المشاركة الأصلية كتبت بواسطة salam

مشكورين على تفاعلكم. انا هدفي الأول الاستثمار ومع القليل من المضاربة بمبلغ هو بالاساس لا يلزمني حاليا وهو عبارة عن اقساط اسهم تانية لم يحن وقت سدادها. الاهلية للنقل صحيح ارباحها جيدة لكن هلق اذا استثمرت النقود باكتتاب وكان سعر السهم 500 على المدى الطويل بظن اني رح اربح اكتر من بقائي سنة كاملة بالنقل واساسا انا شاريته بسعر فوق ال 1250. مابظن في ولا سهم حاليا داخل السوق له مستقبل اكبر من الاسهم خارج السوق ولذلك الاستثمار في نظري لازم يكون ضمن اكتتابات حصرا او شراء اسهم قبل دخولها في السوق.

برجع للمبلغ الموجود في السوق. هدفي منه هو تحقيق ربح خلال اشهر قليلة واكتساب خبرة مشان اقدر بالمستقبل احتفظ باسهمي الاستثمارية مع زيادة عددها عند وجود فرص مضمونة. المهم هلق انو النقل والزيوت أما بدهن صبر طويل او شخص محترف جدا. انا لو كانت عندي خبرة كافية كنت حققت منهن ارباح جيدة بالفترة الاخيرة بدال مالي هلق رجعت لنقطة الصفر تقريبا. أما الوضع بالاسلامي فمختلف. يعني نظرا لسرعة صعوده وهبوطه الخسائر في حال حدوثها بتتعوض بوقت قليل نسبيا. يعني السهم طلع تقريبا باخر 3 او 4 شهور حوالي 20% يعني بلا مؤاخده لو اجى واحد غبي مابيفهم شي وفات اشترى على عماها بدون اي تحليل كان هلق ربح 20%!!

وطبعا بيبقى احتمال انو يتغير الوضع مع الاسلامي بعد فترة ونتقص شعبية السهم وبالتالي خطورته بتزداد لكن حاليا رح جرب حظي معه والتجربة هي الحكم. رح انتظر الفرصة المناسبة لبيع النقل والزيوت بربح بسيط والباقي على الله

المشاركة الأصلية كتبت بواسطة broker