عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: سعر صرف الدولار والذهب مقابل الليرة السورية لليومي السبت 30 -11- 2013
اقتباس:
المشاركة الأصلية كتبت بواسطة ابن البلد البار
مسا الخير
في مجال تدعي لواحد مو حاسد:الله يغنيه؟
أدعيلنا حجي
بتضل صعوبة المرحلة مع الغنى أهون منها مع الفقر.
شو رأيك باشا؟
|
الله يعطيك ليرضيك من اوسع ابوابه
ووقتها بتحس باللي عم قوله
الله لا يسلط عليك الطامعين والحاسدين
وخلي ببالك نصيحة بتستنتجها من مقولة بقولها دائما أن :
المال اللي معك وحدا بيعرف فيه ، ما بيبقى إلك بيصير احتياط لفك زنقة الآخرين .
انا صادفت اتنين بحياتي فشو قلبي
الأمير طلال بن عبد العزيز ، بلقاء يمكن اسمو شاهد على العصر ، وبآخر حلقة أعطوا فرصة للاتصالات والأسئلة
اتصلت واحدة وطلبت المساعدة ، نهرها المذيع ، الأمير طلال قلو اتركها وبعدين عقب بما معناه:
انا طلال اللي الناس شايفتني بهاله خاصة ، الله بيعلم كل نهاية شهر كيف برتب وبلملم لسدد التزاماتي .
ومرة متل عادتي كنت اول الواصلين على الدوام صباحا وكنت اعمل بتحويلة حمص ، مع اني مسافر من دمشق فجر بداية أسبوع العمل ، وتلاني سائق بلدوزر من دير بعلبة ، قلي صباح الخير استاذ ووقف جنبي نتحادث ، قال والله انا بس بحسدك على لقب استاذ وغير هيك انا احسن منك بكل شي : انا بيجيني ضيف بحط صحن برغل وصحن لبن ( شوفير ) وبلبس بنطلون واحد طول السنة وممكن رقعو ( شوفير ) ..... بس انت استاذ ! ممكن تعمل متلي ؟ والله بيفضحوك ، بالله بيبقى معك شي من راتبك ؟ قلتلو لا والله وباخد الكمالة من أبي .