عضو مشارك
تاريخ التسجيل: Jul 2013
الدولة: سوريا
المشاركات: 191
شكراً: 1,646
تم شكره 1,049 مرة في 181 مشاركة
رد: صالة أسعار الدولار والذهب مقابل الليرة السورية ليوم السبت 19-10-2013
اقتباس:
المشاركة الأصلية كتبت بواسطة جوليت
اي رأي هادا , ليش بعد في رأي , الو للمركزي نزل الدلوار لانو العالم جاعت وكل الحق عليك انت سبب المجاعة بالبلد , اوكي نزلو بطريقة او بأخرى , شو صار نزلت الاسعار أكيد لأ .... وتأكدي لو صار الدولار 50 مارح تنزل ... ليش لانو الاجهزة الامنية ماعاد عندا شغل الا الصرافيين , وين التجار يلي عم يسرحو ويمرحو وينن؟؟؟؟؟انا بألك وينن او الك بلاها
شوفي ماعاد فيه حدا عم يناقش موضوع الغلاء الى هالمنتدى , شوفيلي الاعلام عم يناقشو , ابدا
انتي مو همك الا سندوشية البطاطا صارت 200 , سيارة اودي طراز عام 2090 حق هالقد , بيت بالمالكي حقو هالقد , القهوة بروتانا كافيه صارت هالقد ....... لانو شوفي الشعب كلو راكض عالبيوت والسيارات الفاخرة وسندويش البطاطا تبع 200 ... واخر سمعة ياريت الدولار يصير
400
خلينا نفهما بقى في ناس عم تلعب لعبة وسخة كتير , ومو حاطة بين عيونا الا هدف واحد : تجويع الشعب حتى لو الدلوار بصير بليرة
انا بفهم شغلة وحدة متل ما الاجهزة الامنية كمشت صرافينن وصارت تفرشون عالاعلام , تكمل معروفا ( مع انو مو معروف انا بعتبرو )وتبلش بكم تاجر ( هني كم واحد مو اكتر )
صارت حادثة نهار الاربعاء من اسبوعين تماما الساعة 6:30 المسا , تاجر اشترى دولارات نص مليون دولار بسعر 155 ليرة سورية ... جاب بضاعة .. البضاعة هلأ عم تنباع بالسوق عاساس 235 ليرة سورية وصدقا لو انو السيد غالب مالفت انتباهي لشي فعلا كان رايح عن بالي انو نحنا عم نحكي وهويتنا الكاملة مانا معروفة وهني بوجه المدفع عالشي يلي عم نكتبو , لكنت الت اسمو .. بس اليلي هادا شو اسمو انا من وجهة نظري اسمو الكفر بعينو
|
بسمع كتير منك كلمة ولا قلك بلاها ( لا تعليق )
ومين الي قلك أصلا انو ما حدا بناقش موضوع الغلاء ؟؟أنا شفتلك الانترنت والإعلام وطلع أي عم يناقشوا بس ركزي شوي عالتلفزيون مو عالموبايل وانتي قاعدة 
ويا ريت لو تحددي الطرف الي عم يلعب هي اللعبة ( الوسخة ) خلينا نستفيد شوي من هالمعلومات الي عندك ونفهم شو عم يصير حوالينا
وحبيت انقلك هي العبارة مكتوبة تحت بأسفل صفحة المنتدى
جميع مايطرح في المنتدى لا يعبر بالضرورة عن رأي الإدارة، وإنما يعبر عن رأي كاتبه، لذلك تخلي إدارة المنتدى مسؤوليتها عما يطرح فيه من آراء وتوصيات
لذلك فيكي تحكيلنا اسم هالتاجر ولا قلك بالمرة توصي في عند الجهات المختصة لانو هاد عم يخرب اقتصاد البلد وبجوز هو كمان يطلع سبب الازمة وانتي سميتي الكفر بعينو !!!!!!!!!!!!!!!!
( التاجر الي بيدفع ثمن البضاعة على دولار 155 من الطبيعي جدا يبيع على سعر اكتر لانو عندو أجور استجدت علي ما كان يدفعا من قبل وتأمين طرقات ورشرشة هون وهون ومن الطبيعي أصلا يزيد هامش ربحو لان أسعار كلشي بالبلد زادت )
أصلا هاد التاجر روح قلبو يثبت سعر الصرف ليعرف يشتغل لأن اوقات كتير بتصير وبيخسروا هاد الحكي بالنسبة للبضائع وليس لبيع وشراء الدولار
أما بالنسبة للشي الي ما بيتعلق بالدولار متل البندورة كانت تنباع عند ( الخضرجي ) ب 15 ليرة هلا عم تنباع بأسعار انتي بتحسيها خيالية بس رجعي لأصل السيارة الي حملت البندورة من درعا مثلا وشوفي قديش كلفت لوصلت عالشام مع العلم هلأ سعر البندورة بدرعا 65-70 وبالشام 150
ورح عطيكي مثال تاني انو لما الناس تعتب عالحلاق ليش رفع تسعيرتو وبصيروا يقولوا شو أثر عليك الدولار هو بصراحة ما أثر علي الدولار بس أثر علي ارتفاع الاسعار يعني هاد الزلمة بياكل وبيشرب وصار يشتري بالغالي لذلك رفع تسعيرتو ومتلو بياع الخضرة ووووو
ومشان ما نحط ارتفاع الأسعار برقبة حدا السبب الواضح والقوي والأساسي هو ( الأزمة ) وبجوز بشكل كبير لولا التجار البقيانين بالبلد كنا عم نغني سنسكريتي