رد: بنك قطر والغاء المرحلة الثالثة
يا أهل الخير..
نفس السيرة انفتحت بعدة مواضيع و هذا يؤدي الى تشتيت الجهد و الردود و قلة التركيز بمحاولة ملاحقة ردود مختلفة على نفس القصة في مواضيع مختلفة.
اقترح اغلاق باقي المواضيع و بقاء هذا الموضوع مفتوح للمشاركة.
هلاء بدنا نركز على الهدف مشان نقدر نوصل لنتيجة: هل نحنا مستائين من الهيئة لإصدارها القرار 87 او من عدم التطبيق الصحيح لهذا القرار من طرف البنك؟
اعتقد ان مقاضاة الهيئة على إصدار هكذا قرار متأخر شوي، و لو كان قانونياً من الممكن اقامة الدعوى، لكن الظروف الحالية ملائمة اكثر لمقاضاة البنك لعدم التطبيق الصحيح للقرار اللي مو عاجبنا بالأساس، و خلينا ما نفتح جبهتين بنفس الوقت.
و فكرة التكتل من اخ محمد فرح حلوة ..
و بما أن استاذ عارف بصدد دراسة موضوع الإدعاء و التقاضي، اقترح في هذه الأثناء ان نشكل لجنة او تكتل بقيادة استاذ غالب اللي ما كل و ما مل من فتح هالموضوع، و نقدم عريضة لمدير البنك مع تواقيع اكبر عدد ممكن من الأعضاء، و نبلغه بأن نيتنا طيبة و بدنا القصة تنحل ودياً، و إذا رفض فنتجه للمحاكم.
بس كمان لازم يكون عنا مطلب او مطالب محددة من المدير، بعتقد انو مطلب تنفيذ مرحلة ثالثة مستبعد حالياً، طيب شو ممكن نطلب؟ هل من الممكن مثلاً ان نطلب بيع الأسهم الفائضة من المرحلة الثانية و توزيع الأرباح على المساهمين؟
شو رأيكم؟