لاجئون .....أمريكان - الأسهم السورية ( المضارب السوري)

26-10-2012, 06:08 PM

غالب

مشرف

تاريخ التسجيل: May 2010

الدولة: سوريا-دمشق

المشاركات: 12,554

شكراً: 11,973

تم شكره 19,580 مرة في 6,034 مشاركة

لاجئون .....أمريكان

هدية لصديقي الحاج غسان واصدقائي في المنتدى

لاجئون .....أمريكان
فانتازيا عراقية بقلم - إيمان ألبستاني
لاجئون .....أمريكان

أبو نجيبة : صبحّك ألله بالخير أغاتي أبو ضوية....خير أشوفك أليوم مدولغ؟
أبو ضوية : بس مدولغ ....بس مانايم .....أگولّك حلم ولا صاير
أبو نجيبة : خير أبو ضوية....شحلمت ...أي وألله هاي عيونك غادية دم ......هماتين ألقرحة
أبو ضوية: لا وألله ياأخوي ....گول أني حطيت رأسي عالمخدة ...وچان أشوفلك أوادم لا ألهم أول ولا تالي ....واگفين سرا بشارع ألرشيد
لاجئون .....أمريكان

أبو نجيبة : رجعنا على أيام ألسرا ....شنو ديوزعون بيض...لو تايرات؟
أبو ضوية : لا ياأخوي ...أوادم شكران حمران ....عيونهم زرك .....گول وگفت وسألت واحد منهم ....هم زين طلع يعرف يحچي عربي
أبو نجيبة : شكر وحمر .....يعني مو جماعتنا
أبو ضوية : لا ياجماعتنا ....أشو هما كلهم جلحان وملحان ....وألله گول سألته ....طلع شلون رجال محترم .....چان مدير بنك گبل .....واگف وشايل قروانة ...گاعد يوزعولهم أكل ....ويذب كل دمعة هالكَبر .....گال أحنا لاجئين أمريكان ...يرضاها ضميرك ...يقبلها ناموسك.....أجينا دخيل ....وطلبنا لجوء بالعراق .....هاي عدا ألناس أللي تطشرت بدول ألعالم ...ويگول كندا أم خشم أليابس وألمكسيك أم ربع نعال .....هاجمين عليهم غفل ...ومحتلين أمريكا .. وألنخسة كلها من ورا كوبا ....كومة حجار ولا هالجار..وألناس هجت بليلة سودة.....كل عشرة بعباية
أبو نجيبة : لا أله ألا ألله ....صدك چذب ....أمريكا ....أكو أحد يگدر يحتلها ولو عدنا مثل كوبا ...تدلغ وتظم رأسها ..... وبعدين؟؟
أبو ضوية : ويگول هسة صفينا لاجئين بالعراق ....وراح ألاكو وألماكو ....وساكنين بخيم يم ألكمالية ....وعلى ساعة يهججوهم .....وشهاديهم مامعترف بيها ....ولازم يمتحنوهم بالعربي يلا يكدرون يأخذون لجوء ....وأللي ماحافظ ألمعلقات مال أمرؤ ألقيس وربعه .....لو مقامات ألحريري ....يسمطون أبو أبوه ....وتنام عليه طابوگة
أبو نجيبة : صدگ دتحچي؟.....هذا غير حلم!!
أبو ضوية : هاي عدى ألمذلة بكل مكان ....واگفين سرا على ألسفارات ويطردوهم ....على أنتو أمريكان ماننطيكم فيزا......ويخافون يرحلوهم ...حرب أهلية گشرة عالگة بأمريكا ....بين ألسود وألبيض ...وألكواتم وألمفخخات صايرة بفلس ....كلها جايتهم من كوبا....ألكهرباء تجيهم ٣ دقايق باليوم ...بس حتى لاينسوها ....وألحواسم ألسود...ديشتغلون شغل يعجبك
أبو نجيبة : بس ألله راحمهم ياأخوي ...ماعدهم مرجعيات...زين جيشهم وين صار؟؟؟....ترا جيش عرمرم
أبو ضوية : ألمكسيكين صفوهم بقوائم تجيهم من كوبا ...وطگه طگه ...ثار قديم ....كوبا طلعت ولا ألبدوي ...مانست ثارها ويا ألامريكان ....والرووس ألچبيرة سجنوهم على أتباع ألنظام ألسابق
أبو نجيبة : زين هذا رامسفيلد منبوش ألصفحة ...أشوف بي يوم...وين صفى؟؟
أبو ضوية : تخاف عليه ....واوي عتيگ هذا ....گاعد بالمخيم بالكمالية ولابس عمامة وسبعة ألاف محبس ويعقد زواج متعة للمخيم .....كرف فلوس....ويگول أللي أحصله بيوم يعادل راتب مال شهر من چنت وزير دفاع أمريكي!!
أبو نجيبة : زين وبوش مسٌود ألوجه ....حوبة ألعراق بعلباته
أبو ضوية : ديبيع جزادين .....وسبح بوسط ألبلد بعمان ....بناته چانوا مخطوفات ....وماهدوهم ألا بچم دفتر ....ومرته طگ عليها ألبريمز!
أبو نجيبة : لا أله ألا ألله ........وزين هاي مرة كلنتون .....أللي بكل عزا لطامة .....حاط رأسها براس ألرياجيل ....وين صارت؟؟
أبو ضوية : عاصية بروسيا .....ضحكوا عليها ألقچغچية على أندزج من روسيا ببلم للعراق ....وباكوا فلوسها ....وجاي تشتغل بمعمل مال صوندات
أبو نجيبة : رحمة لاأبوك ...وهذا مهجومهم ....ألبيت ألابيض شصار منه
أبو ضوية : هاي خليها على ألكنديين....گالوا أحنا حركناه گبل مية سنة ...واليوم هماتين نحرگه ....سوولك أياه فحم ....طلعوا نشامى وسباع ولد سباع بحظي بختي
أبو نجيبة : هاي شلون مصيبة وهاي مالت ألفضاء.... بناية شكبر ....صواريخ ومركبات ومكوك صاعد ومكوك نازل
أبو ضوية : ألمكسيكيین وداعت عينهم عاد...بنص ساعة فكوها كلها وباعوها خردة لكوبا....وگالو للامريكان نكسر رجلكم أذا صعدتوا للفضاء مرة لخ ...ملاعين ألوالدين ...شثبرتونا يومية عجاجة بالجول مطيرين مركبة ...مو عميتونا عمي ومحد مفتهم شي
أبو نجيبة : وهذا أبو بسطال ....بريمر ....شسوه شلعب لعب ...بشرني وين صفى؟؟
أبو ضوية : عنده سكلة رگي على ألشط ....راح ديخطب بنت فخرية أم ألجبن ....لحگته بالنعالات وگالت اني انطيك بنتي؟؟ ..مو كافي أخذت فلوسنا وأخذتلك عراقية گبل وشردت وياك ...نعال بنتي يشّرفك يامگطم
أبو نجيبة : رحمة لا أبوك ....وهذا أوباما ...وين صفى بهالهوسة؟؟
أبو ضوية : يگولون يفترون بي عالدول ...منين أصله ....محد يعرف ...هاواي تگول لااعرفه ولاهم يحزنون ....كينيا ....تگول اعوذ بالله منين النا هالشكولات!!؟؟
أبو نجيبة : وهاي ألسودة تقدم برامج .....يگولك ملكيتها بالملايين عندك علومها؟؟؟
أبو ضوية : ياهية .....بالله أني بحال مذيعات هسة؟؟
أبو نجيبة : بلي ....هاي أوبرا ماأدري شسمها ....وين صارت؟؟
أبو ضوية : لگيتها ... صايرة حفافة.. ونسوان ألكمالية كلهم عليها....ودازة خبر بيد حمدية أم ألروبة ....تگول بلكت أبو ضوية يتزوجني حتى أگدر أخذ أقامة!!
أبو نجيبة : أضرب بيها راح تجيك ملايين بالهوا ...والله حظوظ ...ماچان دزيتها على أخيّك!؟
أبو ضوية : هاي سوالفك ...بشبر ماي تغرك ....يافلوس ....طلعت مستلفتهم من البنك ...الرجال مدير البنك گالي اللي شفته اول مرة
أبو نجيبة : يعني حلم ولا صاير .....وألله ألعظيم
أبو ضوية : أگولك ياأخوي .....ممرود مرد من ألبارحة لليوم ....شنو تفسيره رحمة لاأبوك؟؟؟
أبو نجيبة : تفسيره ....أتغطى زين من تنام ....وكَيلك ألله ...أللي صار وجرى برأس ألعراقيين ....فلا يجرى على غيرهم ....أودعناكم ....أني رايح ....شلون ضيّع عليه نص ألنهار؟؟!!

