أبواليمان

مو لازم من هلأ إدارة السوق تفكر بنسب التذبذب القادمة ؟ أنا وكتير ناس مروقين بهالنسب بس مشان باقي السوق وضرورة الإستقرار لازم إدارة السوق تفكر بنسب جديدة بعد ما ترتفع الأسعار لحد معقول.

يعني إذا ارتفعت الأسعار الأسبوع أو الأسبوعين الجايين أو بأي وقت بالمستقبل بين 20-30% أو أكتر لازم ترجع إدارة السوق تعدل النسب.

يعني ممكن مثلاً تصير بس 2% ارتفاع و -1% انخفاض وممكن كمان تخفيض عدد أيام التداول طبعاً شركات الوساطة وكبار المضاربين رح يعارضو هيك اقتراح لأنو حتما رح ينزل حجم التداول ورح يكون اللعب بالسوق أصعب، حتى الي بحب المخاطرة متلي كمان رح يحس الشغل بالسوق صار ممل، بس بظن هيك قصة تكون منيحة بالعموم

بكير على هالحكي شوي بس مشان تكون الهيئة حاسبة حساب لأنو إذا ارتفع السوق بشكل جيد برجح يكون فيه حملة بيع كبيرة والله أعلم (عند أول أخبار سياسية أو اقتصادية مزعجة لا سمح الله) وترد تنزل الأسعار لأقل من القيمة الإسمية، والي عم يستفيد من هي اللعبة هنة بس شركات الوساطة وكبار المضاربين وعدد قليل من المضاربين الصغار يلي كتير معلمين، وبعض المحظوظين