عضو أساسي
تاريخ التسجيل: May 2013
الدولة: سوريا
المشاركات: 2,757
شكراً: 20,745
تم شكره 20,602 مرة في 2,748 مشاركة
رد: صالون سيرياستوكس للعطلات(28-29-30 تشرين الثاني &1 كانون الاول ) -2013
قاعد بالمحل رن التلفون
صوت أنثوي جميل و فيه بحة مستحبة بالأول قلت لحالي أكيد غلط متل العادة
رقمي قريب كتير من رقم أحد المشافي
قالت : مرحبا أستاذ
طبعا أنا لما قالتلي أستاذ و بالاسم كتير انبسطت و انفرجت اساريري
لأن ما حدا بيناديلي استاذ
اهلا و سهلا رديت أي خدمة يا أنسة
قالت : نحنا مجموعة مدري شو لتوزيع الكتب و الموسوعات العلمية و أخدنا رقمك من سجلات غرفة التجارة .
و عنا عروض حلوة كتير لبعض الموسوعات الدينية و السياسية و الاقتصادية و للأطفال اذا بتحب تشتري من عنا ....
أنا عم أسمع الصوت الجميل على الهاتف و سعيد ..
قالت أستاذ حضرتك متعلم
على غير العادة بلشت اكذب
رديت .. طبعا يا انسة أنا واصل بالمدرسة للصف الخامس و بكتب حساباتي لحالي ما بحتاج حدا يكتبلي شي ...!!
على ما يبدو ردي كان مناسب جدا
و بدأت تشرح عن الموسوعات و عدد مجلداتها و قيمة كل موسوعة و عروض التقسيط و مع مكتبة أو بدون ... الخ و بعد ما حكت اكتر من 10 دقائق و بالتفصيل ...
رديت بكلمتين : يعني يا آنسة قصدك عندكن كتب و مجلدين تجليد حلو
قالت : أي
رديت تمام و الله انا من زمان يا أنسة مشتهي حط خزانة وراء طاولتي بالمكتب و حط فيها كتب مجلدة تجليد فاخر ... و ملونة متل التجار الاكابر يلي بروح لعندن
البنت انبسطت كتير زبون ممتاز تاجر غشيم و ما بيعرف يقرأ ....
أخدت عنواني و قالت بكرا الساعة 11 منكون عندك ..
بالفعل تاني يوم عالموعد اجاني أستاذ مطقوم و معه شنطة صغيرة فيها صور لنماذج الكتب
و قعدنا و شرح بسرعة عن كل موسوعة تفاصيلها و قيمتها بالتقسيط
كانت الموسوعة يلي اخترتها ( كمثال ) للأطفال و معها كتابين للكبار بلش عرض السعر بـ 23000 ليرة بالتقسيط
و بعد ما فصلت الموسوعة عن الكتابين و اني ما بدي قسط بدي كاش و غيرت شوي بالكتب
المكونة للموسوعة و شوية أخد و رد و مفاصلة .. صار السعر النهائي 3600 ليرة ..!!
طبعا كان شرب القهوة .. و استوى
فتحت الكمبيوتر .. و شرحتلو انو نفس المعلومات موجودة عندي و بتفصيل اكبر و ما كلفتني غير 100 ليرة ..
و حملها اسهل و اريح من كتب وزنها ثقيل
الحقيقة نظراته الي كان فيها معنى واحد بس ( عم يلعن حظو يلي جابو لعندي )
__________________
أبو عمر