رد: صالة أسعار الدولار والذهب مقابل الليرة السورية ليوم السبت 2-11-2013
صباح الخير للكل
استاذ انس اسف تأخرت لقدرت رد عليك بس نصيحة مني مالك مصلحة بالويسترن باللادئية
لأن بكل مدينة اللادئية مافي غير مكتب واحد بيسلم حوالات الويسترن هوة مكتب الديار بشارع 8 آذار
صدقا و شوف عيني في ناس كل يوم عم تجي من الساعة 5 و 6 الصبح عم تضل ناطرة ع باب المكتب لتستلم حوالاتها و المكتب اساسا بيفتح الساعة 9 و فيه 3 موظفين فقط و الناس بالمئات كل يوم ع باب المكتب يعني مرة رحت الساعة 8 الصبح فكرت حالي ذكي طلع في ناس جاية و قاعدة و مسجلة قائمة بالاسماء و كان دوري انا رقم 140 ف تخيل يرعاك الله و المكتب طبعا اكتر من 50 حوالة باليوم ما قادر يمشي
الوضع مسخرة من ناحية حوالات الويسترن باللادئية و خصوصي مع الضغط السكاني الكبير فيها حاليا ف الافضل الواحد يطلع ع لبنان يجيبهم و يرجع و و بيتاجر فيهم و بيصرفهم و بيجيه غيرهم و لسى بيكون ما قبضهم من اللادئية
