
رد: هل ترضون خاطب دون أهله
اقتباس:
المشاركة الأصلية كتبت بواسطة غسان
نتكلم بموضوع عام يهم الكثيرين ربما يكون الاهل غير موافقين على فتاة معينة
مهما كانت شخصية الشاب قوية ماهذه الحياة التي سيعيشها واهله مقاطعونه ولم يحضروا الخطوبةوالعرس وامه وابوه يدعوان على ابنهما بعدم التوفيق بالحياة
وحصلت وهناك كثيرين قاطعوا اهلهم كرمى للزوجة
ومن لم يرى معروف اهله عليه ويطلب الرضا باضعف الايمان سيهمله اولاده في كبره وكما تدين تدان
|
قرار الزواج هو اهم قرار بحياة الانسان...وفي كتير ناس عاشوا تعساء لانو حبوا شخص معين وماكان نصيبهن...فهيك قرار مافيه مسايرة لا بأضعف الايمان ولا بأقواها
وألا توافق معي أنو هاد تسليم بالوضع الاجتماعي الراهن على انو هو الصحيح...وهو استسلام له...
التغيير يبدأ بالتوعية...لما كل اب وكل ام بيعرفوا انو هاد حق ولادهن وهنن دورهن النصيحة والتوجيه...فما رح يزعلوا كل هالقد من اختيار الولد أو البنت...الاستلام لهي القيم اللي مالها علاقة لا بالشرع ولا بالمنطق هو اللي وصلنا لهون....صارت كلمة بر الوالدين تستخدم بأبشع الصور للاسف....بيجي اب او ام مالهن قايمين بتلات رباع واجباتهن تجاه ولادهن وبيطالبوا بالطاعة المطلقة....انا بشوف البر شي مختلف عن الطاعة....لو كان الاسلام قصد انو البر هو الطاعة بكل امور الحياة اليومية معناها مافي ولا انسان حر بهي الدنية إلا اليتيم اللي مالو اب او ام لأنو بيكون وقتها هو الوحيد اللي حقه يتصرف بحياته بدون هي السلطة....
الاختيارات الشخصية هي ملك كل شخص طالما كان بالغ وواعي وراشد....وانا بتمنى يكونوا هيك ولادي بالمستقبل واذا انا شخصيا كان عندي رأي ضد رغبتهن بأي شي بحياتهن فحقهن ياخدوه ويتحملوا مسؤوليته....وواجبهن تجاهي كأم (لما صير أم هههه) هو واجب الرعاية والعناية أما حياتهن فهنن حرين فيها....