اشارات تعجب لدى مضارب بالأسهم السورية - الأسهم السورية ( المضارب السوري)

28-11-2014, 09:27 AM

Romeo

عضو متابع

تاريخ التسجيل: May 2012

الدولة: سوريا

المشاركات: 484

شكراً: 137

تم شكره 480 مرة في 251 مشاركة

اشارات تعجب لدى مضارب بالأسهم السورية

عندي استفسارات كتيرة وبشوف انو لازم نلاقي الها اجابات وخلوني احكي بالعامية :
1- الموضوع الأول : أنا حامل سهم بركة من أول يوم تأسس فيو البنك ولهاد اليوم وكان عندي أمل بدخول السهم للبورصة بعد جهد جهيد بإرتفاع سعر السهم لسعرو المنطقي لكن يلي صاير العكس.
أليس من حق حاملي السهم بالحصول على تعويض ولو صغير يعوضلهون خسارتهون بسعر السهم
يعني بآخر ميزانية نزلت للبنك السعر الدفتري للسهم 203 ل.س
طيب وين الإدارة توزع أرباح نقدية أو اسهم عينية للمساهمين يعني الأرباح صرلها 3 سنين عم تتجمع وبعدين لإيمتى بدنا نصبر أنا كوني اقتصادي وبعرف بسياسات المصارف ماعم قول توزع كل الأرباح توزع جزء بس والباقي احتياطيات لهبوط قيمة العملة أو استثمارات جديدة .
بس هاد التوزيع كتيير بيدعم السعر السوقي للسهم وبنشط حركة السهم ويعوض الكثيرين بجزء من حقهون بالأخير.
النقطة المهمة إنو الإدارة اشارات تعجب مضارب بالأسهم السورية

ماهاممها حاملي الأسهم يلي بالأخير هنن صحاب البنك الفعليين.
الموضوع الثاني: هو استكمال للموضوع الأول الهم هاد عند كل المضاربين بمختلف أسهم البنوك وبعدين يعني لإيمتى بدو يبقى مافي توزيع للأرباح .
أنا شايف في مؤامرة من إدارات جميع البنوك اشارات تعجب مضارب بالأسهم السورية

ضدنا نحن صغار المضاربين يلي فعلياً فلسنا ومضطرين بالأخير نبيع اسهمنا بأقل الأسعار للحيتان يلي هنن بالأصل بإدارات هي البنوك وهنن وأنا والكل عرفانين انو هاد مانو السعر العادل للأسهم وانو بمجرد تحسن الأوضاع ٌ السعر العادل والمنطقي لأي سهم هو 300 ل.س طبعاً بتكون راحت علينا وإذا بدنا نشتري بسعر عالي جداً
هي إذا بقي أصلاً معنا مصاري نشتري اشارات تعجب مضارب بالأسهم السورية

الموضوع الثالث : هو إدارة سوق دمشق لازم إما تجبر الشركات على توزيع الأرباح أو تحط سعر عادل للأسهم وترفع سعرها السوقي.
كل سهم بالسوق تقريباً بنص سعرو الدفتري وشوفو الميزانيات واتأكدو.
الموضوع الرابع : الحكومة وينها وين الصندوق السيادي يلي سمعنا فيو من عصر أرسطو وأفلاطون يعني سمعنا وتأملنا وصبرنا وبعدين يعني هم الحكومة الوحيد هو سعر الدولار يلي أصلا وهييك ماع تقدر تضبطو اشارات تعجب مضارب بالأسهم السورية

بس في مكان تاني عم يصيير فيو مضاربة وتشلييح مصاري هييك وبالعلن ومافي حدا ينتبه للموضوع اشارات تعجب مضارب بالأسهم السورية

