|
||||||
| استراحة المضاربين بعد قضاء .. فترة التداول والمضاربات .. لنسترح قليلا .. هنا .. ونتكلم .. ونتناقش سوياً .. |
 |
|
|
أدوات الموضوع |
29-09-2011, 01:14 AM
|
#1 |
|
عضوية مميزة
شكراً: 18,885
تم شكره 22,038 مرة في 4,797 مشاركة
|
كيف بدك مديرك العنيد يزودلك راتبك ؟؟؟
بروح بكير على شغلي و بدخل المكتب وبروح تأفتح باب البلكون و بس حرك البرداية شوي بتبلش العصافير برفع صوت زءزءتا ... و كأنا عمتألي صباح الخير صباح الدرة ............... صباح الحنطة و الماي .......... بكمش شوية حنطة أو درا بيضا من الكيس يلي عندي بالمكتب و بحطلون ياهون على حرف البرندا و بغيرلون المي لأنو بتعرفوا بعد الأكل لازم الواحد يشرب شاي بس العصافير ما بتشري الا الماي ........... المهم هيك كل يوم بؤول يارب في كل كبد رطبة أجر .................... كل يوم على هالحال حتى صار في شوية ونس بيني و بين العصافير و ما بتخاف مني كتير بس وأت بكون لحالي ...... المهم مالكون بالطويل الأصير أحلى.....؟؟؟ اليوم المدير العام زودلي الراتب ..... طبعا زودلي الراتب بعد ما يئست خلاص انو ماراح يزود لأنو ما تركت وسيلة و لا طريقة و أنا عمحاول أقنعوا مشان يزيد راتبي ما كان يقتنع .... سبحان الله تؤول اجا العناد و كأنو فيو عرء كردي .......... يعني حاولت بكل الطرق السلمية و حتى لوحت باستعمال الأسلحة المحرمة دوليا و الله و لا كأنو حكيت شي ................... لأنو بيعرفني ألبي طيب و الأهم من هيك ما بصخا فيو لأني بالفعل بحبو بحياتكون شفتوا موظف بيحبوا لمديروا يلي ما بيزودلوا الراتب ...سبحان الله أنا لأنو هو بالفعل بينحب ووائف معي بأيام الأزمات متل أخي و أكتر ......... المهم اليوم و نحن عمنجهز للرواتب مشان نأبض العمال بكرة تفاجئت انو عاملي زيادة بالراتب 2000ليرة صحيح هنن دون الطموح لأنو ابن آدم طماع بس و الله فرحت فيون و تفاجئت كمان لأنو آخر مطالبة مني بالزيادة انتهت انو زعلت منو ...... و صرت احرموا من طلتي البهية و ما أحكي معو الا للضرورة.....آل أخدت موقف (بالمناسبة هو مدير و من كبار الملاك بس أخلاؤو كتير عالية بس راسو كردي ) المهم أعدت فكر انو شلون هيك زودلي... فجأة في شي هزني من جوا و تذكرت شغلة صارت معي بأول هالجمعة ........... شفت شوية عصافير عمتحوص ادام البرندا أمت حطيطلون شوية حنطة بعد شوي رجعوا امت حطيطلون كما هيك حتى خلص الكيس كلوا ........... بعد شوي حسيت في عصفور عميحوص حوالين البرندا............. و كأنوا عميؤول أنا راح موت من الجوع .. ضربت ايدي على كيس الحنطة لائيتوا فاضي .....أمت ألبتوا للكيس طلع فاضي.... أنا و عمكبوا بالسلة وئعت منو حبة حنطة وحدة ......حبة حنطة وحدة وئعت بالسلة ما بعرف ليش وأتا تذكرت الآية الكريمة يلي بما في معناها : أن ما من حبة من خردل في السموات و الأرض الا و يعلمها الله و تذكرت أنه يعرف دبيب النملة السوداء على الصخرة الصماء في الليلة الظلماء...... و صرت حكي حالي هللأ اذا لائيتا لالحبة و حطيتا و أكل منا شي هالعصفور أديش بتكون منيحة لألوا و أديش بيجيني ثواب من رب العالمين ........... ما بعرف ليش هالحبة بالذات أخدت مني هالمنحى بالتفكير مع أنو بالأيام البائية بيوءع كتير من الحب و ما بنتبهلون كتير ...... المهم ألت يارب بعرف انو ما راح تضيعلي شي حتى و لو كان شي صغير ممكن يكون عندك كبير ........ المهم مسكتلكون هالسلة و دحشت ايدي فيا و طالعت كل شي فيا و صرت بحبش تؤول عمدور على صندوق الكنز و ضليت مدة طويلة من الوأت و أنا عمبحبش و دور و أنا مصر انو لائيا و في عندي احساس داخلي عميؤول بدك تلائيا للحبة و بدو ياكلا هالعصفور و بدو يدعيلك و كل ما يفوت حدن على المكتب جلس حالي و عبي مركزي متل ما بيؤولوا ............. و بعد ما يطلع اهجم رد على السلة بكل جدية و اصرار.......... المهم بعد جهد جهيد لائيتا لحبة الحنطة مسكتا هيك بايدي تؤول ماسك شي ألماسة و بكل حنية حطيتا على حرف البلكون و ألت يا رب أؤجرني بكرمك عليها لا بعددها عند عصافيرك و لا بقيمة العمل بالمقياس المادي الدنيوي ........... فتت من على البرندا و اجا رأسن العصفور و أكلا واجت عيني بعينوا و حسيتوا عميتفرج علي و هو عميبتسم كانت نظرتوا سبحان الله حلوة و مميزة (أو أنا هيك تخيلت ) كان كأنوا عميدعيلي و يؤول روح الله يجزيك الخير أضعاف مضاعفة.............. ما بعرف كتير انبسطت وأتا و ألت الحمد لله يلي دلني على طريق فيو خير ...... و راحت الشغلة كام يوم ............ و بعدا زودلي المدير العام راتبي........... شفتوا كيف بيزود الواحد راتبوا ........ |
|
|
|
29-09-2011, 08:44 AM
|
#3 | |||||||||||||||||||||||||||||||||||||||||||||||||||||||||||||||||||||
|
عضوية مميزة
شكراً: 18,885
تم شكره 22,038 مرة في 4,797 مشاركة
|
رد: كيف بدك مديرك العنيد يزودلك راتبك ؟؟؟
الله يبارك فيك ................. عاملين اللقاء من بعد الساعة 4المسا يعني الشغلة بدا سفر بعد الضهر و الرجعة بالليل أو النومة بالشام و هدول التنتين ما بيظبطوا بهالوقت ............... و الأهم انو تاني يوم عندي فحص اللغة الانكليزية تبع الدراسات العليا يلي ما درستلوا و لا حرف لهللأ.................بس لازم أدم الفحص حتى لو عرفان النتيجة مسبقا ........... فقلوبنا و قلوبب كل الحماصنة معكون انتوا أهل اللقاء والله يبارك فيك و شكرا الك على مباركتك لزيادة راتبي يلي شايفلك انك حابب تشفطلي ياها ............... و تجير هالانتصار لصالحك..... التلك ألفين ليرة الزيادة مو عشرين ألف............. أبو حازم ألفين سوري مو ألفين دولار الله يتم عليك .............. . التعديل الأخير تم بواسطة لقماان ; 29-09-2011 الساعة 09:00 AM. |
|||||||||||||||||||||||||||||||||||||||||||||||||||||||||||||||||||||
|
|
|
|
29-09-2011, 09:36 AM
|
#4 |
|
عضو متابع
شكراً: 173
تم شكره 789 مرة في 360 مشاركة
|
رد: كيف بدك مديرك العنيد يزودلك راتبك ؟؟؟
يا أبو حكيم 2000 سوري متلون متل ال 2000 دولار اذا مطروحة فيهون البركة فلا تخاف ما بينشفطوا اذا عزمة الشباب يمكن يدعوللك الشباب نفس دعوة العصفور بعد العزيمة و يروح المدير مزودللك راتب شوف بقى اديه رح يزيد اذا عصفور زاد عليه راتبك 2000 فشلة شباب و صبايا متل الورد حسبها انت و شوف |
|
|
|
|
29-09-2011, 01:43 PM
|
#5 | |||||||||||||||||||||||
|
عضوية مميزة
شكراً: 18,885
تم شكره 22,038 مرة في 4,797 مشاركة
|
رد: كيف بدك مديرك العنيد يزودلك راتبك ؟؟؟
الله يبارك فيك أخي أبو تيم أنا متنازل لألك على العزيمة مشان الله يباركلك اخطيتك حاجة شنططة و سفر |
|||||||||||||||||||||||
|
|
|
|
29-09-2011, 04:08 PM
|
#6 | |||||||||||||||||||||||
|
عضو متابع
شكراً: 173
تم شكره 789 مرة في 360 مشاركة
|
رد: كيف بدك مديرك العنيد يزودلك راتبك ؟؟؟
كبير يا ابو حكيم و انت ع راس قائمة المعزومين |
|||||||||||||||||||||||
|
|
|
|
| أدوات الموضوع | |
|
|
