رد: صالة أسعار الدولار والذهب مقابل الليرة السورية ليوم الاثنين 21-10-2013
صباح الخير لكل الموجودين بالموقع
عم استطلع المشاركات المكتوبة
ووجدت تناقض كبير فيها
ناس بتقول انه المركزي مسيطر على سعر الصرف
وناس بتقول انه انه المركزي مضارب
وناس بتقول انه المركزي خارج التغطية
هلىء من وجهة نظري البنك المركزي كدائرة حكومية
مو هي الجهة يلي عم تتحكم بسعر الصرف بالمطلق
بس حاليا هي الفزاعة يلي عم تخوف الناس وتخليهم
يحسبوا الف حساب قبل ما يعملوا اي خطوة ممكن تخسرهم
ربع مدخراتهم يعني بطريقة تانية البنك المركزي اثبت انه
مو بس بالضخ والتدخل ممكن نحافظ على قيمة العملة
في وسائل اضمن واوفر بكتير من الضخ والتدخل
وهي التحكم بالعامل النفسي لعموم الشعب بطرق
عديدة لانه مو من المنطقي ابدا انه بيوم من الايام
يكون السعر قبل نشرة الاخبار 200
ويصير بعدها 300 صح هذا الشي بياثر بشكل عكسي
يعني خبر سيىء لا سمح الله ممكن يوصل السعر بغضون ساعات
لل500 ومشان هيك البنك عرف يلعبها صح عرف انه العامل النفسي اهم من الضخ والتدخل ذاته
وصار يخوف الناس بالتدخل ويطلع بعض الناس يقول بكرة رح نشوف الدولار ب100
وهاد الشي وقعه على السوق اقوى من التدخل بالف مرة
التدخل ممكن ينزل السعر 10 او 15 ليرة
لكن خوف الناس من خسارة اموالها ممكن ينزل السعر 50 او 75 ليرة بوقت معين
ودمتم بخير ومشكورين على رحابة صدركم