رد: المتابعة اللحظية لجلسة تداول الخميس 16-6-2011
اقتباس:
المشاركة الأصلية كتبت بواسطة أبواليمان
مسا الورد
احتمال هبوط أسعار سورية الدولي الإسلامي وارد بسبب زيادة الأسهم المحولة بشكل كبير، بس الخبر المنيح أنو يمكن هي أخر هزة رح تواجه هالسهم على المدى القريب (بمعزل عن أوضاع السوق) وفي أرباح جيدة بالمصرف لسا ما توزعت لسا، وما في فرق كبير بين سعر السهم في السوق و قيمته الدفترية مع أنو أداء المصرف كتير منيح.
أنا عن حالي ما لي نفس بيع وبظن أني ممكن فوت فرصة جيدة للبيع بسعر أعلى اليوم، بس في احتمال انو الي يبيع هلأ ما يقدر يشتري بسعر أقل مرة تانية في حال قلبت أوضاع السوق ايجابيا نتيجة لتحسن الأوضاع السياسة بالبلد متل ما الكل بيتمنى. ورح حاول عدل الكلف كمان مرة بالشراء إذا نزلت الأسعار بشكل ملحوظ الأسبوع الجاية يعني ممكن أشتري تحت 650 إذا صار في هبوط ولا شو رأيكن ؟
|
الاحتمال وارد ولكن هذه هي حدود الأسهم بالوقت الحالي بين أعلى وأدنى
وتعديل السعر الوسطي جيد من اسعار وصل لها سابقاً .