صالون سيرياستوكس ليومي الخميس والجمعة 2 & 3 - 2- 2012

[لقماان]

اقتباس: المشاركة الأصلية كتبت بواسطة tareq    أخ لقمان . انا عم انزل عل الشام كل 20 يوم وبقعد اسبوع بس. يعني بيتي عم يصفر وفاضي اغلب الأيام. عم فكر ابعتلك سيارة تنزلكون لعنا وباعتبار مرتي حلبية اعتبرها تبادل لخبرات الطبخ الشامس والحلبي والحمصي. رجاء خاص كرمال عيون الأولاد تقبل طلبي انا نازل يوم الأحد انشاء الله من الصحرا على الشام بتامل كون ضيفكون ببيتك بالشام.

الله يبارك فيك يا أخي طارق و الله غمرتني بلطفك .....
لساتني في حمص في عندي بقايا سيارة ..
و بيجوز قريبا تروح من ايدي كمان ...
المشكلة أخي طارق ما بالسيارة المشكلة بالنزلة من البناية و معي الولاد ....
و بعدين أنا بطبيعتي ما بحب ارمي تئلي على حدن ما بئدر سبحان الله هيك الله خلقني ...
بس كتير بفرح بكلمات المحبة الصادقة.....
و مشان الأكل هللأ أبو معاذ آل انو طبخ أم معاذ طيب ...الله يتم عليه ........
و انتي طلبت تبادل الخبرات بين العائلتين في مجال الطبخ ..
و باعتبارك غالي علي ..بؤلك ما بدك ياها يعني بلا ما تاخدوا خبرة أم حكيم بالط....
أكتر من هيك ما فيني وضح ..
بعدين بنام بالشارع .............
و بصير أطيب طبخة ...بنيران المسلحين..

[رندة]

اقتباس: المشاركة الأصلية كتبت بواسطة لقماان    على فكرة مدام كتير سعيد (يعني أنا فرحان مو أخونا سعيد بس ما يطلع حدن بالمنتدى اسموا فرحان ...) كتير سعيد بتوقيت اختيارك ذكر المدن و البلدات السورية الأصيلة و التي تغنينا بمعلومات عنها ... توقيتك كتير حلو و كتير هام .......... و المعنى في قلب الشاعر ..........

شكراُ لك أبو حكيم
نعتز بكل مدننا وقرانا السورية الموغلة في العراقة والقدم
تحية الى كل ربوع سوريا حبيبتنا

يفاجئني كم المعلومات الذي نجهله عن بلدنا وعلمائنا ومفكرينا

[رندة]

اقتباس: المشاركة الأصلية كتبت بواسطة غسان    عندما تجد أن رأيك كان خاطئا في مسألة أو مشكلة معينة فهل تكون مستعدا للاعتراف بالخطأ وربما الاعتذار؟؟ ام تحاول ايجاد التبريرات لنفسك والالتفاف على الحقيقة ؟؟ هذه المحاولة قد تكون مقصودة او قد تكون لاشعورية عندما لايريد هذا الانسان الاعتراف بالخطأ حتى لو كان هذا الاعتراف لنفسه فقط

شكراً ابو يزن
مراجعة الذات فكرة نبيلة
لو كل انسان اعترف بخطأه كنا وين صرنا؟؟؟
حتى لو حط كل مخطئ مبررات مومشكلة المهم الرجوع عن الخطأ وعدم الاستمرار
فيه

[لقماان]

اقتباس: المشاركة الأصلية كتبت بواسطة sommmmy    السلام عليك اخي لقمان لك تهانيّ ومباركتي بعضويه التميز بس والله العظيم لم انتبه بسبب عدم دخولي للمنتدى باليومين السابقين الا قليلا ولم انتبه وانت مميز على طول ابو حكيم لك مباركتي الحاره وكل شي الا الشنكليش ابوحكيم باشا

أخي سومي
لا شنكليش بعد اليوم
لا شنكليش بعد اليوم
و لا شنكليش مدى الحياة .....
(باينتوا اندمجنا متل الرئيس التونسي السابق..........)
و مباركتك ما بتصير حارة الا ما تنكتب جوات الموضوع نفسوا ......
يعني بروكرنا رامي معودنا على الترتيب هون بالمنتدى ....
يعني كل شي بمحلوا...
و بيضرب بيد من حديد لكل متجاوز ...
(بس أنا أخدت استثناء و حطيت الشكوى عليك هون مو بقسم الشكاوي ..باعتبار صار في مفاوضات بيني و بين الأخ رامي على موضوع خطف سعيد .......).......
فدير بالك أخي سومي من ما تاكلك ضربة بيد من حديد من الزعيم بروكر .......

