حاكم مصرف سورية يدعو السوريين لعدم تناول البسكويت وشد الأحزمة

[وائل77]

في حالة مماثلة لم يسمح بسحب الحوالة بالدولار وانما بالليرة السورية

[manar]

اللهم فرج عنا
و اصرف عنا كيد الكفار
الذين اضرو بسوريا هذا الضرر

[مجد]

(كيدالمتآمرين)آآآآآآآآآآآآآآآآآآآآآآآآآآآآآآآآآآآآآآآآآآآمين

[ابو تيم]

اقتباس: المشاركة الأصلية كتبت بواسطة tareq    شباب لدي حساب بالدولار في احد المصارف في سوريا وهو مغذى بحوالات من الخارج. هل يعني ايقاف التعامل بالدولار انني لا تستطيع تحويل اي مبلغ للخارج او لا استطيع السحب منه بالدولار. الرجاء من الأخوة اصحاب الخبرة الإفادة.

و الله بالنسبة لحساب بالبنك ما عندي فكرة بس أنا بعرف أنوا اي حوالة من الخارج عن طريق الصرافة و ليست بنكية تكون بالدولار و يمكن للمستلم استلام النقود بالدولار بس بيدفع 5 دولار على كل 1000 دولار او بيستلم بالليرة السورية بسعر نشرة البنك المركزي.

[رائد]

اقتباس: المشاركة الأصلية كتبت بواسطة Salam    انا شايفته تصريح مرعب بصراحة

لا مرعب ولا شي احترنا يا أقرع من وين بدنا نمشطك لما بيطلع مسؤول بيعمل البحر طحينة منشل عرضه لما بيطلع كذاب ، ولنا في سوق دمشق ، والدردري ، وسواهم ، أمثلة ...
- الرجال مابدو يعمل هيك عبيصارح شعبه متل أي طبيب بيصارح طبيبه بالمرض كأول خطوة للشفاء منه بإذن الله هو لا يبالغ في التشاؤم ولا يبالغ بالتفاؤل يعني وإذا قال علينا أن نأكل البسكويت مافي أي مشكلة يكتر خيره شوية تقشف وسياسة ترشيد بيمشي الحال لليوم في ناس لاحقة آخر موديل جوّال وإكسسوارات و مافي محل تصف سيارتك قدام المطاعم والمنتزهات على حساب الأكل والشرب والحاجات الأساسية من دقيق وخبز وسكر ليش مامنفكر برفع الضريبة على السلع السوبر كمالية لصالح السلع الأساسية ؟؟؟؟؟ بشكل عام لا أعتقد في سوريا حدا بيموت من الجوع وإن خليت خربت فلا حدا يعتبر تصريحات الحاكم كارثة وخلص فرطنا ماحدا بيموت ناقص عمر ولا أجل ولا رزق المهم التوكل على الله ببذل الاسباب وبعدا الرزق بيوصل وين ماكان ليش القلق بعد هالتوكّل الصحيح ماعمبعرف إن من وضع العقوبات تلك بيعرف تمام المعرفة أنه يضرب رزق الشعب لأنه ( أفلس سياسياً وغير سياسياً ) ومابقى له مجال للضغط على الحكومة إلا من خلال تأليب الشعب بتجويعه قليلاً تحت ذريعة " حقوق الإنسان والحرّية" التي يخرجوها من الثلاجة وقتما يشاؤون ويرشوها على الدول ثم يعيدوها لنفس الثلاجة وقت انتهاء الحاجة لها..