المشاركة الأصلية كتبت بواسطة mak

يوم مبارك للجميع

لفت نظري بعض التعليقات عن مزادات السيارات و قرارات مرتقبة سوف تخرب بيت ما يسمى بمافيا السيارات......قناعتي انو هي المافيا هي من تضع القوانين و تفصلها على مقاسها و ما راح يروح بين الرجلين الا الصغار يللي ما عم يعرفو شو عم ينطبخ.....و هي المافيا ما بتشتغل بشغلة وحدة...يعني بتشتغل بالسيارات لحتى تشبع و تغب اد ما بدها و بس يبلش صغار التجار يفهمو شو عم يصير و يفكرو يفوتو هالفوتة بغيرو الشباب الطيبة اتجاه الريح بما لا تشتهيه سفن الصغار و بيطيروهوم.....و بيقلبو على شغلة تانية ...سكر رز سمنة ....دولار ....مولدات ...عقارات ....الخ .........هلأ يللي بيستفيد هو القريب من اصحاب القرار يللي بيفصلو القوانين على قياس البعض ......هلأ يللي عندو معلومات و حابب يفيد بيقول شو القرار و شو هدفه على أرض الواقع (طبعا اذا كان مسموح له بهالشي ) اما يللي بيقول في قرار قريب و مدري شو هاد حكي ما بيقدم و لا بيأخر ...لأنو عنا ما شالله كل يوم في قرار جديد بشي موضوع .....و اثره حتى و قت يطلع كل واحد بفسرو شكل