[رندة]

لا تيأس، فعادة ما يكون آخر مفتاح في مجموعة المفاتيح هو المناسب لفتح الباب.
نورمان فينسنت بيل

[sommmmy]

اقتباس: المشاركة الأصلية كتبت بواسطة لقماان    أخي سومي لا شنكليش بعد اليوم لا شنكليش بعد اليوم و لا شنكليش مدى الحياة ..... (باينتوا اندمجنا متل الرئيس التونسي السابق..........) و مباركتك ما بتصير حارة الا ما تنكتب جوات الموضوع نفسوا ...... يعني بروكرنا رامي معودنا على الترتيب هون بالمنتدى .... يعني كل شي بمحلوا... و بيضرب بيد من حديد لكل متجاوز ... (بس أنا أخدت استثناء و حطيت الشكوى عليك هون مو بقسم الشكاوي ..باعتبار صار في مفاوضات بيني و بين الأخ رامي على موضوع خطف سعيد .......)....... فدير بالك أخي سومي من ما تاكلك ضربة بيد من حديد من الزعيم بروكر .......

ممكن رابط الموضوع اخي لقمان

[رندة]

أمتال حموية

-قالوا للديك صيح . قال لهم كل شيء بوقته منيح
-قالوا للحماية ما كنتي كنة , قالت لهم , كنت ونسيت
-دان من طين , ودان من عجين
-قالوا لها أومي اطبخي ,قالت مريضة ,قالوا لها قومي كلي ,قالت وين
-معلقتي العريضة
-داب التلج ,وبان المرج
-صار ينط ما يحط
-قلبي على ولدي , وقلب ولدي عالحجر
-الدم ما بيصير مي
-متل حية التبن , بتقرص وبتتخبى
-متل حمام مقطوعة ميتها
-صاحب صنعة , أحسن من صاحب قلعة
-مرت الأب ما بتنحب
-صفي النيه ونام بالبرية
-الديك الفصيح من البيضة بيصيح
-مكرسح قال لمكرسح , مشي لنتفسح
-المي والنار, ولا حماتي بالدار
-من برا هالله هالله , ومن جوا يعلم الله
-الولد اللي ما بيبكي , ما بترضعه أمه

[رندة]

المغطوط
- (2)كيلو حليب غير مغلي
2-خبز مشروح متوسط الحجم
3-(2)معلق سكر أو عسل

التحضير :
يوضع الحليب الغير مغلي في صنيتان ويتركان في مكان بارد من المساء حتى الصباح
ثم يوضع الخبز على وجه الصنية حتى يحمل الخبز كل قشطة الحليب الموجود على الوجه
ثم يوضع في صنية التقديم ويضافاليه السكر أو العسل حسب الرغبة

[مجد]

اقتباس: المشاركة الأصلية كتبت بواسطة لقماان    و الله يا أبو طارق ماعمأسترجي نزل الولاد و المدام على الشارع مشان نفركا .... بتصدق هالشي ....... أم حكيم و الولاد اخطيطون الون من بعد عطلة عيد الأضحى من وأت رجعوا على حمص على أساس هديت الأمور ..... ما شافوا باب البناية .... بمعنى الكلمة ..........

كثير من اقاربنا بريف دمشق نزلوا للشام ويمكن مابيصير عندهم 10 بالمئة مما يصير بحمص .

[saeed]

اقتباس: المشاركة الأصلية كتبت بواسطة لقماان    أخي سومي لا شنكليش بعد اليوم لا شنكليش بعد اليوم و لا شنكليش مدى الحياة ..... (باينتوا اندمجنا متل الرئيس التونسي السابق..........) و مباركتك ما بتصير حارة الا ما تنكتب جوات الموضوع نفسوا ...... يعني بروكرنا رامي معودنا على الترتيب هون بالمنتدى .... يعني كل شي بمحلوا... و بيضرب بيد من حديد لكل متجاوز ... (بس أنا أخدت استثناء و حطيت الشكوى عليك هون مو بقسم الشكاوي ..باعتبار صار في مفاوضات بيني و بين الأخ رامي على موضوع خطف سعيد .......)....... فدير بالك أخي سومي من ما تاكلك ضربة بيد من حديد من الزعيم بروكر .......

عاجل .. ( جزيرة سيريا ستوكس )

أنباء على اتفاق نهائي .. حول المفاوضات بشأن موضوع الخطف ...
حسب مصادر مطلعة .. ( سربت خطة الخطف على النحو التالي )
والتي تنص على ان يتم الخطف بالنزول من حمص إلى الشام ...
بتمويه .. وذلك بالنزول مع الأسرة الكريمة للخاطف ...
إلى بيت المخطوف ... باستضافة مفتوحة ...
وبذلك ( يعتبر تجاوزاً ) الخاطف قد خطف المخطوف

أهلا وسهلا بالخاطف ....
دمشق وأهل سيريا ستوكس ترحب بك ..
يا هيك الخاطفين يا بلا