لقماان

اليكم بعض الأعمال المتاحة للشباب في مدينة حلب ضمن اطار البرنامج الوطني لتشغيل الشباب .......

1- بائع خبز : تقف أربع ساعات على باب الفرن و تفوز بثلاث ربطات خبز ب 100 ليرة تقوم ببيعها مباشرة ب 225 كل ربطة ب 75
مربح 150 ليرة في كل أربع ساعات ....
وسطيا ممكن توئف مرتين مربحك بيكون 300 باليوم يعني تسعة آلاف بالشهر ..
............................................
2-عتال بالتهريب بدون خبرة : تقف على جانب الحدود التركية و في كل نقلة للبضائع بتاخد اجرة خمسمئة ليرة من المهرب الكبير .....طبعا مافي أي خطر من الجنود الأتراك....بالعكس ستجد كل التسهيلات ..............
امكانية الذهاب مرتين باليوم يعني اليومية ألف و شهريا 3000
..........................................
3-بائع بنزين ...
بتشتري لتر البنزين العراقي من منبج ب 45 ليرة و هو يصلح لسيارات الكارباراتور ..أي نوعيته خفيفة .....و تبيع اللتر بحلب ب 110 ليرة ..أي مربح باللتر 65 ليرة
بع عشرين لتر مربحك 1300 ليرة ...
....أما البنزين السوري فممكن شرائه بخمسين لية من حماة و حمص ...و بيعه ب 110 بحلب ...................
....................................
4- بائع مازت .......
مرابح خيالية لتر المازوت في السوق السوداء في حمص و حماة ب 35 أكثر حد ...
يباع بحلب اللتر ب 110 ينخفض سعره في الأيام المشمسة ...مربح بالليتر 75 ليرة
بع عشرين لتر ...مربحك 1500 لية باليوم
.....................................
5-بائع غاز :
غاز تركي ..تشتري الجرة من على الحدود
ب 2500 مع الجرة و تباع بين 3500 الى 4500 حسب الأحوال ...الجرة فيها 14 كيلو غاز مقارنة مع الجرة السورية فيها 8 كيلو
و الجرة السورية يمكن الحصول عليها من السوق السوداء بحمص ب 700 ليرة و تباع هنا بين 1800ليرة و حتى 3000ليرة حسب الأوضاع ............
.........................................
6- الانضمام الى حملة السلاح و هم نوعين أ- الانضمام الى المعارضة المسلحة الرواتب الآن للأعزب 8000ليرة و للمتزوج 12000
ب-الانضمام الى الموالاة المسلحة الرواتب بحدود 12000 مع وجود ميزات .......
7-بائع دخان مهرب ..اليومية بحدود 5000
8-تاجر أسلحة مفرق و نص جملة و جملة
و هنا اليومية مفتوحة .......
9-بائع خضار أو ملابس على البسطة ....
و هي من أشرف الأعمال المتاحة للشباب المثقف و خريجي الجامعات ..لكن مردودها المادي ضعيف .....
............................................
للأسف ما ذكرته أعلاه هي الأعمال المتاحة للعمل في مدينة حلب ....و أعتقد في العديد من المدن السورية ...............
و المحزن أن غالبية الشباب و القوى العاملة في حلب تعمل بها ................

__________________
أبو حكيم الدين

arnouri

شكرا لك
ولكننا مازلنا دوله الممانعة والمقاومة
ومع العلم ان اربع من اقارب مدام استشهدوا في قرتيتن الملاصق لشريط الحدودي لجولان المحتل

arnouri

طبعا خلال هذا اسبوع وليس عام 1973

لقماان

اقتباس:

المشاركة الأصلية كتبت بواسطة arnouri شكرا لك

اقتباس:

المشاركة الأصلية كتبت بواسطة arnouri ولكننا مازلنا دوله الممانعة والمقاومة ومع العلم ان اربع من اقارب مدام استشهدوا في قرتيتن الملاصق لشريط الحدودي لجولان المحتل

الله يرحم شهدائكون و شهداء الوطن ...يا أخي أبو معاذ أنا أدي شفت غدارين متل العدو الاسرائيلي ما شفت غدارين ....لك ما عندوا أخلاق الفرسان بالتعامل مع الأعداء ......ما بيؤول لحالوا انو هدول الجيران عندون مشاكل ...نطول بالنا هللأ عليون ...أد ما كان نحن جيران ...و الجيرة ما بتهون غير على ولاد الحرام ....شو صرلوا هالعدو الاسرائيلي نازل ضرب فينا على الحدود و صار مقتول مننا أكتر من عام 1973 لهللأ ....اي شو بدكون ..هاد العدو الاسرائيلي بلا أخلاق هو و جيشو الغدار ....أبو معاذ يؤشر بيده ...شو الت أخي أبو معاذ ....هدول ما استشهدوا على ايد الجيش الاسرائيلي الغدار .....!!!لكان على ايد مين ؟؟؟؟؟؟؟على ايد الجيش السوري القهار ؟؟؟!!!!معناتو اسمحلي أبو معاذ هدول الشهداء الأربعة أكيد بدون يكونوا معارضة مسلحة ....شو الت أخي أبو معاذ ...مانون معارضةكمان ...معناتو أكيد ماتوا بالغلط لمعلوماتكون الأخطاء تحصل في كل لعالم ...و الأخطاء بتخلي الجيش يقتل من بعضوا ...فعادي اذا انقتلوا كام عشرة آلاف سوري بالخطأ .......هي هون النقطة يلي مانا عمتقدر ...تفهما الناس ......

__________________
أبو حكيم الدين

tarek

المحزن والمفرح في نفس الوقت يعني كان من المتوقع في هذه الظروف انتشار اعمال السرقة والتشليح بشكل كبير جدا لكن الشباب اثروا ان ياخدوا لقمتهم بالحلال و الموءسف ان البعض بيقلك شوهو منظر البلد '''''''''' طب شو بدكن يجو يسرقوكن احسن وبيني وبينك اخ لقمان لولا هالبسطات و هالشباب كانت الاسعار قي حلب اضعاف مضاعفة ولا كنا حسنا نعبي بنزين ولا اكلنا خبز حتى ومشكور على عالموضوع الحلو

Salam L

انا عجبني البند 8..

يوميته مفتوحة.. اذا بعت اسهمي يوما ما بركي بحول عليه خخخخخ

__________________

لقماان

اقتباس:

المشاركة الأصلية كتبت بواسطة salam l انا عجبني البند 8.. يوميته مفتوحة.. اذا بعت اسهمي يوما ما بركي بحول عليه خخخخخ

ما هنن الأسهم نوع من أنواع السلاح....
بس راحيت موضتون هالأيام .....

__________________
أبو حكيم الدين

majd99

كلامك صحيح

وما حدا عرفان حالوا شو ممكن يشتغل بهلبلد بيضربها يمين بتجي شمال بضربها شمال بتجي يمين

بيشقى الزلمة بهل البلد و بعد ما يجمعلوا كم قرش بدخل الاسهم عل الاساس يوميتوا مفتوحة انقلبت الشغلة و صارت يوميتوا مسكرة على طول

راح للاسلحة على اساس اليومية مفتوحة لا تعد بعد شوي انفجرت بخلقتوا وطلع من المولد بلا حمص ...

بطلع من الاسلحة هلكان بروح على الذهب على اساس يوميتوا متل الرز ....نزل الدهب وصارت يوميتوا الي اشعار آخر

خايف يجي يومنا الموعودين فيه ((آخرتنا)) ونحنا طالعين من شغلة و غاطسين بشغلة ...آسفي

لقماان

على فكرة تجارة السلاح ماشية على قدم و ساق
و بدون مبالغة فيت تؤول صار ينباع السلاح على البسطات ...........................

__________________
أبو حكيم الدين

majd99