رد: سعر صرف الدولار والذهب مقابل الليرة السورية اليوم الثلاثاء 04 -03- 2014
مشاركة لاخي المسار
كانت النصيحة بجمل
اذا بتعملن مسكبة بصل ومسكبة نعنع بظن اوفر
البصل بدك تضل على زراع وحصود
النعنع شلفلك عرقين بهالمسكبه ويعطيك العافيه وطول السنه حصود
متل ما بقلك المتل
نعناعه جاريه ولا بصله مقطوعه
من ابتكارات حاااااااااااسوب ابو نجيب
اخي ابو نجيب اسف (بالتخاطر صارت معي)
هههههههه
ومين قالك انو ماني زارع بالبيت
عندي بقدونس وبصل وليمون وزيتون
البقدونس ممتاز بس فرق بين الحشة والحشة عشرة ايام اقل شي وما بيصمد كتير
البصل بصل اكابري ملوكي دغري بيطلع
اليمون عنا شجرة صغيرة حملت السنة هي 19 ليمونة بالحبة
راح تلات رباعون للاقارب والمعارف
الزيتون على كيفها سنة منمون منها نحنا وبعض اقاربنا وسنة ما بشيل ولا حبة
نعنع كان عندي بس من فترة شلعتو وزرعت محلو ورد جوري
وحدة من اصل اربعة ورد طلعت والباقي مات
شايفلك بالاخر بلا ورد بلا زهر بدنا شي يستاكل
زرعت سمك ما طلع (طبعا احطو بالارض سماد)
زرعت مصاري ما طلعو كمان ما بعرف ليش مع انو اسقيون ههه
ناوي ازرع بطاطا بكرة شوف اذا ما صرت اصدر منها تعا كول عندي