عضو أساسي
تاريخ التسجيل: Dec 2012
الدولة: المانيا
المشاركات: 1,246
شكراً: 2,054
تم شكره 8,628 مرة في 1,200 مشاركة
رد: الدولار في اسبوع - مناقشات الأسعار الدولار والذهب مقابل الليرة السورية ليوم الجمعه 08 / 11 / 2013
اقتباس:
المشاركة الأصلية كتبت بواسطة حمزة أبو أحمد
مع الشكر الجزيل ... وتحملوا قلة فهمي بس ما قدرت أستخرج الربح والفائدة بالموضوع
|
اهلا اخي حمزة ...بالاونة الاخيرة وبعد نزول الدولار لمستويات قياسيه ...كثير من الاشخاص يلي راس مالهم بالدولار ويلي شارينه على سعر 200 وفوق اكيد رح يتكبدوا خسائر فادحه اذا قرروا البيع وخصوصا بالقعيان يعني من باسعار متدنية ,,,وكتير ناس خافت على راس مالها ...طيب نحن بهي الحاله منشان تخفف الناس الشاريه من فوق ال200 شو بتعمل ؟؟؟ طبعا الشغله بدها شوية حركة وسرعه باتخاذ القرار ...طبعا الطريقة يلي ذكرتها للناس يلي صار عندهم خوف من انو الدولار ما عاد يطلع فوق 160 وراس مالهم فوق 200 ...بيتبعوا هي الطريقة تقسيم راس المال لعشرة اقسام ...رح بسط الامر عليك كتير لنفترض هلىء انت معك 30 الف دولار ...بتبيع 3 الاف على سعر 150 وفي حال نزل الدولار لل140 بترجع بتشتري 3 الاف دولار وبصير معك 30 الف ليرة سوري ..طيب في حال بعت 3 الاف ب150 وما نزل تابع طلوع لل160 هون بتبيع 3 الاف تانية ومجموع المبلغين يلي بعتهم تقسيم 2 بيطلع كانك بايع على 155 ...طيب لنفترض بعد ما بعت القسم الثاني على 160 هبط لل155 بترجع متل ما عملت اول مرة بتشتري 3 الاف فقط على 155 وبتحط بجيبك 30 الف ليرة سوري مربح ...طيب في حال بعت القسم الثاني عال160 ومانزل وتابع طلوع لل170 بتبيع 3 الاف دولا هيك بصير مجموع الثلاث اقسام يلي بعتهن بتقسمهم على 3 بيرجع عليك سعر وسطي للمبالغ يلي بايعها على 160 ...طيب في حال بعد ما بعت القسم الثالث على 170 ونزل على 160 هون بترجع بتشتري 3 الاف دولار وبزيد معك 30 الاف ليرة سوري حطن بجيبك ...شو منستفيد من هي العملية اول الشي جني ارباح يومية خصوصا في ظل هل التذبذبات الحادة بالسعر ...تاني شي نحن بهل الطريقة عما نكون عما نحافظ على راس المال وما عما نضيعه وذلك من خلال التعويض بسعر ادنى من السعر يلي بعت عليه وحصولك على مبلغ سوري ارباح وبامكانك تجميع ارباح السوري للنقاط المتدنية او استخدامه للمصاريف الخاصة ,,,ثالث شي في حال متابعة طلوع بعد كل قسم تقوم ببيعه كمان بكون الك بتلك الطلعه فائدة وهو رفع قيمة راس مالك من خلال بيعك لعدة اقسام في كل ارتفاع وتقسيهم على عدد تلك الاقسام ..فمثلا انت بعت خمسة اقسام وما نزل ولامرة بعد الاقسام يلي بعتها على 150 ...160 ...170 ...180 ...190 .فعليا بتكون كانك بايع وسطيا على سعر 170 ....اذا دايما الفايدة الاولى بهي الطريقة هي الهدف تحريك راس المال بطريقة مدروسة وبعيدة عن اي مخاطرة قاسية ...ثانيا تحقيق ارباح من خلال تعويض نفس القسم يلي بعته بسعر اقل والسوري المربح بتخليه سوري ويمكن تكبر فيه راس مالك بالدولار من خلال شراء المزيد من الدولار ...ثالث شي في حال طلوعه المستمر كمان المربح معك لانو انت لما دخلت بهي النظرية دخلت ومقتنع انو الدولار ما عاد يبلغ مستويات قياسيه فاي طلوع بكون فيه فائدة الك لانو عما يرفع من قيمة دولاراتك بسعر وسطي ...اقرأها منيح وبتمعن وجيب ورقة وقلم واحسبها على مهلك واذا ما فهمتها لسه برجع بشرحلك على الخاص
__________________
ما فائدة القلم اذا لم يضمد جرحا او يطهر قلبا او يكشف زيفا او يبني صرحا