__________________

المنتدى ملكنا جميعا احموه بمشاركاتكم القيمة
-----------------------------------------------
لا يوجد مستبدون حيث لا يوجد عبيد ...خوسيه ريزال
حياة ليست مكرسة لهدف,حياة لا طائل من ورائها , هي
كصخرة مهملة في حقل بدلا من ان تكون جزءا من صرح
..... خوسيه ريزال

التعديل الأخير تم بواسطة غالب ; 26-10-2012 الساعة 06:18 PM

26-10-2012, 09:10 PM

غالب

مشرف

تاريخ التسجيل: May 2010

الدولة: سوريا-دمشق

المشاركات: 12,554

شكراً: 11,973

تم شكره 19,580 مرة في 6,034 مشاركة

رد: لاجئون .....أمريكان

ترجمة بعض المصطلحات بالمقالة :

- أغاتي = حبيبي او عيوني
- مدولغ = دايخ او ملتهي

-غادية دم = صايرة دم اي حمراء اللون
- هماتين = كمان

- سرا = دور ... شارع الرشيد من الشوارع الطويلة والمشهورة في بغداد

- تايرات = دواليب
- اوادم شكران حمران = ناس شقر حمر
- عيونهم زرك = زرقاء
-جلحان وملحان = سمر ومو حلوين
- كبل = قبل اي منذ زمن
- واكف وشايل قروانة = يحمل اناء ليستلم طعاما .
- ويذب كل دمعة هالكبر = يذرف دموعا كثيرة
- تطشرت = تبعثرت

__________________

التعديل الأخير تم بواسطة غالب ; 26-10-2012 الساعة 09:16 PM

26-10-2012, 09:18 PM

غالب

مشرف

تاريخ التسجيل: May 2010

الدولة: سوريا-دمشق

المشاركات: 12,554

شكراً: 11,973

تم شكره 19,580 مرة في 6,034 مشاركة

رد: لاجئون .....أمريكان

ترجمة بعض المصطلحات بالمقالة :

- راح الاكو والماكو خسرنا كل شيء

- خيم يم الكمالية = نسكن خيام بجانب منطقة الكمالية وهي من افقر مناطق بغداد

- شهايديهم = شهاداتهم
- يسمطون = يضربون وبشدة

- تنام عليه طابوكه = يضعون على معاملته بلوكة
-

__________________

التعديل الأخير تم بواسطة غالب ; 26-10-2012 الساعة 09:20 PM

		الأسهم السورية ( المضارب السوري) > ملتقى المضاربين > استراحة المضاربين
لاجئون .....أمريكان

اسم العضو		تذكرني
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى