غسان

بنك الأمان يستعد لطرح أســهمه للاكتتـاب العــام
( السبت 2011/09/03 SyriaNow)
أكدت هيئة الأوراق المالية أن مصرف الأمان يستعد لطرح جزء من رأسماله على الاكتتاب العام للجمهور قريباً.
يذكر في هذا الاتجاه أن مجلس الوزراء وافق مؤخراً على الترخيص بتأسيس مصرف خاص على شكل شركة مساهمة سورية باسم مصرف الأمان ورأسماله مليار ونصف ليرة سورية ومقسمة على ثلاثة ملايين سهم قيمة السهم الواحد 500 ليرة سورية.‏

ويساهم في المصرف من الشخصيات الاعتبارية غير السورية بنك صادرات ايران وبنك ايران طهران بنسبة 25٪ وشركة غدير للاستثمارات وشركة ايران طهران بنسبة 16٪ من رأس المال وشركة سابيا وشركة ايرانية طهران بنسبة 8٪ من رأس المال على أن تطرح بقية نسب رأس المال على الاكتتاب العام.‏

فراس السكري

ماشاء الله شو كثرت الاكتتابات
من كثرها ماعاد لحقنا
مو لحتى يخلص الاكتتاب بسوق دمشق على الاسهم القديمة بعدين بنفكر بالجديد

__________________
• للرجل العظيم قلبان : قلب يتألم و قلب يتأمل .

Salam L

نفسي ومنى عيني يفشل الاكتتاب فشل ذريع....

مو مشان شي.. بس حتى الهيئة تتكركب ويطلع الخبر انو فشل الاكتتاب... بركي بيقرروا يزيدوا سرعة السلحفاة شوي صغيرة

__________________

Ahmadhsn

مين اللي بدو سيشتري ببنك جديد وبالقيمة الاسمية ...
بينما يستطيع الشراء ببنوك قديمة وكبيرة ورابحة باقل من قيمتها الاسمية ؟؟

__________________

ابو تيم

الاكتتاب فاشل الا اذا ارادو له النجاح

هلق متوقعين يلموا من الاكتتاب 765 مليون ليرة من هالبشر ليش بقيان هيك مبلغ بالسوق او الناس مستعدة تجمد هيك مبلغ كذا سنة

الي براسوا عقل بيروح بيشتري ببنك سورية الدولي الاسلامي بمبلغ يكاد يكون معادلا القيمة الاسمية و اول السنة بقبض ارباحوا

و في شي تاني البنك يا جماعة ايراني يعني البنك رح يكون مدعوم هلق بس بعدين هل سيبقى كذلك و اذا صار ما صار ممكن ينقلب حالوا 180 درجة* و اللبيب من الاشارة يفهمو

__________________

العربي

أنا أعتقد الاكتتاب سيفشل ليس لأن رأس المال جيان بل لأنه عاقل , فالعاقل يعرف أن الفرص المتاحة في السوق افضل بكتير .

__________________

ابو تيم

ممكن ينجح و انا بقللك ليش

لان ممكن يكون في توجيهات لبعض النقابات او البنوك الحكومية لاستثمار جزء من اموالها فيه و بالتالي سيتم تغطية نسبة الشخصيات الاعتبارية بالكامل

بالنسبة لاكتتاب الافراد او الاشخاص الطبيعيين رح يكون عدد المكتتبين قليل جدا و لكن سيكون هناك هوامير لديها مئات الملايين من الليرات صعب تدخل فيها عالبورصة لان لبين ما يلم شي ٢ او ٣ بالمية من اسهم البنك بكون البنك سعروا ولع لهيك بيفكروا يدخلوا بهيك اكتتابات

العبرة بنهاية الاكتتاب كم سيكون عدد المساهمين ؟؟؟؟؟؟؟؟

__________________

ابو تيم

في مفارقة غريبة بهالاكتتاب راس مال البنك حاليا مليار و نصف و البنك اسلامي شانها شان كل البنوك الايرانية

يعني بيلحق يرفعوا لل ١٥ مليار ضمن مهلة البنك المركزي

__________________

البلخي

عم فكر اشتري سهم واحد
حتى مايضل بنفسي

غسان

بتوقع ينجح الاكتتاب لانو بنك الامان الايراني
له زبائن كثر عندنا ....ولن يدعوه يفشل