أربعة بنات قتلى في جامعة دمشق - سوريا

[the king]

ما بعرف إذا حدى عندهعلم بالقصة يلي صارت بالمدينة الجامعية .
رح أحكيلكم عن هالحدث المأساوي يلي صار بالمدينة الجامعية بدمشق ، ويلي
تم التكتم على أحداثه من قبل وسائل الإعلام ، ليش ؟؟؟؟ الله أعلم .
تبدء أحداث القصة ، في غرفة أحد الطلاب الشباب في المدينة الجامعية ،
وكعادته كل مساء يجتمع هو ورفاقه ، لتبدء السهرة ،
ويعني لا أخفي عليكم ، سهرات هالشباب تختلف نوعاً ما عن السهرات
الأعتيادية ، المهم وبنص السهرة والشباب عم يلعبو شدة ،
وهاد يلي عم يدخن ، وهاد يلي عم يفصص بزر ، وهاد يلي عم يسمع المسجلة ،
وهاد يلي عم يحاكي حبيبته عالموبايل
وحوالي شي الساعة الثانية ليلاً ، ومن كلمة لكلمة ، بين الشباب يلي عم
يلعبو شدة ، وهاد يلي عم يقول أنت خسران ، والثاني بيقول لأ أنت خسران ،
قام راح واحد من الشباب ، وأخذ ورق الشدة ، ورمى به على المنور تبع
البناء ، قام عصب واحد من الشباب وقام تخانق هو والشب يلي رمى الورق، وعلقت
خناقة طويلة عريضة ،
قام شعر الحرس الجامعي ، وأمن الجامعة بوجود مشكلة وعلى الفور ، طلعو
عالغرفة يلي عم تصير فيها الخناقة ، وطلبو الهويات الجامعية ، وقعدو مشان يفهمو القصة وليش في خناقة ،
ومن سياق الحديث واحد من الشباب عم يقول للضابط : سيدي الله وكيلك
بسيطة ، الخناقة كلها كرمال لعبة شدة ،
قام قال الضابط ، وين الشدة ،
قال الشب رميتها عالمنور
الضابط عالمنور مو هيك ، مممممممممم هلق منشوف
بيقوم بيطلب الضابط من العناصر يلي معه أنه ينزلو عالمنور ، ويتأكدو من
القصة.
بينزلو العناصر عالمنور ، وأول ما بيوصلوعالمنور ، يقفوا مذهولين من
>هول المشهد ...... مشهد تقشعر منه الأبدان

>> .

>> .

>> .

.

جريمة لا تغتفر . أربع بنات قتلى



أربع بنات ، يبدو أنهم قتلو جراء السقوط من مكان عالي .....

>> .

>> .


>>أربع بنات

* بنت الكبة
* بنت البستون
* بنت الدينار
* بنت السبات

[iass]

بتعرف أنك رعبتني وخليتني عصب وخصوصا أنو الصفحة أخدت وقت لطلع الموضوع

[سمير]

قصة مزعجة
ما الها غير الازعاج
سامحني ياكينغ لأنو انزعجت من قراءة هالقصة
الظاهر أنك جايب معك عدة قصص ع هالشاكلة
إذا في قصص غيرها أتمنى ألا أقرأها .

[د.وائل نحاس]

أنا بتصور أنو في 8 قتلى اخرين 4 منون شباب و 4 الاخرين ختايرة
بس ملعوبة منك

[the king]

انا رويت القصة متل ما اجتني عالايميل
سامحوني عالغلاظة
هههه