عضو مشارك
تاريخ التسجيل: Mar 2009
المشاركات: 297
شكراً: 8
تم شكره 27 مرة في 8 مشاركة
سكروا كفرسوسة ....والأزمة بالبرامكة ...فهل عانيت مما نعاني؟
مرحبا ياجماعة ...
أكيد كلنا سمعنا أو شفنا أو عانينا من إغلاق نفق كفرسوسة .... وكأنو كان ناقصنا عجقة ...
ومو بس اللي بروحوا من دوار كفرسوسة هنن اللي عم يعانوا بس:evil_smile: ...
الأزمة المرورية تفاقمت في كل دمشق ... خاصة وأنو النازلين من المزة وكفرسوسة أو حتى اللي طالعين ع المزة ... صاروا يروحوا عن طريق البرامكة ...
والبرامكة متل ما بتعرفوا ... من دون دف بترقص ...
وإذا بتقلل عقلك وبتحاول تنزل بنص الشام وقت الظهر ....رح تشوف نجوم الظهر ...
وما كتير بتفرق سواء كنت بتركب مكرو أو بتركب سيارة الخاصة ....لأنو لبين ما تلاقي مكان تصف فيه سيارتك ...رح يكون المكرو وصل...
ويذكر أنو مدة تنفيذ نفق كفرسوسة ... 10 أشهر:v9v9net_102: .... الله يكون بعونا عليهم ...هاد إذا عنجد 10 شهور..
الله يرحم أيام زمان:
كان مشواري على المزة ياخد 40 دقيقة هلأ صارت سفرتي على المزة بدها 1-1.30ساعة
سيدي ...
ما بدك تدقق كتير منشان صحتك
...
بس والله العظيم .........بأي دولة بالعالم بصير أنفاق وجسور وفي طرق كتير بتسكر ... بس ما بصير أزمة مرورية لهل الدرجة والناس ما بختنق بالشارع ...لأنو ببساطة عندون بدل النفق خمسة...وبدل الجسر عشرة... وبدل الطريق مية...
منشان هيك ما بكون تأثير تسكير ساحة لهل الدرجة ....
سكروا كفرسوسة وقالوا لهم روحوا عن طريق البرامكة... وكأنو البرامكة متحملة حالها ....
متل ما بقولوا :قال مكرسح لمكرسح يلا بينا نتفسح:v9v9net_074:...
ومتل ما الطبل بدوما والعرس بحرستا ....كمان عنا الحفريات بكفرسوسة و العرس بالبرامكة:0069:
فهل هناك من يعاني مثلي .... أم أنني مدلل وشديد السلبية .؟؟!!!
__________________
الفشل بداية النجاح
:wink: