سعر صرف الدولار مقابل الليرة 17-3-2012 بالسوق السوداء

[GoldMan$]

اللاذقية
بيع ٨٠ شراء ٧٧،٥٠

[محمد ابو علي]

نرجو من الاخوة الكرام أن ينقلوا حوارتهم (السياسية) الى صالة استراحة المضاربين حيث بإمكانهم الكلام والفضفضة
وبالخصوص ان اغلبها ليس له صلة مباشرة بهذا القسم
مع أحترامي لرأي الجميع
اللهم يا فارج الهم ويا كاشف الغم
إكشف ما حل بنا وإجعل عاقبة الامور خيرا
فإنك تعلم ولانعلم
وتقدر ولا نقدر

[الفهد السوري]

اقتباس: المشاركة الأصلية كتبت بواسطة ahmad hamdi alsharif    وهلأ لوين !!!!!!!!!!!!!!!!!!!!!!!!!!!!!! لإيمتا بدنا نضل هيك معارض ومؤيد واكل هوا و *** لك مو حرام عليكم ياعالم شو ذنب الناس اللي عم تموت هيك بسبب كم واحد الله لايوفقهم لك خربتوا البلد خربتوا الوطن لك هي سوريا بلدنا حرام عليكم حرام لسا كل يوم بشوف عالم شي بئلي انا مؤيد وشي بئلي انا معارض بس ماحدا عم يفكر يكون انا سوري وبدي بلدي اللي بحبها وبعشقها تكون آمنة ويكون اهلها عايشين بسلام وامان c111r الله لايوفق كل واحد عامل حاله مؤيد او معارض وعم يخرب بلدنا الله لايوفقهم يارب اذا بتحبنا خلصنا من الاثنين وخلينا نعيش مرتاحين ماعاد فينا نتحمل عم نشوف اهلنا عم يموتوا ونحنا ماعم نقدر نعمل شي وكل هذا بسبب ناس مافيهم رحمة عم يدوروا على مصالحهم وعم يقتلوا العالم الابرياء c111r

__________________________________________________ __________________________________________________ ________________
اخي الكريم ... قبل الثورة .. ازا بتتزكر ماكان في شي اسمومعارض .. كان للي بيعارض بيروح فورا على بيت خالتو ... ولهيك قامت الثورة .. لحتى يكون في رأي اخر الحكومة والنظام مابدون غير هنن يحكمو للابد وهاد الشي الشعب ماعاد يرضى فيه الشعب بدو حرية .. متل مصر وتونس واليمن وليبيا .. نحنا بشر بحقلنا نختار نظامنا .. ونحن الان نصنع حريتنا بدمنا وسينتصر الدم على النظام القاتل ................

[faisal30]

عندي 7700 دولار بدمشق بدي بيعهن على 88.5

[horizonvast]

حلب الساعة 2.45
شراء 78.5 - بيع 79
وفي رائحة توتر في الجو تؤدي لغلق الاسواق

[HoMeLeSs]

أهلين بالشباب

باين السوق طلوع نوعا ما اليوم

لأنو الاوضاع على الارض مبارح مش ولا بد
وسياسيّا الامور خربانة

[dr_hhazzouri]

استاذ محمد
أتمنى ان تكون مصادر أخباركم صادقة، فهناك جهات عديدة نفت صحة الخبر، بالتأكيد سشيكون هناك اصدار جديد للعملة، ولكن ان تكون المهلة محددة ب 3 أيام ، فإن هذا مستحيل، لو قلنا المهلة 3 أشهر أو ستة ممكنة، والقضية الثانية كل من يملك أكبر من 10 آلاف ليرة بحاجة لموافقة أمنية ؟؟؟؟؟؟؟؟؟ ، أيضا هذا خبر عاري عن الصحة، فلذلك حفاظا على المصداقية ، أعتقد يجب أن لاننشر دعايات غير قابلة للتطبيق على أرض الواقع.
في ظل الأوضاع الراهنة إذا أردت أن تسحب أو تودع مبلغ 500000 ل س لا أحد يسألك، ولاتحتاج لأي تصريح
أعتقد إن بث هكذا أخبار لن تخدم سوى تجار الأزمات، وأنا شخصيا قرأت خبر نفي فيبعض الصحف شبه الرسمية ، منها صحيفة بلدنا اليومية.
وما الدوامة التي يعيشها سوق القطع الاجنبي حاليا من صعود لسعر الصرف ومن ثم الهبوط ، في ظل ضبابية التعليمات المصرفية وتناقضها أحيانا ، إلا خير مثال على ذلك
هذه وجهة نظر شخصية أقدمها

[HoMeLeSs]

بالشام وعلى التلفون

حاكيت شركة الهرم من شوي
قال شراء 77 ليرة
ومبيع ما عندو قلتلو ليش ... قال مامعنا بدنا نجيب من البنك ... والبنك اليوم مسكّر...

والجاجة بدا بيضة والبيضة عند الحداد
والحداد مسكر بدو قمحة و الطاحونة مسكرة فيها المي معكّرة
ومن كمالة هالغنية الحلوة المعبرة عن الوضع الحالي

[HoMeLeSs]

شباب ماحدا فادنا بأديش الدهب اليوم عل مظبوط ؟

[emad dekelbab]

اقتباس: المشاركة الأصلية كتبت بواسطة homeless    شباب ماحدا فادنا بأديش الدهب اليوم عل مظبوط ؟

حسب موقع الاقتصادي :

عيار 21 (1 غرام) : 3621 ليرة سورية
عيار 18 (1 غرام) : 3085 ليرة سورية
الليرة الذهبية (عيار 22) : 30500 ليرة سورية
الليرة الذهبية (عيار 21) : 29200 ليرة سورية

يعني محسوب على دولار 78 تقريباً