك بالشباب ويباركلون ويحمي الوطن

[alhamwi4invest]

اقتباس: المشاركة الأصلية كتبت بواسطة فراس السكري    هل لديك علما اخي من اشترى مونة خوفا من الغلاء الذي سيحصل ولم يركض لتبديل عملته بالدولار فقد استفاد ومن اشترى دهب ايضا استفاد وقد نصحكم الصاخرجي بهذا فلماذا ركضتم على الدولار فعلا لا اعرف السبب وفد اوضحنا انا واخوتكم باكثر من مقال وهذا كلامي لاقوله بان الدولار سينخفض ولن يطلع ابدا ولكن دوليا يهبط وعندنا تريدونها ان يستيقظ معادلة ليست صحيحة

يا زلمة ع هالحالة حتى المدافعين عن نزول الدولار وتدخل المركزي بقوة مو واثقين بالليرة
هي عم تنصحنا لا تخلي ليرة معك
بعدين أخي فراس أنت بتعرف اذا الشعب كلو اشترى بمدخراتو مونة شو بيصير
أو يلي اشترى دولار كإدخار بدله بمونة ( مواد غذائية ) أو دهب ممنوع استيراده
بتعرف شو بيصير ؟؟؟؟


بعدين انا شو بيهمني أو المواطن يلي دخلو وسط وأقل
شو بيهمو دولار ارتفع ام دولار نزل إذا كانت أسعار المونة والمواد الغذائية وباقي أسعار المواد الإستهلاكية مرتفعة 150 % سؤال برسم الإجابة ^^

[yosef]

قالت وزيرة الخارجية الأمريكية كلينتون إن الولايات المتحدة تبحث في كل الخيارات، ومن بينها مساعدة المعارضة السورية، وسنضغط خلال اجتماعات اسطنبول لتوحيد صفوف المعارضة السورية، مبينة أن اجتماعات اسطنبول ستبحث زيادة الضغط على دمشق عبر العقوبات.
المصدر : قناة العربية

بتوقع مفاجئات بهالفترة......

[Ahmad Hamdi AlSharif]

إخواني وأخواتي الاعزاء بالنسبة لسعر الدولار اليوم لايعبر إلا عن أمر واحد وهو العرض والطلب ولكن غدا هو اليوم الفاصل ...
غدا ننتظر ثلاث سيناريوهات سيتحقق واحد منها وسيحدد هذا الامر البنك المركزي فقط
السيناريو الاول : توقف المركزي عن الضخ ---> ارتفاع بشكل شاقولي لسعر الدولار أمام الليرة .
السيناريو الثاني : ضخ المركزي حسب سعر نشرة التدخل الحالية وهو 71 شراء 71.70 بيع + عمولة 0.002 أو تعديلها الى حد قريب منها --->استقرار سعر الصرف بين نقطتي ال70 و ال75
السيناريو الثالث : ضخ المركزي بسعر متدني دون ال70 ---> هبوط الدولار وكسر حاجز الدعم 70 وتحويله الى حاجز مقاومة.

[ملك]

اقتباس: المشاركة الأصلية كتبت بواسطة محمد قصاب باشي    السيد ملك والسيد ابو حسن حيرتونا

الاختلاف دلالة على ان السوق غير مستقر
صرافين يريدوا ان يرفعوا السعر وصرافين اخرين يريدوا ان يخفضوا السعر

[Ahmad Hamdi AlSharif]

طبعا بالنسبة لمشاركتي المسابقة هي تحليلي الشخصي ولا يعبر بأي شكل عن دعوة إلى الشراء أو البيع ولكن ......!
أنصح الجميع بأن يكونوا جاهزين غدا بإنتظار ترقب المركزي وأن يتخذوا قراراتهم بشكل علمي تحليلي وليس بشكل عاطفي وأن لا ينساقوا وراء شائعات يصدرها الاخرين لمصلحتهم الشخصية .
بالتوفيق للجميع ودمتم بود