رد: المتابعة اللحظية لجلسة تداول الخميس 23-6-2011
اقتباس:
المشاركة الأصلية كتبت بواسطة BROKER
يعني ما شاء الله عنك انسة روان
ماجستير في الاقتصاد وخبرة من خلال ردودك .... ومع ذلك تبخلين علينا بموضوع يزيد من خبرتنا وثقافتنا .....
المشاركات لا تكفي للخبرات ...... ونحن عندنا في سيرياستوكس حقوق المرأة كاملة فأهل الخبرة هم اهل السلطة وليست حصرياً للذكور ......
بس لا تكتري حتى ما يطير الكرسي من تحتنا  |
والله يا أخي رامي العين ما بتعلى عن الحاجب
يا سيدي مو بس بسيريا ستوكس والله أنا بشوف إنو بكل سوريا حقوق المرأة كاملة
ومشان الموضوع كل مرة بتطلع بلاقي إنو إذا بدي حط شي تحليل مالي أو فني خلينا نكون صريحين سوقنا مومتل الفوريكس ومالو علاقة بالتحليل
وإذا بدي حط شي إلو علاقة بالهبوط والصعود _ يعني متل الجملة يلي حطيتها فوق وعلقتلي عليها_ رح اتهاجم.....
وحياتك اليوم ماقدرت احكي بالمنتدى بس من كتر ما شفت زخم التشاؤم بيخنق، وبفكر وبقول لحالي معهن حق يعني الأسعار صارت مو معقولة، يمكن أنا هادية لأنو كل شي حاطتو بالسوق هو قرشين _ طبعاً من والدي
_ يمكن حب يخليني جرب حالي وعلى وعد صغير في حال زبطت معي
وأنا بصراحة مو كتير فارق معي لأنو عندي إيمان بإقتصادنا الوطني _ معلش لو تمسخرتوا عليي_ بس بهالوقت الصعب للأسف في كتير ناس عم تضطر لسيولة أكتر من يلي كانت حاسبتلوا بالأساس وإن شاء الله الله بيفرجها عالجميع وعلى وطننا الغالي