مثلاً سهم بركة من أول يوم تداول ارتفع بعدين حووت ما كل يوم بيشتري 2500 سهم حصريا موزع مصاري أقسام وكل يوم بنزل بالسعر لوقت ماييوصل السعر السوقي لسعر هو مخطط الو 100 ليرة الله وأعلم بعدين بيهبش الهبشة الكبيرة وبيشتريلو 50 ألف سهم وطبعاً المضاربين الصغار يلي متلي مافي أكتر منهون ملو بدهن يخلصو وهو المنقذ والمخلص بيشتري ماعندو مشكلة.
طيب يلا ياحكومة هي الخطة قلتلك عليها تفضلي تصرفي مع هدول يلي عم يمتصو عرقنا وشقانا لسنين عم يسرقو أحلامنا مننا ونحن عم نتفرج ومو طالع بإيدنا شي.
أنا آسف طولت عليكون كتيييير بس والله مابقا اتحمل رايح طق
وأكييد كتييرين متلي اشارات تعجب مضارب بالأسهم السورية

__________________

معاً نبني نهضة بلادنا

الأعضاء الذين قالوا شكراً لـ Romeo على المشاركة المفيدة:

عابر مجيب (28-11-2014)

28-11-2014, 11:43 AM

عابر مجيب

عضوية مميزة

تاريخ التسجيل: Apr 2009

المشاركات: 4,860

شكراً: 67,497

تم شكره 35,134 مرة في 4,783 مشاركة

رد: اشارات تعجب لدى مضارب بالأسهم السورية

يسعد صباحك يا روميو ، انت مختار اسم رومنسي ، بس روميو اليوم لو رجعت فيه الأيام ، كان بحث عن جولييت غنيه ودارسة وموظفة وست بيت وبتعطيه كل راتبها بأول الشهر ، بتروح على شغلها مشي ، وبترقع بنطلوها ، وبس يخرب سحابو بتثبتو بشكالة ، هاد إذا ما خرزتو بالخرازة . وبيتغالظ عليها ويا بحبها يا لأ .

بنرجع لموضوعك
ما في شك انك متعلم وبتفهم بالاقتصاد ، بس في شغلات ما بيعطونا ياها بالتعليم التقليدي ، لذلك المحامي بيتخرج بعد ما يدرس بالجامعة وبيتعلم القانون عالمسطرة بعدين بيتدرب عند محامي وبينسى اللي درسو وبيتعلم المحاماة الحقيقية .
لأضربلك مثال متل عادتي بتبسيط الفكرة
واحد صاحب مصلحة ، عنده موظف ، بيوصيه يسرق الزبائن قد ما بيقدر ، وهو بيقعد حباب ولطيف وسلال من تحت لتحت .
الزبون على بساطته بس يتبين أنه مغبون (وهاد نادر) ، بيرجع لصاحب المصلحة الأكابري وبيشتكي على الموظف ، بيستغرب صاحبنا وبيبهدل الموظف وبيطلع ببياض الوش وبيخفف السرقة لنسبة 50% وبيلاقيها الزبون نعمة وبيفرح . طبعا صاحبنا بيضحك بعبو ، والموظف بيفرح لأنو صحيح أكل البهدلة بس ترسخت مكانتو عند صاحب الشغل وضمن الترقية .

« اسهم بنك البركة للبيع بالمزاد العلني | طريقة الاستثمار في بورصة دمشق dse »

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML متاحة قوانين المنتدى

الانتقال السريع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بغية إطلاق المؤجل دراسياً الكترونياً وخدمة لآلاف الطلبة	ابراهيم طاهر	استراحة المضاربين	3	20-05-2012 01:18 PM
هل أتاجر بالأسهم السورية ؟؟!!	BROKER	الاسهم السورية	44	25-02-2012 05:48 PM
شرح عن مؤشرات الميتاستوك (اشارات البيع والشراء)	sommmmy	التحليل الفني والأساسي	2	23-09-2011 03:20 PM
المخالفات السكنية...اشادة شقق وابنية بعدة طبقات وخلال أيام معدودة ؟!‏‏	Rihab	السوق العقارية	2	10-04-2011 08:55 PM
اشارات خاصة بنا - ام شاشة سوق دمشق للاوراق المالية - ومخالفة	غالية	استراحة المضاربين	4	02-01-2011 05:27 PM

RSS RSS 2.0 XML MAP HTML

الساعة الآن 12:14 PM.

		الأسهم السورية ( المضارب السوري) > صالة المضاربين العامة > الاسهم السورية
اشارات تعجب لدى مضارب بالأسهم السورية

اسم العضو		تذكرني
كلمة المرور