
رد: المتابعة اللحظية لجلسة تداول الخميس 12-5-2011
اقتباس:
المشاركة الأصلية كتبت بواسطة fadiagha
واووكد للجميع السوق مو نازل ولا شي والجمعه هي تشبه الجمعه الماضيه
كل ما حدث جني ارباح
السوق سيعاود بشكل طبيعي الاحد
وستكون هناك اسهم خضراء كثيره واسهم حمراء كاي وقت
|
وكيف قدران تأكدلنا؟، من وين المصدر يلي عندك يلي بيقلك أنو السوق يوم الأحد أخضر؟، أنا اليوم في حركة سبق وشفتها بعدد من الجلسات يلي بيكون في تراكم طلبات شراء متوسط الحجم ليوهم أنو اليوم المقبل رح يكون في طلب على أعلى سعر، وبعدين بيجي يوم الجلسة لنكتشف أنو ما في ولا طلب شراء، وتركم للبيع بأدنى سعر. وخايف أنو هي الحركة تطبقت اليوم بآخر دقايق من الجلسة.
اليوم بأول الجلسة توقع أبو فراس أنو يصير تصريف كبير، وهاد الشي صار، ومع ذلك في مين قلو عاموقع وقبل ما تصير الجلسة أنو هو عم يحكي شي ألو علاقة بمصالحه
من الآخر، أبو فراس ما بيقدر يأثر عالسوق، ولا بيقدر يأثر عالناس، ومو أعضاء المنتدى يلي تأثرو اليوم من حكي أبو فراس قامو باعو اسهمهم. ومن الآخر كمان، يلي عم يشتغلو بالأسهم بهاد الشكل الاحترافي، مو ناطرين توصيات المنتدى ليبيعو وليشترو. والأحجام الموجودة بالتداولات وخصوصا ببنك قطر هي أحجام ضخمة، ما بعتقد أنو في حدا من المنتدى عم يتداول بهيك أحجام.
مافي شي مؤكد بالنسبة ليوم الأحد، في حالة وحدة ستؤكد على اخضرار السوق وهي في حال تدخل فعلا رجل الأعمال رامي مخلوف ورفع السوق كما سبق ووعد في تصريحاته
أما بالنسبة لجلسة الخميس فهي مخزية من ناحية الأداء مقارنة مع قوة الخبر.