عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: صالون سيرياستوكس للعطلات (23&24&25&26) -12-2014
اليوم الصبح ( قصدي الخميس ) فايق ورايق تمشيت عشر دقائق وكنت عم فكر ، وخطر لي شي مهم أن الناس بيسألوني بصفتي صاحب تجربة ومارر بأمور كتيرة ، ياترى الرأي اللي بقولو صح وبمحلو ؟ طبعا ريحت ضميري وقلت طالما ماعندي مصلحة شخصية ، فلا سبب عندي لابتكار غير ما ينفع .
واتنقلت بالأفكار وخطر ببالي المحللين السياسيين والاقتصاديين ، وأكتر واحد خطر ببالي ، واحد متملق وشاطر بالحكي ( البارحة شعرت انه منحاز ) ، مو متل الباقي اللي بنشوفهم وفورا بنقرف .
صرت فكر ، الإعلام ممكن يكون موجه وبينقل المعلومات بدون تدخل ، بس بينقل اللي بيناسب توجهاته وبدون ابتكار أو تأليف ، بس ما سبق فكرت بعمق حول المحلل الصحفي الذي يؤلف ويوجه الانتباه إلى نقطة ما ، ويجر المستمع خطوة خطوة حتى يقتنع بالسيناريو المحتمل في بداية الحوار ، ليصبح مؤكدا في نهاية اللقاء .
طبعا الغبي من أولها مفقوس وبنصير نقلب كلامو ، فنفهم أن كلمة خير يقصد فيها شر ، ورحمة يعني ظلم ، وانقاذ يعني قتل ......الخ ، ومن أول الحديث بنشعر انه ناطق رسمي بمعلومات جامدة ، وليس محللا .
المحلل الشاطر ، يتكلم بقلق ويخشى ما يخشى ، ويبتسم مجيبا على السؤال ، بأنه لا يريد أن يكون متشائما ، ولكنه يحاول تسويق الفكرة وإحباط المستمع ، من خلال استنتاج يأتي مدمرا وبشدة .
ومن المهم التنبه أن اسم الجهة التابع لها المحلل لا معنى له
فأنا ممكن لو مقيم بالخارج من بكرا بسجل جمعية وسميها متل مابدي ، وممكن اطبع بطاقات وما كون مسجل شي أصلا
وبعرض خدماتي على الجهات المستفيدة ، والمهم الاسم مثلا :
جمعية كبار خبراء الدراسات الإستراتيجية والعسكرية .
جمعية كبار مفكري التحليل الدقيق في قوانين حقوق المرأة
وهكذا ، طبعا كلمة كبار مهمة .
والمحلل بيكون اسمو الاستاذ المحاضر في جمعية الكسب الحلال ههههههههههه
بقي شغلة صغيرة بتنفيذها وكبيرة بمفعولها : وهي ان يتكلم بلغة عربية مفشكلة (بيوحي انه افرنجي ، وبيرتاح من ضبط التشكيل )، وأن يكثر من حركة اليدين ، على أساس من حرقتو، ما عم يعرف يشرح !!