عضو متابع
تاريخ التسجيل: Mar 2013
الدولة: سوريا - حماه
المشاركات: 483
شكراً: 2,700
تم شكره 3,461 مرة في 492 مشاركة
رد: سعر صرف الدولار والذهب مقابل الليرة السورية اليوم الجمعة 06 -12- 2013
اقتباس:
المشاركة الأصلية كتبت بواسطة جوليت
مشاركة سابقة لي منذ ثلاثة ايام :
سيد نور المحترم (وسمحلي ناديلك نور ),برأي المرحلة الحالية للدولار يطلق عليها الدولار السياسي ونقطة على مااظن من اخر السطر .
وطبعا هادا الشي مؤسف (انا بكرهو ) ,بس موشرط نحب الواقع لحتى نقتنع فيه, بجوز تألي كيف سياسي ؟ ليش الامور زابطة سياسيا ؟؟؟ انا رح جاوبك :مو اصدي هيك , السؤال الذي مارح يحل عنك الا مايفرض نفسو ... سياسي لمين ؟؟؟ ممكن تسألني اصدك للطرف الاول بألك موشرط بتألي للتاني بألك كمان موشرط بتسألني لمين لكان . ساعتا أكيد رح اسكت
--------------------------
اقتباس من تصريح السيد اديب ميالة المحترم اليوم:
الاستقرار الحاصل في سعر صرف الليرة الذي بدأ منذ نحو الشهرين ونصف الشهر يعود لإنجازات الجيش في محاربته للإرهاب والمجموعات المسلحة بالتزامن مع النجاحات التي تحققها الدبلوماسية السورية والاستقرار السياسي في المنطقة بعد اتفاق إيران مع مجموعة خمسة زائد واحد حول الملف النووي الإيراني".
-------------------------------
سيد احمد الاحمد مو شرط يكون النقد لمجرد النقد ,المشاركة يلي حطيتا قاطعها بشكل دراماتيكي مع تصريح السيد اديب ميالة وشوف , يعني الكل صار عم يحكي عا عينك ياتاجر وماعاد في شي مخبا , يعني هيك الوضع ولكن تأكد كل طرف من الاطراف يمكلك عوامل قوة وعوامل ضعف ومن حق كل طرف (مركزي سودا سلامة ) يستفيد لأبعد الحدود من مبدأ حق القوة وقوة الحق , العجلة الاقتصادية متوقفة ورغم ذلك الدولار 150 , سعر 300 لم يستطيع ان يصمد كثيرا , لبنان بعد 6شهر من اذمتها صارت الليرة 1000 , يعني لا سلامة ( مع انو ماكان) ولاغيرو كان قادر يعمل شي , ولكن يبدو لدينا فريق اقتصادي (ومن ضمنه السيد أديب ) استطاع ان يفرض قواعد اللعبة وان يحجم السوق السوداء كثيرا , حتى لو ارتفع الدولار مستقبليا قليلا هذا لا يدل عا شي
|
اول شي ياريت اللي كتب هالرد يتولى الكتابة بشكل دائم .
تاني شي لايمكن المقارنة بين سوريا ولبنان , أكيد ماكان طلع مع سلامة اي شي لأنو اذا طلب ماحدا كان رد عليه بينما هون وبمشاركة سابقة الك ذكرت بانو المركزي اذا طلب مليون بيجيه اربعة ونقطة اول السطر .
تالت شي انا ماني ضد المركزي ولكن هي عرض وقائع تصرفات المركزي ,وبالمناسبه اللي بيعرف شو معنى انهيار الليرة وارتباطها بالدولة متاكد من ان الدولة ستدافع عن الليرة بكل ماهو متاح.
رابع شي صحيح انو عملنا استقرار للدولار وانت ادرى بالاساليب والطرق , ولكن استقرار الدولار هذا غير مرتبط بالوضع السياسي بشكل عام ,نحن نتكلم عن دولار سياسي وليس الوضع السياس واكبر دليل ثبات الليرة اللبنانية مع ان الوضع السياسي غير مستقر من حوالي السنة ولكن الثبات يأتي من مخزونات البنوك اللبنانية من العملات الصعبة .
رابع شي صحيح ان الدولار ب 150 بس بحسبان ارتفاع الاسعار وزيادة الضرائب والرسوم والقائمة تطول ,نجد انفسنا عايشين بدولار يفوق ال300 .
خامس شي واللي هو بيخوف الوصول الى لحظة الانتقال من الدولار السياسي الى الدولار الاقتصادي وعندها وليس كما يعتقد دعاة رفع سعر الدولار, ستكون الطامة الكبرى و سيتضرر الكثير الكثير .
__________________
لئن شكرتم لأزيدنكم :: وبالشكر تدوم النعم